Friday, 7 June 2019

✦............♥ Mahe Shawwal ki Barkat! ♥............✦

'A'isha (Allah be pleased with her) reported: Allah's Messenger (ﷺ) contracted marriage with me in Shawwal and took me to his house as a bride during Shawwal. And who among the wives of Allah's Messenger (ﷺ) was dearer to him than I, and' A'isha liked that the women (of her family) should enter the houses as brides during the month of Shawwal.

[Sahih Muslim :: Book 8 :: Hadith 3312, 1423]

Urdu Translation: Hazrat Aisha RadiyAllahu Anha Farmati hain ke RasoolAllah ﷺ ne Mujh se Mahe Shawwal mein Nikah Farmaya aur Aap ﷺ ke Sath Meri Rukhsati bhi Mahe Shawwal mein hui, RasoolAllah ﷺ ki Azwaje Mutahrat mein se wo Konsi Zojah hai jo Rasool ﷺ ko Mujh se Zyadah Azeez tar ho? Hazrat Aisha RadiyAllahu Anha is Baat ko Mustahab Samajhti thin ke un ke Khandan ki Aurton ki Mahe Shawwal mein Rukhsati ho.”

[Urdu Ref :: Sahih Muslim :: Vol. 4 :: Hadith 3483, 3548]

●◗► Amman Aisha RadiyAllahu Anha ne Musalmanon ko ye Paigham diya ke koi Mahina ya Din Manhoos Nahin, Tamam Mahine aur Ayyam Ba barkat hain, Agar Mahe Shawwal Manhoos hota (Jaisa ke baaz Logon ka Eteqad hai) to is Maah mein Shadi o Rukhsati ke baad Main Nabi ﷺ ki Azwaj mein Mahboob tar Zojah na Banti aur na hi Mujhe ye Fazl o Kamal milta, Ye Mahina badi Fazeelat o Ba barkat wala hai aur Main ye Pasand karti hun ke Mere Khandan ki Aurton ki Rukhsati bhi isi Maah mein ho.


💞 Jin Ke Sath Zindagi Guzarni Ho Un Mein Nuqs Nahin Talash Kiye Jate 💞


✦....:( Ramadan Khatam Hua Hai Ya Musalman??? :(....✦

●◗► Muazzin ki Takbeeren, Khali wuzu khane aur Wiraan Masjiden puch rahi Hain: 'Ya Rab! Ramadan khatam hua hai Ya Musalman???'

Ya Arhamar Rahimeen! Ramadan Al-Mubarak ke Aa’mal ka Tasalsul Saal bhar Jari rakhne ki Hamen Toufeeq Naseeb Farmaye. (Aameen).


✦.........♥ Maahe Shawwal Ke 6 Roze ♥.........✦

Abu Ayyub al-Ansari (Allah be pleased with him) reported Allah's Messenger (ﷺ) as saying: “He who observed the fast of Ramadan and then followed it with six (fasts) of Shawwal. it would be as if he fasted perpetually.”

[Sahih Muslim :: Book 6 :: Hadith 2614, 1164]

Urdu Translation: Hazrat Abu Ayyub Ansari RadiyAllahu Anhu se Riwayat hai ke RasoolAllah ﷺ ne Farmaya: “Jis ne Ramadan Al-Mubarak ke Roze Rakhe aur is ke Baad Maahe Shawwal mein Che (6) Nafli Roze Rakhe to use Saal bhar ke Rozon ka Sawab Milega.”

[Urdu Ref :: Sahih Muslim :: Vol. 3 :: Hadith 2758, 2815]


✦.........► Eid Ki Khushiyan Banten ◄.........✦

●◗► Eid Ke Moqe Par Kuch Gharane Aise Bhi Hote Hain Jahan Eid Ki Khushiyan Dastak Nahin Detin, Aage Badhiye… Aur Un Ke Gharon Mein Eid Ki Khushiyan Pohnchane Ka Bandobast Kijiye.


✦..............► Haqiqi Eid ◄..............✦

✔ Eid Un Ki Nahin Jinhon Ne Umdah Libas Zaib Tan Kar Liya Balke Eid To Un Ki Hai Jo Allah Ki Wayeed Aur Pakad Se Dar Gaye.

✔ Eid Un Ki Nahin Jinhon Ne Umdah Khushbuon Ka Istemal Kiya Balke Eid To Un Ki Hai Jinhon Ne Apne Gunahon Se Tuaba Ki Aur Phir Tauba Par Qayem Rahe.

✔ Eid Un Ki Nahin Jinhon Ne Umdah Khanon Ki Dishes Pakayin Balke Eid To Un Ki Hai Jinhon Ne Hattal Imkan Naik Banne Ki Koshish Ki.

✔ Eid Un Ki Nahin Jinhon Ne Dunyawi Zaib o Zinat Ekhtiyar Ki Balke Eid To Un Ki Hai Jinhon Ne Taqwa Aur Parhezgari Ko Ekhtiyar Kiya Aur Use Apna Tosha Banaya.


•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•
Abuzar ki Janib se Tamam Chahne Walon ko Eid Mubarak
•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•

●◗► Allah Subhanahu Wa Ta'ala ham Sab ke Rozon, Taraweeh, Zikr o Tilawat aur Tamam Ibadaat ko Apni Bargaah Mein Qubool Farma kar Hamen Baar Baar Ramadan Al-Mubarak ki Bahaaren aur Eid ki Sacchi Khushiyan Naseeb Farmaye. (Aameen).


✦......♥ Eid ki Mubarak Baad Dene ka Tariqa ♥......✦

Hazrat Wathla RadiyAllahu Anhu Farmate hain ke Main ne Eid ke din Nabi Kareem ﷺ se Mulaqat ki aur Main ne kaha: "Taqabbal Allaahu Minna Wa'minka' "Allah Ta’ala hamare aur aap ke Naik Aa’maal Qubool Farmaye."

Nabi Kareem ﷺ ne Irshad Farmaya: "Han Han zaroor! 'Taqabbal Allaahu Minna Wa'minka' Allah paak Hamare aur Aap ke Naik Aa’maal Qubool Farmaye."

[Sunan Al-Kubra Al-Bahaqi :: Hadith 6088]


✦......✿.....♥ Eid Ul-Fitr ki Sunnaten ♥.....✿......✦

❶ Subah Sawere (Namaze Fajr Se Qabl) Bedar Hona.
❷ Miswak Karna.
❸ Gusul Karna.
❹ Shariat Ke Hudud Mein Rehte Hue Zaib o Zeenat Ekhtiyar Karna.
❺ Khushbo Lagana.
❻ Eid Gaah Jane Se Pehle Koi Meethi Cheez Maslan Khajur Wagherah Khana.
❼ Jald az Jald Eid Gaah Pahonchna, Paidal Jana Aur Wapsi Par Dusra Rasta Ekhtiyar Karna.
❽ Agar Sadaqah Fitr Ada Na kiya Ho To Eid Gaah Jane Se Pehle Ada Karna.
❾ Eid Ki Namaz, Eid Gaah Mein Padhna.
➓ Raste Mein

اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد

"Allahu Akbar Allahu Akbar La ilaaha illallahu Wallahu Akbar, Allahu Akbar Walillahil Hamd!" Aahista Aawaz Mein Padhna.


