✦.......♥ Qurani Hidayat! Guftagu Kaisi Honi Chahiye? ♥.......✦

► Bhali Baat Kaha Karo. (Al-Baqarah:83)

► Seedhi Aur Sacchi Baat Kaha Karo. (Al-Ahzab:70)

► Behtarin Baat Kiya Karo. (Bani Israil:53)

► Narmi Se Baat Karo. (Taha:44)

► Insaf Par Mabni Baat Kaho. (An’aam:152)

► Jhooti Baat Se Bacho. (Al-Hajj:30)

✦.........► Raaste Ke Huqooq◄.........✦

❶ Kisi Ko Azyat Dene Se Bachna

❷ Aankhon Ko Bahot Past Rakhna

❸ Raste Se Taklif Dah Cheez Hatana

❹ Salam Ka Jawab Dena

❺ Bhali Baat Ka Hukum Dena Aur Buri Baat Se Rokna

❻ Acchi Guftagu Karna. (Bukhari, Muslim)

❣️ Shohar Agar Ghar Se Door Ho To Logon Se Bhara Hua Ghar Bhi Aurat Ko Wiraan Aur Khali Lagta Hai ❣️

✦.......♥ Do Jumle..Kamyab Shadi Ka Raaz ♥.......✦

Hazrat Abu Ad-Darda RadiyAllahu Anhu Apni Zoja Se Farmate The: “Jab Main Kisi Baat Par Naraz Ho Jaun To Tum Mujhe Razi Kar Lena Aur Jab Tum Naraz Ho Jao To Main Tumhen Razi Karlunga Agar Ye Baat Na Hogi To Ham Bahot Jald Aik Dusre Ko Kho Baithenge.” (Tareekh Ibn Asakir)

✦.........► Hamare Roz Marrah Muamlat Mein Kasrat Se Sadir Hone Wale Kabirah Gunah Aur Un Ka Mukhtasar Ta’aruf ◄.........✦

► Gheebat:  Peeth Piche Kisi ki Aisi Burayi Bayan karna Jo us mein Maujood ho.

► Bohtan: Kisi ki Aisi Burayi Bayan karna jo us mein Maujood hi Na ho.

► Jhoot: Aisi baat karna ya Khabar dena jo Haqiqat ke Khilaf ho.

► Riyakari: Dikhlawe ke liye Naik Aml karna.

► Hasad: Kisi ke Paas Maujood kisi Nemat Par Jalna aur Pareshan hona.

► Badgumani: Kisi ke Bare mein koi Bura Khayal ya Buri raye Qayem karna.

► Tamaskhur : Kisi Shaks ya Qaum Wagherah ka Mazaq Udana.

► Takabbur: Apne ko Dusron se Bada Samajhna.

► Taassub: Nahaq Apni Qaum ka Sath dena, Apni Qaum ko Sab se Behtar Samajhna.

► Dhoka: Apne Faidah ke liye Jante Boojhte Ghalat Bayani ya Ja’alsazi karna.

► Tao Mein Rehna: Kisi ki Sargarmiyon Pe Nazar Rakhna aur Jasusi karna.

► Sazish: Kisi ko Nuqsan Pohnchane ke liye Mansube Banana.

► Waldain Ki Nafarmani: Maa Baap Ka Kehna na Maanna, Un ki Qadar na Karna, Unhen Takleef Pohnchana.

► Qata Rahmi: Rishte nate Todna, Musalman se Baat Cheet Band karna.

●◗► Ya Arhamar Rahimeen! Hamen Aur Sari Ummat Ko In Gunahon Se Mahfooz Farma. (Aameen)

♥ Bohat Acchi Malumaat hai, Jo ke Sab ko Malum Honi Chahiye Lekin Bahot Kam log Jante Hain, Khud bhi Padhe Aur Share Karen, JazakAllahu Khairan ♥

✦....♥ Mohabbat Ka Ehsas Alfaz Se Nahin Bartao Se Kiya Jata Hai ♥....✦

●◗►  Khali Zaruraten Puri Karne Se Rishte Kabhi Nahin Nibhaye Jate, Zarurate To Aap Apne Mulazimeen ki Bhi Puri Karte Ho, Zaruraten To Aap Un ki Bhi Puri Kar Dete Ho Jin Ko Aap Jante Tak Nahin, Asal Cheez Hai Ehsas, Jab Tak Ehsas Paida Nahin Hoga, Rishta Nibhaya Nahin…Ghaseeta Jata Hai..!!

