Narrated Abu Hurairah RadiyAllahu Anhu: It was Narrated that Abu Hurairah said: "It was said to the Messenger of Allah (ﷺ): 'Which woman is best?' He (ﷺ) said:
❶ 'The one who makes him happy when he looks at her,
❷ Obeys him when he commands her, and
❸ She does not go against his wishes with regard to herself nor her wealth.'"
●══════════════◄►═════════════●
Urdu Translation: RasoolAllah (ﷺ) Se Arz Kiya Gaya Ya RasoolAllah! Behtareen Aurat Konsi Hai ? Aap (ﷺ) Ne Irshad Farmaya: “Behtareen Aurat Woh Hai Ke:
❶ Jab Us Ki Taraf Us Ka Shohar Dekhe To Woh Shohar Ko Khush Karde,
❷ Jab Woh Use Kisi Baat Ka Hukum De To Shohar Ki Ita’at Kare,
❸ Jaan Aur Maal Ke Muamle Mein Shohar Jis Cheez Ko Na’Pasand Karta Ho Us Mein Us Ki Mukhalifat Na Kare.”
[Sunan an-Nasa'i :: Vol. 4 :: Book 26 :: Hadith 3233, 3231]
●◗► Muhaddiseen Ne likha Hai Ke Behtareen Aurat Apne Shohar Ko Char Tarah Se Khush Rakhti Hai: 1. Apni Deendari Se 2. Apne Akhlaq Se, 3. Apne Mua’mlat Se Aur 4. Apne Banao Singhar Se, Lehaza Musalman Aurat Ko Chahiye Ke Shari’at Ki Hudood Mein Rahte Hue Apne Khawind Ke Liye Banao Singhar Kare Aur Apna Banao Singhar Aur Zeenat Na’mahram Mardon Ko Dikhati Na Phire.
●◗► Watan Mein Amn o Aman Ke Liye Dua Karna Sunnate Ibrahimi Hai, Aye Allah! Watne Azeez Hindustan Ko Amn o Amaan Ka Gahwarah Bana Di Jiye! Aameen
Narrated `Abdullah bin `Amr bin Al-`As RadiyAllahu Anhu: I heard Allah's Messenger (ﷺ) saying: "Allah does not take away the knowledge, by taking it away from (the hearts of) the people, but takes it away by the death of the religious learned men till when none of the (religious learned men) remains, people will take as their leaders ignorant persons who when consulted will give their verdict without knowledge. So they will go astray and will lead the people astray."
Urdu Translation: `Abdullah bin `Amr bin Al-`As RadiyAllahu Anhuma Farmate Hain Ke Main Ne RasoolAllah g Ko Ye Farmate Hue Suna: “Allah Ilm Ko Is Tarah Nahin Uthayega Ke Bandon (Ke Sinon Se) Nikaal Le, Balke (Pokhta Kaar) Ulama Ko Maut Dekar Ilm Ko Uthayega, Yahan Tak Ke Jab Koi Aalim Baqi Na Rahega To Log Jahilon Ko Sardar Bana Lenge Aur Un Se (Deeni Masail) Puche Jayenge Aur Woh Baghair Ilm Ke Fatwe Denge Khud Bhi Gumrah Honge Aur Dusron Ko Bhi Gumrah Karenge.”
]Sahih Bukhari :: Vol. 1 :: Book 3 :: Hadith 100, 100]
'A'isha RadiyAllahu Anha reported: "I would drink from a vessel and he (ﷺ) would put his mouth where mine had been, and drink."
Urdu Translation: “Hazrat Aishah Siddiqa RadiyAllahu Anha Jis Bartan Se Muh Laga Kar Pani Nosh Farmati Thin, Usi Bartan Mein Usi Jaga Se RasoolAllah (ﷺ) Bhi Apna Muh Mubarak Laga Kar Pani Nosh Farmate The.”
