Saturday 26 November 2016

✦.......♥ Momin ke Dil Mein Basne Wali Aurten! ♥.......✦

Momin ke Dil mein Char Tarah ki Aurten basti hain:
❶ Us ki Maa ❷ Us ki Biwi ❸ Us ki Bahen ❹ Us ki Beti

● Pahli ki Razamndi Mein Allah ki Raza mandi aur Jannat hai.
● Dusri ke sath Diljoyi aur Umdah sulook karna, RasoolAllah (ﷺ) ki Wasiyat hai.
● Teesri ke sath Ehsan aur Naik bartao karna, Silah Rahmi aur Khair o Barkat ka zariya hai.
● Chauthi ki acchi Parwarish aur Tarbiyat, Jannat mein RasoolAllah (ﷺ) ki Rafaqat ka Sabab hai.

●◗► Lehaza Apni Tamam tar Tawajjuhat ka Mahwar Inhin Aurton ko Banayen aur Hamesha Inhen khush Rakhne ki Koshish Karen!

✦.........✔ Khandani Rishton ka ILM Rakhen ✔..........✦

Abu Hurairah RadiyAllahu Anhu narrated that the Messenger of Allah said: "Learn enough about your lineage to facilitate keeping your ties of kinship. For indeed

❶ Keeping the ties of kinship encourages affection among the relatives,
❷ Increases the wealth,
❸ And increases the lifespan."

[Jami` at-Tirmidhi :: Vol. 4 :: Book 1 :: Hadith 1979, 2045]

Urdu Translation: Hazrat Abu Hurairah RadiyAllahu Anhu se Riwayat hai ke Nabi Akram Sallallahu Alaihi Wasallam ne Irshad Farmaya: "Apne Nasbon (khandani Rishton) ko maloom karo Jin ke janne se tum apne Rishtedaron ke sath Silah Rahmi kar sakon kyun ke Silah Rahmi:

❶ Khandan mein Mohabbat ka zariya hai,
❷ Maal o Doulat mein Badhotri ka sabab hai,
❸ Aur Umr Mein izafe ka sabab hai."

[Urdu Ref :: Jami At-Tirmidhi :: Vol. 1 :: Hadith 2043, 2045]

●◗► Khandani Nasab aur Rishton ka khud bhi ILM rakhiye aur Bacchon ko bhi Batayyen taa ke Mustaqbil mein wo bhi Silah Rahmi (Rishtedaro se Naik sulook) kar Saken.

●◗► Jab Aap ko “Rizq” mein kisi Qism ki koi Tangi ya Pareshani Mahsoos ho to zara Gaur kar lijiye ke Kahin Aap, Apne Waldain, Bahen Bhaiyyon aur digar Qareebi Rishtedaron ke sath Husne Sulook mein Gaflat o Laparwahi ke Murtakib to Nahin ho rahe???

✦.........♥ Jannat ke Aala Libas Hasil Karen! ♥…......✦

Narrated Abu Sa'id (al-Khudri) RadiyAllahu Anhu: The Prophet (ﷺ) said: "If any Muslim clothes a Muslim when he is naked, Allah will clothe him with some green garments of Paradise; if any Muslim feeds a Muslim when he is hungry, Allah will feed him with some of the fruits of Paradise; and if any Muslim gives a Muslim drink when he is thirsty, Allah will give him some of the pure wine which is sealed to drink."

[Sunan Abi Dawud :: Book 9 :: Hadith 1678, 1682]

Urdu Translation: Hazrat Abu Sa’eed RadiyAllahu Anhu Farmate hain ke RasoolAllah Sallallahu Alaihi Wasallam ne Irshad Farmaya: “Jis Momin ne kisi Be libas Momin ko kapda Pahnaya Allah Subhanahu Wa Ta'ala use Jannat ke Sabz jode pahnayega, aur Jis Momin ne apne Bhuke Momin bhai ko khana khilaya Allah Subhanahu Wa Ta'ala use Roze Qayamat Jannat ke phal Khilayega, aur Jis Momin ne apne Pyase Momin bhai ko Pani pilaya Allah Subhanahu Wa Ta'ala use Qayamat ke din Muhar lagi hui Khalis Sharab pilayega.”