✦....►Sadaqa Khairat Sirf Ramadan Ya Eid Ka Mohtaj Nahin! ◄...✦

Aik Ghareeb Family Jis mein Panch Afrad the, Baap hamesha Bimar Rehta tha, Aakhir mein Mar gaya, Teen din tak Padosiyon ne khana Bheja, Maa ne kuch din Jaise taise Kar ke Bacchon ko khilaya, Phir Faqe Padne lage Jis ki Waja se 8 Saal ka beta Bimar Pad Gaya, 5 Saal ki Bacchi ne Maa ke Kaan mein Pucha, Maa Bhai kab Marega Maa Tadap Gayi aur kaha Aise kyun Puch Rahi ho, Bacchi ne Masumiyat se kaha, Amma Bhai Marega Tab hi Ghar mein Khana Aayega Na.

●◗► Sadaqa Khairat Sirf Ramadan ya Eid ka Mohtaj Nahin hain, Aap ke Maal Mein Ghareebon ka Bhi Haq Hain, Message ko Baar baar Padhiye aur Ghaur Karen.


✦............♥ SADAQAT-ul-FITR ♥............✦

Narrated Abdullah ibn Abbas RadiyAllahu Anhu: The Messenger of Allah (ﷺ) prescribed the sadaqah (alms) relating to the breaking of the fast as a purification of the fasting from empty and obscene talk and as food for the poor. If anyone pays it before the prayer (of 'Id), it will be accepted as zakat. If anyone pays it after the prayer, that will be a sadaqah like other sadaqahs (alms).

[Sunan Abi Dawud :: Book 9 :: Hadith 1605, 1609]

Urdu Translation: Hazrat Ibn Abbas RadiyAllahu Anhuma se Riwayat hai: “RasoolAllah ﷺ ne Sadaqa e Fitr ko Farz Qarar diya taa ke Rozah Daar ki (Rozon ke dauran) Fuzool baton aur Fahesh kalami se Safayi ho jaye aur Masakeen ke liye Khane Pine ka Bandobast ho jaye, Jo koi Sadaqa e Fitr ko Namaz se pahle Ada karle to ye Maqbool Sadaqa e Fitr hai aur jo Namaz ke baad ada kare to ye Aam Sadaqat mein se Aik Sadaqah hoga.”

[Urdu Ref :: Sunan Abu Dawood :: Vol. 1 :: Hadith 1596, 1609]


✦...► Shabe Qadr, Shab Bedari Ke Baad Namaze Fajr Ka Ehtemam Zaroori Hai! ◄...✦

Yahya related to me from Malik from Ibn Shihab from Abu Bakr ibn Sulayman ibn Abi Hathma that Umar ibn al-Khattab RadiyAllahu Anhu missed Sulayman ibn Abi Hathma RadiyAllahu Anhu in the subh prayer. In the morning he went to the market, and Sulayman's house was between the market and the Prophet's mosque. He passed ash-Shifa, Sulayman's mother, and said to her, "I did not see Sulayman at subh." She replied, "He spent the night in prayer and his eyes overcame him. Umar RadiyAllahu Anhu said, "I would rather be present at subh than stand the whole night in prayer.

Urdu Translation: Hazrat Umar Farooq RadiyAllahu Anhu Ne (Aik Din) Namaze Fajr Mein Hazrat Sulayman ibn Abi Hathma RadiyAllahu Anhu Ko Nahin Paya, Sulayman RadiyAllahu Anhu Ka Makan Chunke Masjid Aur Bazar Ke Darmiyan Tha Is Liye Hazrat Umar RadiyAllahu Anhu Jab Subah Bazar Jane Lage To Sulayman RadiyAllahu Anhu Ki Waldah Shifa Ke Paas Tashreef Le Gaye Aur Un Se Pucha: “Aaj Main Ne Sulayman Ko Fajr Ki Namaz Mein Nahin Dekha?” Sulayman RadiyAllahu Anhu Ki Waldah Kehne Lagin Ke Sulayman Puri Raat Namaz o Ibadat Mein Mashghool Rahe Aur (Subah Hote Hote) Un Ki Aankh Lag Gayi, Hazrat Umar RadiyAllahu Anhu Ne Irshad Farmaya: “Main Subah Ki Namaz Ba Jama’at Padh Lene Ko Raat Bhar Ibadat Karne Se Behtar Samajhta Hun.”

[Muwatta Imam Malik :: Book 8 :: Hadith 296]


✦.....► Shabe Qadr Ki Barkaat Se Mahroom Na Rahen! ◄.....✦

It was narrated that Anas bin Malik said: “Ramadan began, and the Messenger of Allah (ﷺ) said: ‘This month has come to you, and in it there is a night that is better than a thousand months. Whoever is deprived of it is deprived of all goodness, and no one is deprived of its goodness except one who is truly deprived.’”

Urdu Translation: Hazrat Anas Bin Malik RadiyAllahu Anhu Se Riwayat Hai Ke Jab Ramadan Ka Mahina Aaya To RasoolAllah ﷺ Ne Irshad Farmaya: “Tum Par Ye Mahina Aachuka Hai, Is Mein Aik Raat Hai Jo Hazar Mahinon Se Behtar Hai, Jo Shaks Is Raat Se Mahrum Raha Wo Sari Hi Bhalayyon Se Mahroom Raha Aur Is Raat Ki Bhalayi Se Wahi Shaks Mahroom Rah Sakta Hai Jo Waqeyi Bada Mahroom Ho.”

[Jami` at-Tirmidhi :: Vol. 1 :: Book 7 :: Hadith 1644 1644]


✦............♥ Shabe Qadr Ki Alamaten ♥............✦

A Hadith reported by Ibn Abbas RadiyAllahu Anhu indicates that it is a moderate night, neither hot nor cold. He said that The Messenger of Allah ﷺ said: Laylut al-Qadr is an easy and moderate night. It is neither hot nor cold.. On the morning following it, the sun rises weak (in light) and reddish.

(Recorded by Ibn Khuazaimah, al-Bayhaqi, and others. Verified to be authentic by al-Albani (Sahih Al-Jami: 5475)

Urdu Translation: Hazrat Abdullah Bin Abbas RadiyAllahu Anhuma Se Riwayat Hai Ke RasoolAllah ﷺ Ne Shabe Qadr Ki Nishaniyon Ke Bare Mein Farmaya: “Shabe Qadr Narmi o Aasani Wali Aur Khushgawar Hoti Hai, Ye Raat Na Zyadah Garm Na Zyadah Thandi Balke Motadil Hoti Hai Naiz Shabe Qadar Ki Subah Suraj Ki Roshni Baghair Shua’a Ke Kamzor Aur Surkhi Mayel Hoti Hai.”

[Musnad al-Thayalisi :: 2680, Sahih Al-Jami :: 5475]


✦.► Namaz Qazaye Umri Se Mutaliq Man Ghadat Hadees ◄.✦

●◗► Aaj Kal Ye Message Bahot Share Ho Raha Hai Ke... “Ramadan Al-Mubarak Ke Aakhri Jum’ah Ko Makhsoos Tariqe Se 4 Nafil Padhne Se 700 Mahine Ki Qaza Namaz Ada Ho Jati Hai, Ye Bilkul Ghalat Aur Jhuta Message Hai.”