✦.........► Kina o Adawat Ki Aag Ka Wabal! ◄.........✦

Allah's Messenger (ﷺ) as saying: The gates of Paradise are not opened but on two days, Monday and Thursday. and then every servant (of Allah) is granted pardon who does not associate anything with Allah except the person in whose (heart) there is rancour against his brother. And it would be said: Look towards both of them until there is reconciliation; look toward both of them until there is reconciliation; look towards both of them until there is reconciliation.

[Sahih Muslim :: Book 32 :: Hadith 6222, 2565]

Urdu Translation: Nabi Kareem ﷺ ne Irshad Farmaya: Jannat ke Darwaze Peer aur Jumerat ke Din khole Jate hain aur Har us Bande ki Maghfirat kardi Jati hai jo Allah Ta’ala ke Sath Shirk na karta ho, Siwaye us Shaks ke Jis ke aur Us ke Bhai ke Dil mein Aik Dusre ke liye Kina o Adawat ho, Phir un Donon ke Bare mein Hukum hota hai ke In ki Maghfirat mein Intezar karo Yahan Tak ke yo Sulah Karlen, In donon ki Maghfirat mein Intezar karo Yahan  Tak Ke ye Sulah karlen, In Donon ki Maghfirat Mein Intezar Karo Yahan Tak Ke Ye Sulah karlen.

[Urdu Ref :: Sahih Muslim :: Vol. 6 :: Hadith 6544]

💖 Koshish Itni Hai Ke Koi Ruthe Na Ham Se, Nazar Andaz Karne Walon Se Nazar Ham Bhi Nahin Milate 💖

✦.......♥ Balon Mein Kanghi Karna Bhi Sunnat!  ♥.......✦

Hazrat Humayd bin Abdurrahman RadiyAllahu Anhu relates form a Sahabi that Sayyidina Rasulullah (ﷺ) combed his hair occasionally.

Urdu Translation: Aik Sahabi RadiyAllahu Anhu Farmate Hain ke: “RasoolAllah ﷺ Kabhi Kabhi Kanghi Kiya Karte The.”

[Shama'il Muhammadiyah :: Book 4 :: Hadith 36]

✦...► Zabte Wiladat (Birth Control) Khilafe Shari’at Hai! ◄...✦

Sheikh ul Islam Hazrat Mufti Taqi Usmani Sahab Madzillah Tahreer Farmate Hain: “Khandani Mansuba Bandi Ki Jo Tahreek Chal Rahi hai Wo Khilafe Shari’at hai, Kisi Infiradi Uzr ki Bina Par Zabte Tauleed ka Aml Shar’an Jayez ho Sakta hai, Lekin Aam Muflisi ke Khof se Zabte Wiladat ki Tahreek Chalana Durust Nahin.” [Fatawa Usmani :: Jild 4 :: Safha 326]

💐 Aksar Log Kehte Hain Ham Se Ghalat Baat Bardasht Nahin Hoti, Halan Ke Ghalat Baat Bardasht Karna Hi To Sabr Hai, Sahih Baat Bardasht Nahin Ki Jati Balke Tasleem Ki Jati Hai 💐

●◗► Agar Ham Apni Aulad Ko Apna Dost Bana Kar Accha Insan Nahin Banayenge To Bure Log Unhen Apna Dost Bana Kar Bura Insan Bana Denge....!!

✦......♥ Roze Mehshar Muminin Par Allah Ka Pardah! ♥......✦

Ibn `Umar RadiyAllahu Anhu said, "I heard Allah's Messenger (ﷺ) saying, 'Allah will bring a believer near Him and shelter him with His Screen and ask him: Did you commit such-and-such sins? He will say: Yes, my Lord. Allah will keep on asking him till he will confess all his sins and will think that he is ruined. Allah will say: 'I did screen your sins in the world and I forgive them for you today', and then he will be given the book of his good deeds. Regarding infidels and hypocrites (their evil acts will be exposed publicly) and the witnesses will say: These are the people who lied against their Lord. Behold! The Curse of Allah is upon the wrongdoers." (11.18)

[Sahih al-Bukhari :: Vol. 3 :: Book 43 :: Hadith 621, 2441]