[Urdu Ref :: Sunan Abu Dawood :: Vol. 1 :: Hadith 1669, 1682]

●◗► Apne Ird Gird Nazar Daliye! Bahot se Fuqara o Masakeen aise Milenge jin ke paas Sardi se Bachao ka Saman nahi, Aise Bebas aur Aajiz logon ke Liye Garam kapdon aur Libaas ka Fauri bandobast kijiye aur Payyen Jannat ke Aala aur Qeemti Libas.

✦......► Badnaseeb Bacchon ki Tarbiyat ◄......✦

●◗► "Jab Baap ko Sirf Paisa banane ki Fikr aur Maa ko banao Singhar (Beautifying Sajne Sawarne) se Fursat na ho to Bacchon ki Tarbiyat TV hi kiya karta hai."

✦.........♥ Khana Khane ki Aik Sunnat! ♥…......✦

Jabir RadiyAllahu Anhu reported that Allah's Messenger (ﷺ) commanded the licking of fingers and the dish, saying:
You do not know in what portion the blessing lies."

[Sahih Muslim :: Book 23 :: Hadith 5043]

Urdu Translation: Hazrat Jabir RadiyAllahu Anhu se Riwayat hai ke Nabi Akram Sallallahu Alaihi Wasallam ne (Khane ke Aakhir mein) Ungliyan Chatne aur Bartan saaf karne ka Hukum diya aur Irshad Farmaya: “Tumhen Maloom Nahin ke Khane ke kis Hisse mein Barkat hai.”

[Urdu Ref :: Sahih Muslim :: Vol. 5:: Hadith 5300, 5420]

✦.........♥ 2 Qabile Ibrat 2 Qabile Rashk Aurten ♥.........✦

●◗► "Quran kareem ki 3 Aayat (Surah At-Tahrim 10 ta 12) Mein Mazkoor 4 Aurten."

❶ Hazrat Nooh Alaihis Salam ki Biwi: is ka Naam "Wahla" tha, is ko Nabi barhaq Sayyidna Nooh (Alaihis Salam) ki Zojiyat ka sharf Hasil hua aur barson ye Allah Ta’ala ke Nabi ki Sohbat se Sarfaraz rahi magar us ko Iman Naseeb nahi hua balke ye Hazrat Nooh (Alaihis Salam) ki Dushmani aur Touheen o be’adbi ki Murtakib hokar bagari Iman ke Margayi aur Jahannam mein dakhil hui.

❷ Hazrat Loot (Alaihis Salam) ki Biwi: is ka Naam "Wa’la" tha, ye bhi Jaleel ul Qadr Nabi Hazrat loot (Alaihis Salam) ki Zojiyat o Sohbat se barson sar faraz rahi Magar is ke sar par Aisa Shaitan sawar tha ke Sacche dil se kabhi iman Nahin layi balke Umr bhar Munafiqa rahi aur apne Nifaq ko chupati rahi, Jab Qaum loot par Azab aaya aur Hazrat Loot (Alaihis Salam) apne Ahl o Ayal ko lekar nikle to us ne Hazrat Loot (Alaihis Salam) ki baat na mani to Azab ka aik patthar use bhi laga aur ye bhi halak hokar Jahannam raseed hogayi.

❸ Firaon ki Biwi: in ka Naam "Aasiya Bint Mazahim" RadiyAllahu Anha tha, ye Firaon ki biwi then magar in ke dil mein Iman ka Noor chamak utha aur ye Hazrat Musa (Alaihis Salam) par Iman le Aayen, Jab firaon ko khabar hui to us Zalim ne Hazrat Aasiya ko badi sakht azyaten dee, lekin wo apne Iman par qayem rahen aur Firaon aur zalimon ke kartuton se Allah ki panah aur Jannat mein Mahel ki duayen mangti rahin, isi halat mein un ka khatima hogaya aur wo Jannat mein dakhil hogayin.