Yaad Rahe Ke Kutub Ahadees Mein Aisi Koi Hadees Mazkoor Nahin, Ye Logon Ki Banayi Hui Man Ghadat Aur Jhooti Baat Hai, Yaad Rakhen: Hadees Paak Ke Mutabiq Jitni Namazen Qaza Hui Hon Sab Ko Aik Aik Kar Ke Ada Karna Zaroori Hai, Is Ke Alawah Koi Surat Nahin Hai. (Sahih Bukhari:596,597) RasoolAllah ﷺ Ki Taraf Aisi Baat Mansoob Karna Jo Aap ﷺ Ne Irshad Na Farmayi Ho Na Sirf Gunah Balke Bade Wabaal o Azab Ka Sabab Hai, Chunanche Aap ﷺ Ka Irshade Girami Hai:

►“Mujh Par Jhoot Mat Bolo, Kyun Ke Jo Mujh Par Jhoot Bandhe Wo Dozakh Mein Dakhil Hoga.” (Sahih Bukhari: 106)

The Prophet (ﷺ) said, "Do not tell a lie against me for whoever tells a lie against me (intentionally) then he will surely enter the Hell-fire." [Sahih al-Bukhari :: Vol. 1 :: Book 3 :: Hadith 106]





✦..........♥ Shabe Qadr Ki Khusoosi Dua ♥..........✦

Narrated Aishah RadiyAllahu Anha: "I said: ‘O Messenger of Allah ﷺ what is your view if I know when the Night of Al-Qadr is, then what should I say in it?" He ﷺ said: ‘Say:

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي
'Allahumma Innaka Afuwwun Tuhibbul-Afwa Fa’fu Anni'

"O Allah, indeed You are Pardoning, You love pardon, so pardon me"

[Jami` at-Tirmidhi :: Vol. 6 :: Book 45 :: Hadith 3513]

●═══════════════◄►══════════════●

Urdu Translation: Hazrat Aishah RadyAllahu Anha Farmati hain ke Main ne Aap ﷺ se Arz kiya: “Ya RasoolAllah! Agar mujhe Shabe Qadr ka Pata Chal Jaye to Main kya Dua Mangun? Huzoor ﷺ ne Irshad Farmaya ke ye Dua Padho:

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي
'Allahumma Innaka Afuwwun Tuhibbul-Afwa Fa’fu Anni'

''Aye Allah! Beshak Aap Muaaf karne Wale hain aur Muaaf karne ko Pasand Karte hain, Pus Mujhe bhi Muaaf Farmaden.''

[Urdu Ref :: Jami` at-Tirmidhi :: Vol. 2 :: Hadith 1438, 3513]


✦.........♥ Rozah Daron Ka Khaas Aizaz ♥.........✦

Narrated Sahl bin Sa`d RadiyAllahu Anhu: The Prophet (ﷺ)  said: "Paradise has eight gates, and one of them is called Ar-Raiyan through which none will enter but those who observe fasting."

[Sahih Bukhari :: Vol. 4 :: Book 54 :: Hadith 479, 3257]

Urdu Translation: Hazrat Sahl bin Sa`d RadiyAllahu Anhu se Riwayat hai ke RasoolAllah (ﷺ) ne Irshad Farmaya: "Jannat ke 8 Darwaze hain Jin mein se Aik Darwaze ka Naam "Rayyan" hai, is darwaze se sirf Rozah daar hi dakhil honge."

[Urdu Ref :: Sahih Bukhari :: Vol. 4 :: Hadith 3257]


✦......► Salat At-Tasbeeh (Muqam – Tadad) ◄......✦

1st Rakat Mein Surah Fatiha Aur Surah Ke Baad 15 Martaba
Ruku Mein Subhana Rabbiyal Adheem Ke Baad 10 Martaba
Rukku Se Khade Hone Ke Baad 10 Martaba
Sajdah Mein Subhana Rabbiyal A'la Ke Baad 10 Martaba
Dusre Sajdah Se Pehle Jalse Mein 10 Martaba
Dusre Sajdah Mein Subhana Rabbiyal A'la Ke Baad 10 Martaba
Doosri, Teesri, Chauthi Rakat Mein Surah Fatiha Aur Surah Ke Baad  15 Martaba

Aik Rakat Mein Kul : 75 Martaba
Char Rakat Mein : 300 Martaba

(Sunan Abi Dawood: 1297)


✦......♥ Shabe Qadr Saal Ki Qeemti Tareen Raat! ♥......✦

❶ Raat: 83 Saal Ki Ibadat Se Afzal
❶ Ghanta: 9 Saal Ki Ibadat Se Afzal
❶ Minute: 55 Din Ki Ibadat Se Afzal
❶ Second: 22 Ghanton Ki Ibadat Se Afzal

●◗► Lehaza Har Har Second Se Faidah Uthayyen! Aur Aakhri Ashre Ki Har Taaq Raat Mein Allah Ka Zikr, Quran Ki Tilawat, Astaghfar Ki Kasrat, Tahajjud, Allah Ka Zikr, Sadaqa Khairat Aur Khoob Duaon Ka Ehtemam Karen!


✦........♥ Shabe Qadr Palene ka Aasan Nuskha ♥........✦

RasoolAllah ﷺ ne Irshad Farmaya: "Shabe Qadr ko Ramadan Al-Mubarak ke Aakhir Ashre ki Taaq Raaton mein Talash karo." ► Allah's Messenger (ﷺ) said: "Search for the Night of Qadr in the odd nights of the last ten days of Ramadan." (Sahih Bukhari: 2017)

Shabe Qadr ka Ramadan ke Aakhir Ashre ki Taaq Raton mein hona Muta’yyan hai lehaza Agar Aakhir Ashre ki Taaq raton (21, 23, 25, 27, 29) mein se har har Raat ko darj Zail Aa’mal kar Liye jayen to Allah ki zaat se Bhar pur Ummid hai ke ham Shabe Qadr ki Barkaat aur Hazaar Mahinon ki Ibadat ka Sawab pa Sakenge.

❶ Isha aur Fajr ki Namaz ba’Jamat ada kare, (Jis ne Isha o Fajr ba Jama’at ada ki to use Puri Raat ibadat ka sawab milta hai).
❷ Teesra kalimah aur Durood Shareef ka Ehtemam karen.
❸ Kam az kam aik Parah Qur’an Majeed ki Tilawat karen.
❹ Kam se kam 2 Rakat Salaat at-Taubah Padhen.
❺ Apne Gunahon par Roro kar Allah se Muafi mangen.


💓 Apni Aulad Ko Deeni Taleem Laazmi Do Kyun Ke Agar Aap Ki Aulad Deendar Hogi To Deen Naslon Tak Chalta Rahega InshaAllah, Aap Ki Aulad Naik Hogi To Aap Ke Guzarjane Ke Baad Bhi Aap Ke Liye Aa’mal Ka Silsila Bhi Chalta Rahega 💓


✦.....♥ Aik Din Mein Do Rozon Ka Sawab ♥.....✦

The Messenger of Allah ﷺ said: "Whoever provides the food for a fasting person to break his fast with, then for him is the same reward as his (the fasting person's), without anything being diminished from the reward of the fasting person."

Urdu Translation: RasoolAllah ﷺ Ne Irshad Farmaya: “Jis Ne Kisi Rozah Daar Ko Iftar Karaya To Us Ke Liye Bhi Rozah Daar Ke Barabar Sawab Hai Aur Us Se Rozah Daar Ke Sawab Mein Bhi Koi Kami Nahin Hoti.”