Urdu Translation: Hazrat Abdullah Bin Umar RadiyAllahu Anhuma Farmate Hain ke Main ne RasoolAllah ﷺ ko ye Irshad Farmate hue Suna: “Allah Ta’ala (Qayamat ke Din) Momin ko Apne Nazdeek Bulayenge aur Us Par Apna Pardah Daal kar use Chupalenge, Phir Allah Ta’ala us se Farmayenge: Kya Tujh ko Fulan Gunah Yaad hai? Kya Fulan Gunah Tujh ko Yaad hai? Wo Momin Kahega: Han, Aye Mere Parwardigar! (Mujhe Yaad Hai) Aakhir jab wo Apne Gunahon ka Iqrar karlega aur Use Yaqeen Aajayega ke Ab Wo Halak ho Gaya to Allah Ta’ala Farmayenge ke Main ne dunya mein Tere Gunahon Par Pardah dala aur Aaj bhi Main Teri Maghfirat karta hun, Chunanche use Us ki Nekiyon ka Aa’mal Nama de diya Jayega, Lekin Kafir aur Munafiq ke bare Mein Un Par Gawah (Malaika, Anbiya, Aur Jin o Ins Sab) Kahenge ke Yahi Wo Log hain Jinhon ne Apne Parwardigar Par Jhoot Bandha tha, Khabardar! Zalimon Par Allah ki Phatkaar hogi.”

[Urdu Ref :: Sahih Bukhari :: Vol. 3 :: Hadith 2441]

✦....► Indonesia Mein Tabdili Ki Qabile Taqleed Laher! ◄....✦

Indonesia mein Hukumati Sateh Par Masajid ka Sarwe kiya Gaya to Maloom hua Ke Taqriban 40% Log Masjid mein Namaz Padhne Nahin Aate, Ya to Wo Namaz hi Nahin Padhte ya Namaz to Padhte hain Magar Gharon mein hi Padh lete hain, is Ijtimayi Kamzori ki Wujuhat Par Ghor kiya gaya to Tehqeeq ke Natije mein ye Baat samne Aayi ke is Masle ki Asal Jad Internet aur Social Media ka be Dareegh istemal hai Jis ne Naujawan Nasal ko is Qadar Masroof kar Rakha hai ke 10 15 Minute Nikal kar Masjid ka Rukh karna bhi Mushkil Hogaya hai, Baad Aza Tafseeli Ghor Khoz ke baad Indonesia  ki Hukumat ne Tai kiya ke Mulk ke Tamam Shahron mein Muqami Waqt ke Mutabiq Namaz ke Auqat mein Taqriban Aadha Ghanta Internet Service, 3G aur 4G ki Sahuliyat ko Band Rakha jayega Ta ke Awam aur Bilkhusus Naujawan, Fursat ke in Lamhat mein Masajid ka Rukh kar Saken, is Faisle ki sab se Badi baat ye hai ke koi bhi is ke Khilaf Nahin aur Sab ne is Faisle ka Khair Maqdam karte hue Hukumate Waqt ke is Iqdam ko Saraha hai.

► “Tabdili” Namaz, Quran Aur Aa’mal Mein Lagne Aur Apne Akhlaq o Kirdaar Ko Sanwarne Se Aayegi...!!

❤️ Beti Ghar Ki Wo Khushbon Hai Jis Ki Mahek Se Ghar Mein Raunaq Paida Hoti Hai ❤️

✦.......► Kisi Ki Museebat Par Khush Na Hon ◄.......✦

The Messenger of Allah (ﷺ) said: "Do not express pleasure at the misfortune of a (Muslim) brother lest Allah should bestow mercy upon him and make you suffer from a misfortune."

[Jami` at-Tirmidhi :: Vol. 4 :: Book 11 :: Hadith 2506] [Riyad as-Salihin :: Book 18 :: Hadith 1577]

Urdu Translation: RasoolAllah ﷺ ne Irshad Farmaya: “Apne Bhai ki Kisi Musibat Par Khushi ka Izhar Na Karo, Ho Sakta hai ke Allah Subhanahu Wa Ta'ala Us Par Rahem Farma kar us Se Musibat ko Door karden Aur Tum ko us Musibat Mein Mubtela Karden.”

[Urdu Ref :: Jami` at-Tirmidhi :: Vol. 2 :: Hadith 392, 2506]

❤️ Jitna Aik Duje Ka Ehteram Karoge Utna Hi Rishta Pyar Bhara Hoga ❤️

✦.......► Maqsad Aur Zarurat Ki Baat Karen! ◄.......✦

●◗► Jis Insan Ko Ye Baat Samajh Mein Aajaye ke Us ke Muh Se Nikalne Wala har har Lafz Ya to Us ke liye Ajr o Sawab Aur Neki ka Zariya Ban Raha hai Ya Phir Gunah aur Azab Ka To Wo Hamesha Soch Samajh kar Sirf Maqsad Aur Zarurat ki Baat Karega.