❹ Maryam Bint Imran: Ye Hazrat Isa (Alaihis Salam) ki waldah mohtarma then, Hazrat Isa Alaihis Salam un ke Shukam Mubarak se bagair Baap ke paida hue the is liye Qaum ne Ta’an, Badgoyyon aur Tohmaton se Hazrat Maryam (Alaihas Salam) ko badi Aezayen pohchayen, Allah ne un ki Iffat o Pakdamni ko Quran kareem mein bayan Farmaya aur Aik poori surat un ke Naam se nazil Farmayi.

●◗► Aurat Agar Khud Be Deen rehna Chahe to Islah ki Laakh Koshishen bhi be sood hain, Aur Agar Deen daar banna Chahen to Shohar aur Mahol ki Rukawaton ke Bawajood bhi ban sakti hai.

✦...♥ Jin Gharon Mein Rehmat ke Farishte Dakhil Nahin Hote! ♥...✦

❶ Qata Rahmi karne (yani Rishtedariyan todne) wale ka Ghar. (Al-Adab Al-Mufrad Al-Bukhari: 63) Grade: Da'if (Al-Albani)

❷ Jis Ghar mein kutta ho. (Sahih Bukhari: 3225)

❸ Jis Ghar mein Jandar Tasaweer ya Murtiyan Aawezan hon. (Sunan an-Nasa'i: 262)

❹ Jis ghar mein Mausiqi aur Naach gane ka Saman ho. (Sunan an-Nasa'i: 5222)

❺ Jis ghar mein Junbi ho (Yani aisa Shaks jo gusul Farz ho Jane ke baad bhi Gusul na kare.) (Sunan an-Nasa'i: 262)

●═════════════════◄►════════════════●

The Messenger of Allah (Sallallahu Alaihi Wasallam) said: "Mercy does not descend on a people when there is someone among them who severs ties of kinship." (Al-Adab Al-Mufrad: 63) Grade: Da'if (Al-Albani)

Allah's Messenger (ﷺ) saying: "Angels (of Mercy) do not enter a house wherein there is a dog. (Sahih Bukhari: 3225)

The Messenger of Allah (ﷺ) say: 'The angels do not enter a house in which there is a small bell, or a bell. (Sunan an-Nasa'i: 5222)

The Messenger of Allah (Sallallahu Alaihi Wasallam) said: "The angels do not enter a house where there is an image, a dog or a Junub person." (Sunan an-Nasa'i: 262)

 ✦......♥ Tawakkul Ki Nemat Se Lutf Andoz Hon! ♥…...✦

●◗► Allah hi ko Maloom hai ke Aap ke liye kab aur kya Behtar hai, Lehaza apne Tamam Iradon aur Mansubon ke liye Hasbe Isteta’at Husne Tadbeer aur Koshish Karen aur phir apne Mua’mlat Allah ke Supurd kar ke Tawakkul ki Nemat se Lutf Andoz hon. ♥

Monday 14 November 2016

✦......♥ Rishte ke Intekhab ki Faisla kun Ghadi  ♥…...✦

Narrated Abu Huraira RadiyAllahu Anhu: The Prophet (ﷺ) said, "A woman is married for four things, i.e., her wealth, her family status, her beauty and her religion. So you should marry the religious woman (otherwise) you will be a losers.

[Sahih al-Bukhari :: Vol. 7 :: Book 62 :: Hadith 27, 5090]

Urdu Translation:  Hazrat Abu Hurairah RadiyAllahu Anhu se Riwayat hai ke RasoolAllah Sallallahu Alaihi Wasallam ne Irshad Farmaya: “Aurat se 4 Chizon ki waja se Shadi ki jati hai:

❶ Us ki Maal dari ki waja se
❷ Hasab Nasab (unche khandan) ki waja se
❸ Khoobsurti ki waja se
❹ Deendari ki waja se

Tum Deendar Aurat ko Tarjeeh de kar Kamyabi hasil karo, (Aur agar tum Deendari ko Tarjeeh na doge to) Khair o Bhalayi se Mahroom ho jaoge.”