[Jami` at-Tirmidhi :: Vol. 2 :: Book 3 :: Hadith 807, 807]


✦.....► Rozah, Fuzul Baton Se Bachne Ka Naam Hai! ◄.....✦

RasoolAllah ﷺ Ne Irshad Farmaya: “Rozah Sirf Khane Pine Se Rukne Ka Naam Nahin Balke Rozah To Ye Hai Ke Laghu Aur Behudah Baton Se Bacha Jaye Aur Agar Koi Tum Se Galam Galoch Kare Aur Jihalat Par Utar Aaye To Us Se Kehdo Ke Main Roze Se Hun.” (Mustadrak Al-Hakim:1570)


✦….► Ghazwa e Badr Se Hasil Shudah Sabaq! ◄….✦
✦…............► (17 Ramadan Sun 2 Hijri) ◄…............✦

Haq Aur Batil Ke Darmiyan Faisla Karne Wale Islam Ke Is Pehle Azeem Al-Shan Marky Ko 1400 Saal Se Zayed Arsa Guzar Chuka Hai Lekin Is Ki Yaad Aaj Bhi Musalmanon Ke Iman Ko Jala Bakhashti Hai Aur Musalmanon Ko Ye Sabaq Deti Hai Ke Masayeb o Mushkilat, Mali Tangi o Be Sarosamani Aur Taqatwar Dushman Se Khof Zadah Ho Kar Iman, Aqide Aur Nazarye Par Samjhota Karne Ke Bajaye Baham Muttahid Ho Kar Kufriya Taqaton Ka Dat Kar Muqabla Karna Chahiye, Aisa Karne Se Allah Ki Madad o Nusrat Shamile Haal Ho Jaye Gi Aur Fateh o Kamrani Musalmanon Ka Muqaddar Tehre Gi! InshaAllah.





💓 Ramadan Mein Hi To Pata Chalta Hai Ke Paani Allah Ta'ala Ki Kitni Badi Nemat Hai 💓


✦…..► Ghazwa e Badr (17 Ramadan Sun 2 Hijri) ◄…..✦
✦ RasoolAllah ﷺ Ummat Ke Liye Aansu Bahate Rahe! ✦

“Hazrat Ali RadiyAllahu Anhu Irshad Farmate Hain Ke Ghazwa e Badr Ke Moqe Par Hazrat Miqdad RadiyAllahu Anhu Ke Alawah Ham Mein Se Koi Ghode Par Sawar Na Tha Aur Ham Sab Log (Raat Padao Ke Dauran) So Gaye Siwaye RasoolAllah ﷺ Ke, Jo Aik Darakht Ke Niche Namaz Padhte Rahe Aur Rote Rahe Yahan Tak Ke Subah Hogayi.” (Musnad Ahmad: 1023)


✦…► RasoolAllah ﷺ Ne Bacchi Ke Qatil Ko Nishane Ibrat Bana Diya! ◄…✦

Narrated Anas RadiyAllahu Anhu: That a girl went out in Al-Madinah wearing some silver ornaments. A Jew grabbed her and fractured her head with a stone, and he took the jewelry she had on. He said: "She was found with some spark of life in her, and was brought to the Prophet (ﷺ) and he said: 'Did such and such person strike you?' She nodded 'no' with her head. He said: 'Such and such?' until he named the Jew and she nodded 'yes' with her head." He said: "He was brought and recognized so the Messenger of Allah (ﷺ) ordered that his head be crushed between two stones."

Urdu Translation; Hazrat Anas RadiyAllahu Anhu Farmate Hain Ke “Aik Bacchi Kahin Jane Ke Liye Nikli, Us Ne Chandi Ka Zewar Pehna Hua Tha, Aik Yahudi Ne Use Pakad Liya Aur Us Ka Sir Patthar Se Kuchal Diya Aur Zewar Utar Liya, Abhi Us Bacchi Mein Thodi Si Jaan Baqi Thi Ke Log Pahoch Gaye Aur Us Bacchi Ko Nabi Kareem ﷺ Ke Paas Le Aaye, Aap ﷺ Ne Us Bacchi Se Pucha Ke Tumhen Kis Ne Qatl Kiya? Kya Fulan Ne? Us Ne Apne Sir Se Isharah Se Kaha Ke Nahin, Phir Aap Ne Dobarah Pucha Ke Kya Fulan Ne Tumhen Mara? Us Ne Phir Jawab Diya Ke Nahin, Yahan Tak Ke Aap ﷺ Ne Us Yahudi Ka Naam Liya To Us Bacchi Ne Apne Sir Ko Hila Kar Jawab Diya Ke Han, Hazrat Anas Farmate Hain Ke Wo Yahudi Pakda Gaya Aur Us Ne Eterafe Jurm Bhi Kar Liya, Chunanche Nabi Akram ﷺ Ne Us Yahudi Ka Sir Patthar Se Kuchalne Ka Hukum Diya, Jis Ke Natije Mein Yahudi Ka Sir Do Pattharon Ke Darmiyan Rakh Kar Kuchal Diya Gaya.”

[Jami` at-Tirmidhi :: Vol. 3 :: Book 14 :: Hadith 1394, 1394]


✦.......♥ Ramadan ke Aakhri Ashrey ka I’tikaf Aur ♥.......✦
✦..........♥ Aur Pyare Rasool ﷺ ka Tarze Aml ♥..........✦

Narrated 'Aisha RadiyAllahu Anha: (the wife of the Prophet) "The Prophet (ﷺ) used to practice I`tikaf in the last ten days of Ramadan till he died and then his wives used to practice I`tikaf after him."

[Sahih Bukhari :: Vol. 3 :: Book 33 :: Hadith 243, 2026]

Urdu Translation: Hazrat Aisha RadiyAllahu Anha Farmati hain: "Nabi Akram ﷺ Dunya se Rokhsat hone tak Ramadan Al-Mubarak ke Aakhri Ashrah ka I’tikaf Farmate rahe aur Aap ﷺ Ke Dunya se Tashreef le Jane ke Baad Aap ki Azwaje Mutahrat ne bhi I’tikaf Farmaya.”

[Urdu Ref :: Sahih Bukhari :: Vol. 3 :: Hadith 2026]


✦........♥ Musalman Shoharon Ko Nasihat ♥........✦

Allah's Messenger (ﷺ) as saying: “A believing man should not hate a believing woman; if he dislikes one of her characteristics, he will be pleased with another.”

[Sahih Muslim :: Book 8 :: Hadith 3469, 1468]

Urdu Translation: RasoolAllah ﷺ Ne Farmaya: “Koi Momin Shohar Apni Momin Biwi Se Nafrat Na Rakhe Kyun Ke Agar Wo Us Ki Aik Aadat Ko Na Pasand Karta Hoga To Dusri Aadat Ko Pasand Bhi Karta Hoga.”

[Urdu Ref :: Sahih Muslim :: Vol.4 :: Hadith 3645]


✦.........► Nisabe Zakat: Zakat Kis Par Farz Hai? ◄.........✦

Jo Aaqil o Baligh Musalman (Mard ho Ya Aurat) Malik Ban Jaye:

❶ Sadhe Sath Tola (87.480 Gram) Sone (Gold) Ka…Ya
❷ Sadhe Bawan Tola (612.360 Gram) Chandi (Silver) Ka…Ya
❸ Sadhe Bawan Tola Chandi ki Qeemat ke Barabar Raqam (Currency) Ka (May 2019 ke Rate ke Mutabiq Taqriban 24,495/- Rupe ka)…Ya
❹ Sadhe Bawan Tola Chandi ki Qeemat ke Barabar Maale Tijarat ka (Maal Tijarat se Muraad wo Cheez jise Aage Farokht ki Niyyat se Khareeda ho Aur ye Niyyat Abhi Tak Baqi ho)…Ya
❺ Darje Bala Charon Amwale Zakat (Sona, Chandi, Currency, Maal Tijarat) Mein se kisi Do ya Teen ke Majmuye ka….Aur Wo Majmuah Sadhe Bawan Tola Chandi ki Qeemat ke Barabar Pahonch Jaye…

To Aisa Shaks Sahibe Nisab Kehlaye ga Aur Jis Qamri Tareekh ko Wo Sahibe Nisab bana, Wo Tareekh us Shaks ke Zakat ke Hisab ki Tareekh ke Taur Par Tai ho Jaye gi aur Agle Qamri Saal ki Usi Tareekh Par Agar ye Sahibe Nisab Raha to is Par Amwale Zakat 2.5% Feesad Nikalna Farz hoga, Neez Agar Sahibe Nisab Par Qarz Wagherah ho to Amwale Zakat ko Jama kar ke Qarz ko is Minha (Minus) kiya jaye, is ke Baad bhi Agar Nisab ke Baqadar Maal Baqi bache to Zakat Farz hogi Warna Nahin.