✦.......►“Online” Se “Offline” Tak Ka Safar! ◄.......✦

Aik Din Aap tamam Dost Mujhe Offline Payenge, Friend Request Bhejenge Lekin Accept Nahin hogi, Messenger Pe Paigham Bhejenge Lekin Jawab Nahin Milega, Main Aap ko Mustaqil Offline Nazar Aaunga, Meri Posten Bhi Aana band Ho jayengi, Kyun ke Main is Dunya se Ruqsat ho Chuka honga aur Qabr ke Tang o Taareek Gadhe mein Akela Qayam Pazeer Honga, Wahan main Apni Tanhayi ko door karne ke liye kisi se Chat Nahin kar Sakunga, Wahan Mere Aamal hi mere liye Hasrat ya Khushi ka Saman honge.. Main aur Aap Jab is dunya se Rihlat Kar jayenge to Ham Apne Hath se Likhi Gayi ya Share ki Gayi Acchi ya Buri Posts Chhod Jayenge, Lehaza Abhi se Koshish kijiye ke Hamari Posts hamare liye Sadaqa Jariya Ban Jayen.

●◗► Jaldi Kijiye! Maut ka Kuch Bharosa Nahin, Apni Timeline ka Jayezah le kar Ghair Zaroori aur Gunah Par Mushtamil Posts ko Delete karden Aur Aayindah Aisi Posts karne se Gurez Karen, Kyun ke Abhi Aap ke Paas Moqa hai Aur Aap Dunya Mein Aur Facebook Par Online Hain.

✦...► Gunah Mein Taawun Bahami Dushmani Ka Sabab! ◄...✦

Allama ibn Taymiyyah Rahimahullah Farmate Hain:“Jab Log Gunah Aur Zulm Ke Kamon Mein Aik Dusre Ke Sath Taawun Karenge To Taawun Karne Wale Aik Dusre ke Dushman Ban Jayenge.”. (Majmu Al Fatawa ibn Taymiyyah)

✦.......►“Online” Se “Offline” Tak Ka Safar! ◄.......✦

Aik Din Aap tamam Dost Mujhe Offline Payenge, Friend Request Bhejenge Lekin Accept Nahin hogi, Messenger Pe Paigham Bhejenge Lekin Jawab Nahin Milega, Main Aap ko Mustaqil Offline Nazar Aaunga, Meri Posten Bhi Aana band Ho jayengi, Kyun ke Main is Dunya se Ruqsat ho Chuka honga aur Qabr ke Tang o Taareek Gadhe mein Akela Qayam Pazeer Honga, Wahan main Apni Tanhayi ko door karne ke liye kisi se Chat Nahin kar Sakunga, Wahan Mere Aamal hi mere liye Hasrat ya Khushi ka Saman honge.. Main aur Aap Jab is dunya se Rihlat Kar jayenge to Ham Apne Hath se Likhi Gayi ya Share ki Gayi Acchi ya Buri Posts Chhod Jayenge, Lehaza Abhi se Koshish kijiye ke Hamari Posts hamare liye Sadaqa Jariya Ban Jayen.

●◗► Jaldi Kijiye! Maut ka Kuch Bharosa Nahin, Apni Timeline ka Jayezah le kar Ghair Zaroori aur Gunah Par Mushtamil Posts ko Delete karden Aur Aayindah Aisi Posts karne se Gurez Karen, Kyun ke Abhi Aap ke Paas Moqa hai Aur Aap Dunya Mein Aur Facebook Par Online Hain.

❤️ Aik Ghaibi Usool Ye Bhi Hai Ke Jo Taqseem Karoge Usi ki Tumhare Paas Farawani Ho Jayegi, Phir Wo Daulat Ho Ilm Ho, Mohabbat Ho Ya Aasaniya ❤️

✦.....► Bacchon Ko Namaz Ka Aadi Banane Ki Umr! ◄.....✦

The Prophet (ﷺ) said: “Command a boy to pray when he reaches the age of seven years. When he becomes ten years old, then beat him for prayer.”

[Sunan Abi Dawud :: Book 2 :: Hadith 494, 494]

Urdu Translation: RasoolAllah (ﷺ) ne Irshad Farmaya: “Jab Tumhare Bacche 7 Saal ki Umr ko Pahonch Jayen to Unhen Namaz ka Hukum karte Raho, Aur Jab wo 10 Saal ki Umr ko Pahonch Jayen to Unhen Namaz Chhodne ki Waja se Saza do.”