[Urdu Ref :: Sahih Bukhari :: Vol. 6 :: Hadith 5090]

✦.......♥ Rozana... Aik Parah ki Tilaawat ♥.......✦

Shaheed-e-Islam Hazrat Maulana Muhammad Yusuf Ludhyanvi Rahimahullahu Ta’ala Tahreer Farmate hain:

“Akabir Farmate the ke Chaand ki jo Tareekh ho wahi Tumhare pare ki Tilawat ho ke Tum se koi puche ke Aaj tum ne konsa Parah padha hai?

To Tum kaho main ne 22 wan parah Padha hai Aaj 22 tareekh hai… Agar 29 ka Chaand ho gaya to Mahina ke khatam par Aakhri din Aik Parah aur Padhlo…

Pahli Tareekh ko Pahla parah Shuru karo, is se Km darja Nahin hona Chahiye…

(Islahi Mawaiz: Jild 1: Safah Number: 188)

●◗► Hamen Sari Zindagi isi Baat ki Fikr lagi Rehti hai ke Log kya kahenge aur Aakhir mein Log bus Yahi kehte hain:

Inna lillahi Wa inna ilayhi Raji'un
إِنَّا لِلّهِ وَإِنَّـا إِلَيْهِ رَاجِعونَ

✦.......♥ Walide Mohtaram ke Doston ka Ehteram ♥.......✦

'Abdullah b. Umar RadiyAllahu Anhu reported Allah's Apostle (Sallallahu Alaihi Wasallam) as saying: "The finest act of goodness is that a person should treat kindly the loved ones of his father."

[Sahih Muslim :: Book 32 :: Hadith 6193, 6678]

Urdu Translation: Hazrat Abdullah bin Umar RadiyAllahu Anhu se Riwayat hai ke RasoolAllah Sallallahu Alaihi Wasallam ne Irshad Farmaya: "Aala Nekiyon mein se Aik Aala neki ye hai ke Aadmi apne Walid ke Dost Ahbab ke sath Ehsan o Sulook ka Mu’amla kare."

[Urdu Ref :: Sahih Muslim :: Vol. 6 :: Hadith 6514, 6678]

✦..........♥ Gusse ka Kadwa Ghoont ♥..........✦

It was narrated from Ibn ‘Umar RadiyAllahu Anhu that the Messenger of Allah (Sallallahu Alaihi Wasallam) said: "There is no gulp that brings greater reward with Allah than a gulp of anger that a man swallows (suppresses), seeking thereby the Face of Allah."

[Sunan Ibn Majah :: Vol. 5 :: Book 37 :: Hadith 4189] [Al-Adab Al-Mufrad :: Hadith 1318]

Urdu Translation: Hazrat Ibn Umar RadiyAllahu Anhuma se Riwayat hai ke RasoolAllah Sallallahu Alaihi Wasallam ne Irshad Farmaya: "Allah Subhanahu Wa Ta'ala ke Nazdeek Gusse ke us Ghoont se zyadah Ajr o Sawab kisi Ghoont par nahin, Jo Gusse ka Ghoont bandah ne Mahez Allah ki Raza ke Liye piya ho."

[Urdu Ref :: Sunan Ibn Majah :: Vol. 3 :: Hadith 1070, 4189]

✦.......► Gareeb Mohtaj ki Madad na Karna! ◄.......✦

The Messenger of Allah (Sallallahu Alaihi Wasallam) said: "Shall I not inform you about the worst of the people ? A man who is asked by (the Name of) Allah, but not given by Him."

[Jami` at-Tirmidhi :: Vol. 3 :: Book 20 :: Hadith 1652]

Urdu Translation: RasoolAllah Sallallahu Alaihi Wasallam ne Irshad Farmaya: “Kya Main tumhen Logon mein se Badtareen Aadmi ke bare mein na Bataun? Ye wo Aadmi hai Jis se Allah ke Naam pe kuch Manga jaye aur wo (hote hue bhi) Na de.”

[Urdu Ref :: Jami` at-Tirmidhi :: Vol. 1 :: Hadith 1704, 1652]

●◗► Main hamesha Yahi Samajhta raha ke Achanak maut sirf Dusron ke liye hogi.