✦…..► “Mahwari” Mein Mahe Ramadan Se Istefadah! ◄…..✦

Bahot si Khawateen Ramadan mein aur Bilkhusoos Aakhir Ashre mien “Mahwari” Shuru ho Jane se Sakht Zahni koft ka Shikar ho jati hain aur ye Soch soch kar Pareshan hoti hain ke Ab Aakhir Ashre ki Ibadaat, Taaq Raaton aur Laylatul Qadr ka kya bane ga?

Aisi Tamam Khawateen Darj Zail ❸ Nukati Agende pe Aml paira ho kar Laylatul Qadr Samait Aakhri Ashre ki Barkaat se Istefadah kar Sakti hain:

❶ Niyyat ki Durustgi:  Khuloos Niyyat ke sath ye Soche ke ye Sharyi Uzr Allah ki taraf se hai aur Agar ye Uzr na hota to Main Behtareen Andaz mein Ibadat mein Mashghool ho kar apne Rab ko razi karti, is Acchi Niyyat aur irade par Maqbool ibadaat ka InshaAllah Ajr o Sawab milega, Nabi Akram ﷺ ne Ghazwah Tabuk ke moqe par Irshad Farmaya ke kuch log Madina mein hamare piche Reh gaye hain Lekin ham kisi bhi Ghati ya Wadi mein (jihad ke liye) Chalen to wo Sawab mein Hamare sath hote hain, Phir Aap ﷺ ne Irshad Farmaya ye wo log hain jo Uzr ki Waja se Hamare sath Shareek nahin ho Sake. (Sahih Bukhari: 2839)

❷ Ibadaat karne Waliyon ke Sath Ta’awun: Aisi khawateen ibadaat, Taraweeh aur Tahajjud mein Masroof ghar ki Digar khawateen ke sath Ta’awun kar ke un ki ibadaat ke Barabar Ajr o Sawab hasil kar sakti hain, Ye Ta’awun un ke Kaam nimta kar, un ke liye Sahri o Iftari Tayyar kar ke, un ke Bacche Sambhal kar aur Digar tariqon se Kiya ja sakta hai.

❸ Zikr Azkar aur Duaon mein Mashghuliyat: Napaki ki Halat mein har Ibadat Mamnoo Nahin hoti Balke Zikr Azkar aur Duayen Mangi ja sakti hain, Lehaza Aisi Tamam Khawateen ibadaat se bilkul kinarah Kashi Ekhtiyar na kare Balke zikr Azkar, Durood Shareef, Shabe Qadr ki Masnoon dua aur Digar duaon mein Mashghool reh kar Aakhir Ashre, Taaq Raton aur Shabe Qadr ki Barkaat Hasil karne ki koshish Karen.


✦....► Iftari Ke Intezar Mein, Waqt Katne Ki Koshish!!! ◄.....✦

Aam Taur Par Ramadan Al-Mubarak Mein Daftari, Talimi Aur Gharelu Masrufiyat Kum Ho Jati Hain Isliye Kafi Farigh Waqt Dastiyab Ho Jata Hai, Aam Taur Par Log Ye Farigh Waqt isi Soch o Fikr Mein Guzarte Hain Ke Iftari Hone Mein Kitna Waqt Baqi Hai? Baaz Log Ye Qeemti Waqt Zabardasti Sone Ki Koshish Mein Guzarte Hain, Baaz Novel Padhne, Bila Maqsad Internet Ya Facebook Istemal Karne, Taash o Digar Games Khelne Ya TV Ke Samne Baithne Mein Ye Qeemti Waqt Zaye Kar Dete Hain Aur Roze Ke Ruhani Asrat Aur Barkaat Se Mahroom Ho jate Hain. 

●◗► Farigh Auqat Ko Qeemti Banane Ka Nuskha Ye Hai Ke Ramadan Al-Mubarak Mein Kuch Ahdaf Muqarrar Karlen, Maslan: Pure Mahine Mein Aik Quran Tarjume Aur Tafseer Se Padhna Hai, Ya Quran Kareem Ki Ahem Surten Zubani Yaad Karni Hain, Ya Roz Marrah Ki Masnoon Duayen Yaad Karni hain, Ya Hadees, Seerat Aur Islami Mauzu Par Koi Mustannad Kitab Khatam Karni Hai, Ya Rozana Itni Itni Martaba Teesra Kalima Ya Durood Shareef Padhna Hai Wagherah Wagherah, Aur Phir Farigh Auqat Mein In Ahdaf Ko Mukammal Karne Par Sakhti Se Kaar Band Ho Jayen.

Saturday, 18 May 2019


✦....♥ Baitullah Ke Darwaze Ke Parde Par Tehrir Shudah Chand Aayat! ♥....✦

(Aye Paighambar!) Ham Tumhare Chehre Ko Baar Baar Aasman Ki Taraf Uthte Hue Dekh Rahe Hain, Chunanche Ham Tumhara Rukh Zaroor Is Qible Ki Taraf Pherden Ge Jo Tumhen Pasand Hai. (Surah Al-Baqarah:144) 

Aur Apne Rab Ki Taraf Se Maghfirat Aur Wo Jannat Hasil Karne Ke Liye Aik Dusre Se Badh Kar Tezi Dikhao Jis Ki Chaodayi itni Hai Ke Is Mein Tamaam Aasman Aur Zameen Sama Jayen, Wo Parhezgaron Ke Liye Tayyar Ki Gayi Hai. (Surah Al-Imran:133)

Allah Tamam Aasmanon Aur Zaminon Ka Noor Hai. (Surah An-Noor:35)

Haqiqat Ye Hai Ke Allah Ne Apne Rasool Ko Saccha Khuab Dikhaya Hai Jo Waqiye Ke Bilkul Mutabiq Hai, Tum Log InshaAllah Zaroor Masjid Haram Mein Amn o Aman Ke Sath Dakhil Hoge. (Surah Al-Fath:27)


✦..........♥ Iftar Mein Takheer Na Karen ♥..........✦

The Messenger of Allah ﷺ said: "Allah, Mighty and Sublime is He, said: 'Those of My worshippers who are most beloved to me are the quickest to break their fast.'"

[Jami` at-Tirmidhi :: Vol. 2 :: Book 3 :: Hadith 700]

Urdu Translation: RasoolAllah ﷺ ne Irshad Farmaya: “Allah Ta’ala ka Irshad hai: “Mere Han Mere Bandon mein Mahboob Tareen wo (Rozah Daar) Hai Jo (Waqt ho Jane ke Baad) Iftari karne Mein Jaldi Kare.”