[Urdu Ref :: Sunan Abi Dawood :: Vol. 1 :: Hadith 492, 494]

💐 Sab Se Dilkash Aur Khoobsurat Zewar Jo Aap Apne Chehre Par Saja Sakte Hain..!! Muskurahat Hai 💐

✦.♥ Farq To Bus Ye Padta Hai Ke Kitne Log Khush Hain ♥.✦

●◗► Kya Farq Padhta Hai Hamare Paas Kitna Husn Kitni Daulat, Kitne Lakh, Kitne Crore, Kitne Ghar Aur Kitni Gadiyan Hain, Khani To Bus Do Rotiyan Hain, Jini To Bus Aik Zindagi Hai....!! “Farq To Bus Ye Padta Hai Ke Ham Ne Kitne Pal Khushi Se Bitaye Aur Kitne Log Hamari Wajah Se Khushi Se Jiye...!!

✦.......♥ Dua Ko Jaldi Qubool Karwane Ka Tariqa! ♥.......✦

Hazrat Abdullah bin Mas’ud RadiyAllahu Anhu Farmate Hain Ke “Jab Tum Mein Se Koi Dua Mange to use Chahiye: 

❶ Dua ki Ibteda Mein Allah Rabbul izzat ki Shayane Shaan, Hamd o Sana Bayan Kare
❷ Phir Nabi Akram ﷺ Par Durood Shareef Padhe.
❸ Aur Phir Us ke Baad (Jo Dua Mangni Ho Wo) Dua Mange.

Kyun ke Is Tarteeb se Wo Apni Muraad Jald Palega (Yani us ki Dua Jaldi Qubool Ho Jayegi).”

(Al-Mu'jam Al-Kabeer Al-Tabarani: 8780) (Riyad as-Salihin :: Book 15 :: Hadith 1404)

🍁 Insan Talluq Qayem Rakhna Chahe To Badi Badi Baten Bhi Nazar Andaz  Kar Deta Hai Aur Jab Talluq Khatakne Lage To Choti Choti Baten Bhi Rishte Tootne Ki Waja Ban Jati Hai 🍁

✦.........♥ Sarware Konain ﷺ Ki Sadgi! ♥.........✦

“RasoolAllah (ﷺ) Khacchar Par Sawari Farma Lete,  Juta Khud Ganth Lete, Qamees ko Pewand Laga Lete Aur Irshad Farmate Ke “Jo Mere Tariqe Se Ru Gardani Kare Ga Us ka Mujh Se Koi Talluq Nahin.” (Jami` al-Saghir Jalal al-Din al-Suyuti: 7032)

✦........► Ibadat Ke Liye Behtareen Din! ◄........✦

Kisi Allah Wale Buzurg se Pucha Gaya: Tauba o Astaghfar Aur Ibadat ke liye Sab se Behtareen Din Konsa hai?
Unhon ne Jawab Diya: Maut se Aik Din Pehle.
Us Shaks ne Kaha: Maut ka Waqt to kisi ko Maloom Nahin!
Buzurg ne Jawab Diya: To Phir Zindagi Ke Har Din ko Aakhri Samjho Aur Har Din Tauba o Astaghfar Aur Allah ki Ibadat Mein Lage Raho.

Aalame Islam ki Azeem Shakhsiyat, Dayi IlAllah, Muballigh Islam Ameer Tableeghi Jama'at "Haji Janab Abdul Wahab Sahab" Rahimahullah is Dare Fani se koch Farma gaye. انا للہ وانا الیہ راجعون ۔۔ اللھم اغفرلہ وارحم

●◗► Khud Ko Badliye Jo Nahin Hasil Hua Us ki Khuahesh Mein Khud Ko Halkan Karne Ke Bajaye Haasil Par Shukr Ada Kiya Karen, Zindagi Pur Sukoon Lagne Lagegi, Ham Har Kisi Ko Razi Nahin Rakh Sakte Lekin Kisi Se Zyadati Ki Bhi Hamen Ijazat Nahin, Koshish Kijiye Kisi Ka Accha Nahin Kar Sakte to Bura Bhi Nahin Ki Jiye, Apni Zuban Aur Hath Se Dusron Ko Takleef Na Dena, Dar Haqiqat Apni Khushiyon Aur Nematon Ki Hifazat Karna Hai.

●◗► Mazboot “Quwwate Iradi” Ke Zariye Cigarette Noshi Ki Qaid Se Aazadi Hasil Ki Ja Sakti Hai. Himmat Ki Jiye Aur Chutkara Payye!