✦.........♥ Khana Khane ka Aik Ahem Adab ♥.........✦

Narrated Ibn 'Abbas RadiyAllahu Anhu: That the Prophet (Sallallahu Alaihi Wasallam) said: "Indeed the blessing descends to the middle of the food, so eat from its edges, and do not eat from its middle."

[Jami` at-Tirmidhi :: Vol. 3 :: Book 23 :: Hadith 1805]

Urdu Translation: Hazrat Ibn Abbas RadiyAllahu Anhu Farmate hain ke Nabi Akram Sallallahu Alaihi Wasallam ne Irshad Farmaya: "Barkat khane ke (bartan ke) Darmiyani hisse Mein utarti hai, Lehaza (bartan ke) Kinaron se (ibteda’an) Khaya karo, is ke Darmiyan se na khaya karo."

[Urdu Ref :: Jami` at-Tirmidhi :: Vol. 1 :: Hadith 1863, 1805]

✦.....► Dushmani Khatam Karne ka Nuskha ◄.....✦

●◗► Taali Hamesha do Hath se Bajti hai, Isi Tarah Dushmani bhi do Tarfa Aml hai, Aap Dushmani ka Jawab Dushmani se na den, Dushmani khud ba khud Khatam ho Jayegi.

✦........► Maahe SAFAR Hargiz Manhoos Nahin! ◄........✦

Maahe Safar Islami Qamri Calendar ka dusra mahina hai, is Mahine mein shari’at Mutahhara ne na to koi khaas Ibadat Muqarrar ki hai aur na hi is Mahine ke bare mein koi khaas toham Parasti ki taleem di hai, Magar Bad’qismati se kuch Logon ka khayal hai ke (Na’uzubillah) ye Mahina badbakht aur Manhoos hai, isi wajah se is Mahine mein Shadi Biyah o digar khushi ki Taqribaat ke In’eqad se ijtenab kiya jata hai.

Ye khayal Bilkul be Bunyad hai aur ye Darasal usi Toham Parasti ka Tasalsul hai jo Islam se Qabl Arab mein aam thi, RasoolAllah Sallallahu Alaihi Wasallam ne Toham parasti par mabni aise Tamam Aqayed ko yaksar khatam farma diya, Bilkhusus Maahe safar ke bare mein to Allah ke Rasool Sallallahu Alaihi Wasallam ne wazeh tor par Irshad Farma diya: La Safar yani "Safar ke Mahine ko Manhoos Samajhne ki koi Haqiqat Nahin." (Sahih Bukhari: 5757)

 Is wazeh Irshade Nabwi ke bawajood bhi Aaj kal logon ki aik badi Ta’dad is mahine ko Manhoos samajhti hai Balke is mahine ke hawale se Ajeeb o Gareeb chizen hamare Mua’shre mein Mashhoor hain. Maslan:

❶ Is ke ibtedayi 13 din Manhoos aur "Tera Tezi" kehlate hain.
❷ Is Mahine ki Nahusat se bachne ke liye zyadah se zyadah Murawwaja Quran khuani ka Ehtemam kiya jata hai.
❸ Sirf isi Mahine mein Jinnat se hifazat ke Aamal kiye jate hain.
❹ Is Mahine ki Nahusat se bachne ke liye Ghar se door daraz nikalne aur safar karne se ijtenab barta jata hai.
❺ Is Mahine ko Aurton ke bajaye Mardon par zyada bhari Tasawwur kiya jata hai.
❻ Is mahine ki Aakhri budh ko khushi Manayi jati hai aur Mithayi taqseem ki jati hai. Wagerah.

●◗► Islam mein bad’shuguni aur Nahusat ka koi Tasawwur nahin, Islam Mein agar koi Nahusat o Bad’shuguni ki cheez hai to wo insan ki apni Bad’Aamaliyan, Fusq o Fujoor, Naach gana, Fahashi o Uryani aur Allah ki khullam khulla Nafarmaniyan hain jo ghar ghar mein ho rahi hain, Agar ham waqeyi Nahusat se bachna Chahte hain to Lanat o phatkar aur Qaher khudawandi ko Dawat dene wale kamo se bachen.