[Urdu Ref :: Jami` at-Tirmidhi :: Vol. :: Hadith 677, 700]


😔  Kuch Log Kehte Hain Tilawat Quran Ke Liye Moqa Nahin Milta, Aisa Nahin Balke Afsos Karen Apne Gunah Par Aur Tauba Karen Ke Hamen Toufeeq Nahin Mil Rahi 😔   وما توفیق اِلا باللہ


✦............♥ Rozah Ki Halat Mein Maut ♥............✦

The Prophet (peace and blessings of Allaah be upon him) said: “Whoever says Laa ilaaha ill-Allaah (there is no god but Allaah), seeking the Face of Allaah and that was his final action, will enter Paradise. Whoever fasts one day seeking the Face of Allaah and that was his final action, will enter Paradise. Whoever gives charity seeking the Face of Allaah and that was his final action will enter Paradise.”  (Narrated by Imam Ahmad, 22813)

RasoolAllah ﷺ ne Irshad Farmaya: “Jo Shaks Allah ki Khushnudi ke liye Aik din ka Rozah Rakhe Aur usi Halat Mein Mar Jaye to Wo Jannat mein Zaroor Dakhil Hoga.” (Musnad Ahmad: 23324)

Ya Arhamar Rahimeen! Ham Sab ke Sath Aafiyat ka Muamla Farma aur Hamen Rozon aur Taraweeh Pe Isteqamat Ata Farma. (Aameen)


✦............♥ Zakat Ke 8 Mustahqeen ♥............✦

Quran Kareem Ki Surah At-Tawbah Aayat Number 60 Mein Darje Zail 8 Masarife Zakat ka Zikr Maujood Hai:

❶ Fuqra
❷ Masakeen
❸ Aamileene Zakaat (Zakaat ikhatti Karne Par Ma’moor Amle Ke Wazayef Aur Tankhuahon ki Mad Mein)
❹ (Wo Nao Muslim Jo Zarurat Mand Ho Aur Islam Par Unhen Sabit Qadam Rakhne Ke liye Un Ki Dildari Maqsood Ho)
❺ Ghulam Ki Aazadi
❻ Maqrooz
❼ Allah Ke Raste Ka Mujahid
❽ Musafir

Note: Zakat Dete Waqt Dene Wale Ke Dil Mein Zakat Ki Niyyat Hona Kafi Hai, Zakat Wusool Karne Wale Ko Ye Batana Zaroori Nahin Ke Ye Zakaat Hai, Balke Hadya, Eidi Ya kisi Aur Naam Se Bhi Zakat Di Ja Sakti Hai.


✦........♥ Namaze Witr Mein Masnoon Qirat! ♥........✦

It was narrated from Ubayy bin Ka'b RadiyAllahu Anhu that: The Messenger of Allah (ﷺ) used to pray witr with three rak'ahs. In the first he would recite: "Glorify the Name of Your Lord, the Most High" in the second: "Say: O you disbelievers!", and in the third: "Say: He is Allah, (the) One". And he would say the Qunut before bowing, and when he finished he would say: Subhanal-Malikil-Quddus (Glory be to the Sovereign, the Most Holy) three times, elongating the words the last time.

Urdu Translation: Hazrat Ubayy Bin Ka'b RadiyAllahu Anhu Farmate Hain Ke Nabi Kareem ﷺ Witr Ki Namaz Mein Surah Al-A’la, Surah Al-Kafirun Aur Surah Al-Ikhlas Ki Tilawat Farmaya Karte The, Aur Jab Aap ﷺ Salam Pher Liya Karte To 3 Baar ‘Subhanal-Malikil-Quddus’ Padha Karte The.”

[Sunan an-Nasa'i :: Vol. 2 :: Book 20 :: Hadith 1700, 1699]


✦......► Roze Mein Bhool kar Khana Peena ◄.......✦

The Prophet (ﷺ) said: "If somebody eats something forgetfully while he is fasting, then he should complete his fast, for Allah has made him eat and drink."

[Sahih Bukhari :: Vol. 8 :: Book 78 :: Hadith 662, 6669]

Urdu Translation: RasoolAllah ﷺ ne Irshad Farmaya: "Jo Shaks Rozah ki Halat mein Bhool kar khaye (piye) use Apna Rozah Mukammal Karna Chahiye, Kyun Ke Allah Subhanahu Wa Ta'ala ne hi use Khilaya aur Pilaya."

[Urdu Ref :: Sahih Bukhari :: Vol. 8 :: Hadith 6669]


✦....♥ Bacchon Ko Rozah Rakhne Ki Mashq Karwayyen! ♥....✦

Narrated Ar-Rubi' bint Mu'awadh RadiyAllahu Anha: "The Prophet (ﷺ) sent a messenger to the village of the Ansar in the morning of the day of 'Ashura' (10th of Muharram) to announce: 'Whoever has eaten something should not eat but complete the fast, and whoever is observing the fast should complete it.' "She further said, "Since then we used to fast on that day regularly and also make our boys fast. We used to make toys of wool for the boys and if anyone of them cried for, he was given those toys till it was the time of the breaking of the fast."

Urdu Translation: Rubi’ Bint Mu’awadh RadiyAllahu Anha Farmati Hain Ke Ashura Ki Subah Aan Hazrat        Ne Ansar Ke Muhallon Mein Kehla Bheja Ke “Jis Ne Subah Ko Kha Pi Liya Ho Wo Din Ka Baqi Hissa (Rozah Daar Ki Tarah) Pura Kare Aur Jis Ne Kuch Khaya Piya Na Ho To Wo Roze Se Rahe.”  Rubi’ RadiyAllahu Anha Farmati Hain Ke Phir Baad Mein Bhi Ham Us Din Rozah Rakhte Aur Apne Bacchon Se Bhi Rakhwate, Bacchon Ko Ham Oon Ka Khilona Dekar Behlaye Rakhte, Jab Koi Khane Ke Liye Rota To Wahi Khilona De Dete, Yahan Tak Ke Iftar Ka Waqt Ho Jata.

[Sahih Bukhari :: Vol. 3 :: Book 31 :: Hadith 181, 1960]

 ●◗► Bukhari Shareef Ke Sharah Hafiz Ibn Hajar Rahimahullah Farmate Hain: “Ye Hadees Bacchon Ko Roze Ki Mashq Karwane Ke Mashroo’ Hone Ki Wazeh Daleel Hai.” (Fath al Bari: Safah: 201:Juz. 4)


💞  Bade Wafadaar hai Aaj Kal Ke Rishte, Yaad Ham Na Kare To Koshish Wo Bhi Nahin Karte  💞


✦ Mahe Ramadan Mein Be Loos Khidmat Karne Par ✦
✦........♥ Ghar Ki Khawateen Ka Shukriya! ♥........✦

✿ Har Us Waldah Ka, Har Us Biwi Ka, Har Us Bahen Ka Aur Har Us Beti Ka Dil Ki Gehraiyyon Se Shukriya, Jo Sehri o Iftari Ke Auqat Mein Pure Gharane Ki Khidmat Kar Rahi Hain. 

●◗► Yaqinan in Sab Khawateen Ko Sehri o Iftari Ke Auqat Mein Khasi Mushkilat Ka Samna Karna Pad Raha Hai, Lekin Ye Isteqamat Ke Sath Apni Khidmaat Sar Anjam Dene Mein Masroof Reh Kar Allah Ke Khazanon Se Azeem ul-Shan Ajr o Sawab Hasil Kar Rahi Hain, Allah Rabbul izzat in Tamam Khawateen Ko Barkaton Aur Khushiyon Se Nawaze Aur in Ki Kamil Maghfirat Farmade. (Aameen)


✦........♥ Roze Ke Ruhani Fawayed ♥........✦

✔ Roze Ki Halat Mein Halal o Pakizah Cheezon Se Bachne Ki Wajah Se Sara Saal Haram Cheezon Se Bachne Ki Salahiyat Insan Mein Paida Hoti Hai Aur Isi Ka Naam Taqwa Hai.