🌸 Koshish Karo Ke Zindagi Ka Har Lamha Apni Taraf Se Har Kisi Ke Sath Acche Se Accha Guzaro Kyun Ke Zindagi Nahin Rahti Par Acchi Yaden Hamesha Zindah Rahti Hai 🌸

✦.....♥ Mushkilat Mein RasoolAllah Ka Tarze Aml! ♥.....✦

Anas bin Malik RadiyAllahu Anhu said: “Whenever a matter would distress him, the Prophet (ﷺ) would say: ‘O Living, O Self-Sustaining Sustainer! In Your Mercy do I seek relief (Yā Ḥayyu yā Qayyūm, bi-raḥmatika astaghīth).’”

[Jami` at-Tirmidhi :: Vol. 6 :: Book 45 :: Hadith 3524]

Urdu Translation: Nabi Akram (ﷺ) Ko Jab Koi Mushkil Muamla Pesh Aata to Farmate: (Yā Ḥayyu yā Qayyūm, bi-raḥmatika astaghīth), Aye Zindah Jaweed! Aye Qayem o Dayem! Main Teri Hi Rehmat Ke Zariye Madad Ka Talab Gaar Hun.”

[Urdu Ref :: Jami` at-Tirmidhi :: Vol. 2 :: Hadith 1451, 3524]

●◗► Gali Ka Aawarah Kutta Aur Wo Shaks Barabar Hain Jis Ki Aawargi Se Dar Kar Aurat Apna Raasta Badal Le.

✦..........► Mushkilat Ke Waqt 3 Baten! ◄..........✦

Jab Aap Par Koi Musibat Aapade To 3 Baten Sochen:

❶ Ye Musibat Aarzi Aur Waqti Hai. 

❷ Ye Musibat Allah Ki Taraf Se Hai Aur Main Allah ke Faisle Par Razi hun.

❸ Is Musibat ke Badle Allah Ta’ala Mujhe Kayi Khushiyon Se Nawazenge.

💖 Zulfen Chahe Kitni Hi Haseen Kyun Na Ho Dupatta Shakhsiyat Ko 4 Chaand Laga Deta Hai 💖

✦.....► Kyun Ke..!! Sacchayi Tumhen Hairan Kardegi ◄.....✦

●◗► Aik 25 Saala Ladka Rail Gadi ki Khidki Se Bahar Dekh Raha Tha ke Achanak Wo Bola "Abbu Dekho Darakht Ham Se Piche ki Taraf Bhaag Rahe hain" Us ka Walid Muskuraya aur Un ke Sath Baithe hue Jode (Couple) ne us 25 sala Ladke ki Bachkana Harkat ko Rahem Dili ki Nigah Se Dekha,

Thodi dair baad Wo Ladka Phir Achanak bola "Abbu in Badalon ko to Dekho, Ye hamare Sath Sath Chal Rahe Hain "Sath Baithe hue Jode (Couple) Se ye Bardasht Nahin hua Aur Wo us ke Baap se bole ke Aap is ko kisi Acche Doctor ke Paas kyu Nahin lejate?

✿Us ladke ka Budha baap Muskuraya aur Bola ➲ "Ham Gaye the Doctor ke Paas Aur Ab Ham Hospital Se Hi Aarahe hain, Mere Beta Paidayeshi Tor Par Andha Tha, Use Aaj hi Aakhen Mili Hain" ➲

♥ Matlab Ye ke Har Insan Ke Paas Us Ki Koi Na Koi Kahani Hai, To Phir Tum Insano Ko Bina Haqeeqat Jaane Mat Parkho....!!! Kyun Ke Sacchayi Tumhen Hairan Kardegi!!  ♥

💐 Log Kehte Hain Paisa Rakho Bure Waqt Mein Kaam Aayega Main Kehta Hun Allah Par Yaqin Rakho Bura Waqt Hi Nahin Aayega..! Insha’Allah 💐

✦..........♥ Rizq Kise Kehte Hain? ♥..........✦

Sirf Paisa aur Maal hi Rizq Nahin Balke Quran o Hadees Ki Ruu se Darj Zail Chizen bhi Rizq Mein Dakhil Hain:

❶ Iman ki Daulat
❷ Ilm, Zihanat, Samajhdari Aur Hikmat
❸ Sahet, Aafiyat aur Aaza ki Salamati
❹ Naik Biwi
❺ Naik Aulad
❻ Naik Padosi
❼ Mukhlis Dost
❽ Logon Ki Mohabbat

Lehaza Rizq ki Tangi Aur Kami Ke Shikwe ke Bajaye Har Pal Allah Ka Shukr Ada Karte Rahen!