✔ Aam Dinon Mein Allah Ki Nematon Ka Ehsas Nahin Hota Lekin Jab Insan Rozah Rakh Kar Sara Din Bhook Aur Pyaas Bardasht Karta Hai Aur Phir Iftar Ke Waqt Allah Ki Nematon Se Mustafeed Hota Hai To Rooh Aur Badan Ka Ruwan Ruwan Allah Ki Nematon Ke Ehsas Aur Shukr Guzari Mein Doob Jata Hai.

✔ Rozah Rakhne Se Haram Lazzaton Ki Talab Aur Un Ki Taraf Dhyan Khud Ba Khud Kam Ho Jata Hai Jis Ki Wajah Se Saal Bhar Nafs Ki Shahwat Aur Haram Lazzaton Par Qabon Pana Insan Ke Liye Aasan Ho Jata Hai.

✔ Rozah Rakhne Aur Bhook o Pyaas Bardasht Karne Se Allah Ke Hukum Par Apna Sab Kuch Qurban Karne Ka Jazba Paida Hota Hai.

✔ Roze Mein Bhook Bardasht Karne Se Insan Ko Bhook Ki Takleef Ka Ehsas Hota Hai, Jis Ki Wajah Se Us Ke Dil Mein Ghurba Aur Masakeen Se Hamdardi Paida Hoti Hai Aur Wo Allah Ki Raah Mein Dil Khol Kar Apna Maal Kharch Karne Par Aamadah Ho Jata Hai.


✦.......► Iftari Ke Waqt Sadah Mashrubaat! ◄.......✦

Doctor’s ka Kehna hai ke Iftar ke Waqt Gas wale Mashrubaat Jaise: Pepsi, Coke, 7up Wagerah Pine se Ehtiyat barten, Medical Tehqeeq ke Mutabiq Gas Wale Mashrubaat ke Istemal se Gurde ko Nuqsan Pahochne ka Sakht Andesha hai, Lehaza Iftari ke Waqt Sadah Pani ya Sadah Mashrubaat Istemal Karen, Cold drink hargiz Istemal na Karen.


●◗► Jo Nazm o Zabt Ham Namaz Mein Safon Ki Durustugi Ke Zariye Seekhte Hain, Us Nazm o Zabt Ko Masjid Se Bahar Ki Zindagi Mein Lane Ki Bhi Koshish Karen!


✦........♥ Khajoor Ya Pani Se Iftari ♥........✦

The Prophet ﷺ said: "When one of you breaks his fast, then let him do so with dried dates. And whoever does not find dates, then water, for it is purifying."

[Jami` at-Tirmidhi :: Vol. 2, Book 3, Hadith 695 , 695]

Urdu Translation: RasoolAllah ﷺ ne Irshad Farmaya: “Jab Tum Mein se koi Shaks Rozah Iftar kare to Use Chahiye ke Wo Khajoor se Iftar kare Kyun ke Khajoor Ba’ise Barkat hai, Aur Agar koi Shaks khajoor Na Paye to Pani se Iftar kare Kyun ke Pani Paak karne Wala hai.”

[Urdu Ref :: Jami` at-Tirmidhi :: Vol. 2 :: Hadith 672, 695]


✦.........♥ Roze Ki Halat Mein Miswak ♥.........✦

Narrated 'Amir bin Rabi`a RadiyAllahu Anhu: "I saw the Prophet (ﷺ) cleaning his teeth with Siwak while he was fasting so many times as I can't count."

(Sahih Bukhari, Chapter: Siwak for the person observing Saum (fast))

Urdu Translation: Hazrat Amir Bin Rabi’a RadiyAllahu Anhu Farmate Hain Ke: “Main ne RasoolAllah ﷺ Ko Roze ki Halat Mein (itni Martaba) Miswak Karte Dekha ke Main na Gin Sakta hun Aur Na Shumar kar Sakta hun.”

(صحيح البخاري باب سِوَاكِ الرَّطْبِ وَالْيَابِسِ لِلصَّائِمِ)


✦.......► Hazrat Jibreel Ki Baddua Par RasoolAllah ﷺ Ki Aameen ◄.......✦

Hazrat Kab bin Ajrah RadiyAllahu Anhu se Riwayat Hai Ke RasoolAllah ﷺ Ne Irshad Farmaya: Membar Ke Paas Jama Ho Jao Ham Sab Jama Hogaye, Aap ﷺ Ne Jab Membar ki Pehli Sidhi Par Qadam Rakha To Farmaya: "Aameen", Dusri Sidhi Par Qadam Rakha To Phir Farmaya: "Aameen", Jab Teesri Sidhi Par Qadam Rakha To Phir Farmaya: "Aameen".

Sahaba Ne Arz Kiya Ya RasoolAllah! Aaj Ham Ne Aap Se Aisi Baat Suni Hai Jo Pehle Kabhi Nahin Suni, RasoolAllah ﷺ Ne Irshad Farmaya: "Mere Paas Jibreel Aaye The

► Jab Main Ne Pehli Sidhi Par Qadam Rakha To Unhon Ne Kaha Halak o Barbad Hojaye Wo Shaks Jo Ramadhan Al-Mubarak Ka Mahina Paye Phir Bhi Us Ki Bakhshish Na Ho, Main Ne Kaha: "Aameen".

► Jab Main Ne Dusri Sidhi Par Qadam Rakha To Unhon Ne Kaha Halak o Barbad Ho Jaye Wo Shaks Jis Ke Samne Aap Ka Naame Mubarak Liya Jaye Aur Wo Aap Ki Khidmat Aqdas Mein Darood Shareef Na Bheije, Main Ne Kaha: "Aameen".

► Jab Main Ne Teesri Sidhi Par Qadam Rakha To Unhon Ne Kaha Halak o Barbad Ho Jaye Wo Shaks Jo Apne Waldain Ko Budhape Ki Halat Mein Paye Lekin Wo (Un Ki Khidmat Kar Ke) Jannat Mein Dakhil Na Ho, Main Ne Kaha: "Aameen".

[Mustadrak Al Hakim :: Hadith 7256]

●═══════════════════◄►══════════════════●

Once the Prophet (Sallallahu Alaihi Wasallam) was ascending the pulpit. When he climbed the one step, he said 'Aameen'. He repeated, "Aameen" when he climbed the second step. He uttered 'Aameen' when he climbed the third step. When the Prophet (Sallallahu Alaihi Wasallam) descended the pulpit, the companions told him that they happened to hear something new. He (Sallallahu Alaihi Wasallam) asked them what they meant. The companions said that he uttered Ameen while ascending every step of the pulpit. The Prophet Sallallahu Alaihi Wasallam told them. Hadrat Jibreel was before me,

► When I ascended the first step he cursed, "Woe to him who in spite of having been provided with he month of Ramdhan fails to obtain Allah's forgiveness. I said, "Aameen".

► When I climbed the second step the angel cursed him who fails to send blessing on the Prophet after listening to his name. I said "Aameen".

► When I climbed the third step the angel cursed "Woe to him who finds either one and both of his parents in old age, and yet is not able to enter Heaven". I said "Aameen".

[Mustadrak Al Hakim :: Hadith 7256, Narrated by Ibn Hibbaan, 3/188; classed as saheeh by al-Shaykh al-Albaani in Saheeh al-Targheeb, 1679]


✦.....♥ Ramadan Aasmani kitabon ke Nuzool ka Mahina ♥.....✦

Waathilah ibn al-Asqa RadiyAllahu Anhu 'said: The Messenger of Allah (ﷺ) said: "The Scriptures of Ibraaheem (Abraham) were sent down on the first of the month of Ramadan, The Tawraat (Torah) was sent down on the sixth of Ramadan, The Injeel (Gospel) was sent down on the thirteenth of Ramadan, The Zaboor (Pslams) was sent down on the eighteenth of Ramadaan, and the Qur'an was sent down on the twenty-fourth of Ramadan. "

[Hadith - Ahmad and al-Tabaraani] [Classed as hasan by al-Albaani in al-Silsilah al-Saheehah, 1575]

●════════════════◄►═══════════════●

Urdu Translation: Hazrat Waathilah ibn al-Asqa RadiyAllahu Anhu se Riwayat hai ke RasoolAllah ﷺ Ne Irshad Farmaya: "Hazrat Ibrahim Alaihis Salam ke "Sahife" Ramadan ki pehli Raat mein Nazil hue, "Tawraat" 6 Ramadan ko Nazil hui, "Injeel" 13 Ramdan Al-Mubarak ko Nazil hui, "Zaboor" 18 Ramadan ko Nazil hui aur "Quran Majeed" 24 Ramadan Al-Mubarak ko Nazil hua.”

[Al-Mu’jamul Awsat Al-Tabarani :: Hadith 3740] [Musnad Ahmad bin Hambal :: Hadith 16984]


✦......♥ Ramadan Al-Mubarak Ki Baharen! ♥......✦

❶  Ramadan Al-Mubarak Mein Jahannam ke Darwaze band Kar diye Jate hain.
❷ Jannat ke Darwaze khol diye Jate hain.
❸ Sarkash Shayateen Qaid kar diye Jate hain.
❹ Ramadan Al-Mubarak Nuzoole Quran ka Mahina hai.
❺ Ramadan Al-Mubarak ke Roze Farz Qarar diye gaye.
❻ Ramadan Al-Mubarak mein ibadaat ka Ajr kayi Guna badha diya jata hai.
❼ Ramadan Al-Mubarak mein Umrah ka Sawab Hajj ke Barabar hai.
❽ Ramadan Al-Mubarak mein iftari ke Waqt aur har Raat ko Allah Ta’ala apne Bandon ko Jahannam se Aazad farmate hain.
❾ Ramadan Al-Mubarak mein Lailatul Qadr ki Aik Raat hai jo Hazaar Mahinon se Afzal hai.
❿ Ramadan Al-Mubarak, Muafi, Rehmat, Maghfirat aur Jahannam se Aazadi ka Mahina hai.


✦.........♥ Sehri Ka Babarkat Khana ♥.........✦

Narrated Al-Irbad ibn Sariyyah RadiyAllahu Anhu: The Messenger of Allah (ﷺ) invited me to a meal shortly before dawn in Ramadan saying: Come to the blessed morning meal.

Urdu Translation: Hazrat Irbad Bin Sariyah RadiyAllahu Anhu Farmate Hain Ke RasoolAllah ﷺ Ne Mujhe Ramadan Mein Sehri Khane Ke Liye Bulaya Aur Farmaya: “(Sehri Ke) Babarkat Khane Ke Liye Aao.” 

[Sunan Abi Dawud :: Book 13 :: Hadith 2337, 2344]


✦.....♥ Sehri Mein Khajoor Ka Istemal Sunnat Bhi Ghizaiyat Bhi ♥....✦

The Prophet (ﷺ) as saying: How good is the believers meal of dates shortly before dawn.

Urdu Translation: RasoolAllah ﷺ ne Irshad Farmaya: “Momin ki Behtareen Sehri Khajoor hai.”

[Sunan Abi Dawud :: Book 13 :: Hadith 2338, 2345]


✦.........♥ Iftari Ke Baad Masnoon Dua ♥.........✦

Narrated Ibn Umar RadiyAllahu Anhu: That the Prophet (ﷺ) said when he broke his fast:

" ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ "
Dhahab-aẓ-ẓama’u, Wabtallat-il-‛urooqu, Wa thabat-al-Ajru In shaa’ Allaah

Thirst has gone, the arteries are moist, and the reward is sure, if Allah wills.”

[Sunan Abi Dawud :: Book 13 :: Hadith 2350, 2357]

●════════════════◄►═══════════════●

Urdu Translation: Hazrat Ibn Umar RadiyAllahu Anhuma Farmate hain ke Nabi Kareem ﷺ Jab Iftari Tanawul Farmalete to ye Dua Padhte:

" ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ "
Dhahab-aẓ-ẓama’u, Wabtallat-il-‛urooqu, Wa thabat-al-Ajru In shaa’ Allaah

“Pyaas bujh Gayi aur Ragen tar Hogayin aur Allah ke Hukum se Ajr Sabit ho Gaya.”

[Urdu Ref :: Sunan Abu Dawood :: Vol. 2 :: Hadith 585]


✦……..► Sehri Zaroor Karen! ◄……..✦

Abdullah ibn ‘Amr (RadiyAllahu Anhu) said that the Messenger of Allah ﷺ said: “Make Suhoor even if it just with a sip/gulp of water”. [Sahih Ibn Hibbaan: 3476]

Urdu Translation: Hazrat Abdullah bin Amr RadiyAllahu Anhuma se Riwayat hai ke RasoolAllah ﷺ ne Irshad Farmaya: “Sehri Zaroor karo! Agarche Aik Ghoont Pani hi Se kyun na ho.” [Sahih Ibn Hibbaan: 3476]


✦.........♥ Mahe SiyamWo Qiyam Ki Aamad ♥.........✦
✦....♥ Mahe Ramadan 1440 Hijri Mubarak Ho! ♥....✦

Allah Subhanahu Wa Ta'ala Hamen is Ramadan Al-Mubarak Ke Liye Salamat Rakhe Aur is Ko Hamare Liye Salamat Rakhe, Aur is Ba Barkat Maah Ke Rozon Samait Hamari Tamam Ibadaat Ko Apni Bargaah Mein Sharfe Qubuliyat Ata Farmaye, Aur ise Tamam Alame Islam Ke Rehmat o Maghfirat Ka Zariya Banaye. Aameen


🌺  Har Gunah Ke Piche Shaitan Nahin Hota, Yahi Batane Ramadan Aata Hai 🌺


✦.....► Cigarette Aur Paan Gutke Se Najat Ka Moqa! ◄.....✦

●◗► Apni Sahet Ki Hifazat Ki Jiye! Tambaku Noshi Aur Paan Gutke Ka Istemal Tark Kardi Jiye, Tambaku Noshi Se Najat Ke Liye Ramadan Al-Mubarak Behtareen Moqa Hai.

✦.........♥ Dua Se Be Tawajjohi Na Barten ♥.........✦

The Messenger of Allah (ﷺ) said: “Indeed, he who does not ask Allah, he gets angry with him.”

Urdu Translation: RasoolAllah (ﷺ) Ne Irshad Farmaya: “Jo Allah Se Nahin Mangta, Allah Us Se Naraz Ho Jata Hai.”

[Jami` at-Tirmidhi :: Vol. 6 :: Book 45 :: Hadith 3373, 3373]


✦.........♥ Sufaid Kapdon Ki Fazilat ♥.........✦

The Messenger of Allah (ﷺ) said: 'Wear white, for indeed it is very pure and cleaner, and shroud your dead in it.'"

Urdu Translation: RasoolAllah (ﷺ) Ne Irshad Farmaya: “Sufaid Libas Pehna Karo Kyun Ke Ye Zyadah Pakizah Aur Khushnuma Hai Aur Isi Mein Apne Murdon Ko Dafnaya Karo.”

[Jami` at-Tirmidhi :: Vol. 5 :: Book 41 :: Hadith 2810, 2810]