✦........► TALIB ILM Aur Social Media ◄........✦

●◗► Chote Bacchon aur Nao Khaiz Talib Ilmon ki Taleem o Tarbiyat ke liye Zaroori hai ke Unhen Social Media Par Zyadah Mashghool Na hone Diya Jaye, Yaad Rakhiye! Taleem ke liye Eksuyi (Concentration), Tawajje aur Inhemak ki Zarurat hoti hai, Jab Ke Social Media ka Tufaan Talib Ilmon ke Na Pokhta Azhan o Afkar mein Na Khatam Hone Wali Talatum Khezi Aur Shor Paida karta hai Aur Tawajje o Inhemak Mein Yaqinan Khalal Andaz Hota hai Jis Ka Manfi Asar Talib-e-Ilm ke Tabnaak Mustaqbil Par Padta hai.

Allah Ta'ala Hamein Hamare Paidayesh se Qabl se Lekar Apni Zindagi ki Aakhri Sans Tak Hamara Bojh Uthane Wale (Waldain) ki Qadardani ki Toufeeq Ata Farmaye. (Aameen)

✦.........♥ Bin Daikhe Iman Lane ki Fazilat ♥.........✦

The Messenger of Allah (ﷺ) said: "I wish that I could meet my brothers." The Sahabah (companions of the Prophet (ﷺ)  asked: "Aren't we your brothers?” He replied: "You are my Companions, but my brothers are those who will believe in me without having seen me."

[Musnad Ahmad and Al-Albani graded it saheeh in al-Silsilah al Saheehah # 2888]

Urdu Translation: RasoolAllah (ﷺ) ne Irshad Farmaya: "Mujhe Tamanna hai ke Main Apne Bhaiyyon se Milun" Sahaba RadiyAllahu Anhum ne Arz Kiya: Kya ham Aap ke Bhai Nahin Hain? Aap (ﷺ) ne Irshad Farmaya: "Tum to Mere Sathi ho, Mere bhai Wo Hain jo Mujhe Dekhe Baghair Mujh Par Iman layenge."

[Musnad Ahmad bin Hanbal :: 12339, 12579 :: and Al-Albani graded it saheeh in al-Silsilah al Saheehah # 2888]

●◗► Ya Allah! Hamen Roze Mehshar RasoolAllah ﷺ Ki Shifa’at Naseeb Farma. (Aameen)

💐 Khoobsurat Mard Wo Hota Hai Jo Aurat Ki Khataon Ko Muaaf Kar Deta Hai 💐

🍁 Aurat Se Ilm Cheen Liya Jaye To Jihalat Naslon Mein Safar Karegi, Aur Ilm Ke Naam Par Aurat Se Pardah Cheen Liya Jaye To Be Hayai Naslon Mein Safar Karegi 🍁

✦....♥ Wo Zaher Nahin Karte, Wo Bhi Aksar Rote Hain ♥....✦

●◗► Sab Ke Samne Nahin Akele Mein Kahi Wo Bhi Aksar Rote Hain, Kisi Se Kuch Kahte Nahin, Kyun Ke Apnon Ko Dekh Ke Udaas, Unhen Bhi Dukh Hota Hai, Mard Ko Bhi Dard Hota Hai, Jab Wo Apni Maa Ko Takleef  Mein Dekhte Hain, Jab Un Ki Bahen Shadi Ke Baad Un Ko Chhod Jati Hai, Jab Wo Apne Baap Ko Kisi Mushkil Mein Dekhte Hain, Ladke Bhi Jazbat Rakhte Hain, Wo Zaher Nahin Karte Lekin Wo Rote Hain.

✦.......► Qatl Hote Waqt Shaheed Ko Takleef! ◄.......✦

The Messenger of Allah (ﷺ) said: “The martyr does not feel anything more when he is killed than one of you feels if he is pinched (by a bug).”

[Sunan Ibn Majah :: Vol. 4 :: Book 24 :: Hadith 2802]

Urdu Translation: RasoolAllah ﷺ  ne Irshad Farmaya: “Shaheed Ko Qatl Hote Waqt itni Hi Takleef Hoti Hai Jitni Ke Tumhen Chunti Ke Katne Se Hoti Hai.”

[Urdu Ref :: Sunan Ibn Majah :: Vol. 2 :: Hadith 959. 2802]

🌸 Aaib Apne Dekho Aur Use Door Karne Ki Fikr Karo, Acchaiyan Dusron Ki Dekho Aur Use Apne Andar Paida Karne Ki Fikr Karo 🌸

✦....♥ Ilm Ka Hasil Karna Har Musalman Par Farz hai ♥....✦

The Messenger of Allah (ﷺ) said: "Seeking knowledge is a duty upon every Muslim."

[Sunan Ibn Majah :: Vol. 1 :: Book 1 :: Hadith 224]

Urdu Translation: RasoolAllah (ﷺ) ne Irshad Farmaya: "Ilm Hasil Karna Har Musalman Par Farz Hai."

[Urdu Ref :: Sunan Ibn Majah :: Vol. 1 :: Hadith 224]

●═══════════════◄►══════════════●

Imaniyat (Tauheed, Risalat, Aakhirat Wagherah) Aur Ibadat (Namaz, Rozah, Zakat Wagherah) Ka Ilm Seekhna to Har Musalman Par Farz hai, Is ke Sath Sath Ijtemayi ya Infiradi Zindagi ke Jis Sho’be se Aap Wabasta Ho us Shobe ke Halal o Haram ka Ilm Sikhna bhi Farz hai.

Maslan: Agar Aap Tajir (Tijarat karne Wale) hain, Kisan hain, Doctor hain, Mulazim hain, Mayishat dan hai, Siyasat daan hain, Faoji hain, Adalati Nizam o Qanoon Jari Karne Wale idaron se Wabasta hain, Wazeer hain, Sarbarah hain to Aap Par Muta’lliqa Shobe ke Huqooq o Farayez, Halal o Haram aur Jayez o Na jayez ka Ilm Seekhna Farz hai.

✦...♥ Allah Subhanahu Wa Ta'ala Par Bharosa Rakhen ♥...✦

●◗► Allah Subhanahu Wa Ta'ala Par Bharosa Rakhen Aap Ki Aansuon Se Bheegi Hui Koi Bhi Raat Aur Takleef Mein Guzra Hua Koi Bhi Din Kabhi Rayegan Nahin Jata Kyun Ke Zindagi Ka Har Aasan Aur Takleef Deh Lamha Allah Subhanahu Wa Ta'ala Ke Kisi Azeem Mansube Ka Hissa Hota Hai “Jo Kabhi To Jaldi Samajh Mein Aajata Hai Aur Kabhi Hamein Intezar Karna Padta Hai.”

✦..........► Aik Ghalti Ki Islah! ◄..........✦

●◗► Dekha Gaya hai ke Kisi Par Zulm o Zyadati Hone ki Surat Mein Zalim ko Bad Dua di jati hai ke Allah is Par bhi Aisa hi “Zulm” Kare.

Yaad Rakhen! Allah Ta'ala ki Taraf Zulm ki Nisbat Karna Durust Nahin, Allah Subhanahu Wa Ta'ala Quran Majeed Mein Farmate Hain: ⇨ “Aur Tumhara Rab Kisi Par Koi Zulm Nahin Karta.” (Surah Al-Kahf:49)

●◗► Lehaza is Qism Ke Alfaz Se Khud Bhi Ijtinaab Karen Aur Dusron Ko Bhi is Ki Talqeen Karen!

💖 Zindagi Mein Har Cheez Milti Hai Bus Zindagi Dene Wale Rab Par Yaqeen Rakho 💖

✦......► Maut Ke Baad Kaam Aane Wale 3 Aamal! ◄......✦

Allah's Messenger (ﷺ) as saying: "When a man dies, his acts come to an end, but three, recurring charity, or knowledge (by which people) benefit, or a pious son, who prays for him (for the deceased)."

[Sahih Muslim :: Book 13 :: Hadith 4005]

Urdu Translation: RasoolAllah ﷺ ne Irshad Farmaya: “Jab Insan Inteqal Kar Jata hai to Teen Aamal ke Alawah Tamam Aa’mal (Ke Ajr o Sawab ka Silsila) Us se Munqata ho Jata Hai. (Wo Teen Aamal ye Hain):

❶ Sadaqah Jariya
❷ Wo Ilm Jis se Nafa Uthaya Jaye
❸ Naik Aulad Jo us ke Liye Dua Karti Rahe.”

[Urdu Ref :: Sahih Muslim :: Vol.4 :: Hadith 4223]

●◗► Munqata: Yani ke us ke Aamal ka Silsila khatam hojata hai.

❤️ Rooth Jane Ke Baad Ghalti Chahe Jis Ki Bhi Ho Baat Ka Aagaz Wahi Karta Hai Jis Ko Be Panah Mohabbat Ho ❤️