[Makhuz Az, Sahih Muslim: 300, Sunan an-Nasa'i 341]
♥ Agar Seerat Tayyaba KA Mutaala Kiya Jaye To Biwi Ke Sath Ulfat o Mohabbat Paida Karne Ke Aise Pakeezah Tor Tariqe Milenge Jin Se Izdwaji Zindagi Khushgawaar Aur Miyan Biwi Ke Mabeen Mohabbaten Parwan Chadhti Hain ♥
Urdu Translation: RasoolAllah ﷺ Ne Irshad Farmaya: “Jo Shakhs Qarz Le Aur Use Wapas Lautane Ki Niyyat Na Rakhta Ho To Woh Allah Ta'ala Se Chor Ho Kar Milega.”
[Sunan Ibn Majah :: Vol. 3 :: Book 15 :: Hadith 2410]
Abu Qatada RadiyAlahu Anhu reported Allah's Messenger (ﷺ) as saying: "A good vision comes from God and a dream (hulm) from the devil. So when one of you sees what he likes he must tell it only to one whom he likes;..
Urdu Translation: RasoolAllah ﷺ Ne Farmaya: “Jab Tum Mein Se Koi Pasandeeda Cheez Khwaab Mein Dekhe To Woh Us Ka Izhar Usi Se Kare Jise Woh Pasand Karta Hai.”
[Mishkat al-Masabih: 4612, Bukhari, Muslim]
Allah's Messenger (ﷺ) as saying: “He who observed the fast of Ramadan and then followed it with six (fasts) of Shawwal. it would be as if he fasted perpetually.”
Urdu Translation: RasoolAllah ﷺ Ne Irshad Farmaya: “Jis Ne Ramadan Al-Mubarak Ke Roze Rakhe Aur Is Ke Baad Mahe Shawwal Mein Che (6) Roze Rakhe To Use Saal Bhar Ke Rozon Ka Sawab Mile Ga.”
[Sahih Muslim :: Book 6 :: Hadith 2614, 1164]
Urdu Translation: RasoolAllah ﷺ Ne Farmaya: “Mazdoor Ko Us Ka Paseena Khushk Hone Se Pehle Us Ki Mazdoori De Do.”
[Sunan Ibn Majah :: Vol. 3 :: Book 16 :: Hadith 2443, 2443]
RasoolAllah ﷺ Ne Irshad Farmaya: "Shabe Qadr Ko Ramadan Al-Mubarak Ke Aakhir Ashre Ki Taaq Raaton Mein Talash Karo."
► Allah's Messenger (ﷺ) said: "Search for the Night of Qadr in the odd nights of the last ten days of Ramadan." (Sahih Bukhari: 2017)
Shabe Qadr Ka Ramadan Ke Aakhir Ashre Ki Taaq Raton Mein Hona Muta’yyan Hai Lehaza Agar Aakhir Ashre Ki Taaq Raton (21, 23, 25, 27, 29) Mein Se Har Har Raat Ko Darj Zail Aa’mal Kar Liye Jayen To Allah Ki zaat Se Bhar Pur Ummid Hai Ke Ham Shabe Qadr Ki Barkaat Aur Hazaar Mahinon Ki Ibadat ka Sawab Pa Sakenge.
❶ Isha Aur Fajr Ki Namaz Ba’Jamat Ada Kare, (Jis Ne Isha o Fajr Ba Jama’at Ada Ki To Use Puri Raat Ibadat Ka Sawab Milta Hai).
❷ Teesra Kalimah Aur Durood Shareef Ka Ehtemam Karen.
❸ Kam Az Kam Aik Parah Qur’an Majeed Ki Tilawat Karen.
❹ Kam Se Kam 2 Rakat Salaat at-Taubah Padhen.
❺ Apne Gunahon Par Roro Kar Allah Se Muafi Mangen.
Amr bin Al-Harith bin Al-Mustaliq narrated from the nephew of Zainab, the wife of Abdullah (Ibn Mas'ud) who said: "The Messenger of Allah (ﷺ) delivered a sermon to us, and said: 'O you women! Give charity, even if it is from your jewelry, for indeed you will make up most of the people of Hell on the Day of Judgment.'"
Urdu Translation: Hazrat Zainab RadiyAllahu Anha Farmati Hain Ke RasoolAllah ﷺ Ne Hamen Khutba Dete Hue Irshad Farmaya: "Aye Aurton Ki Jamat! Tum Zakat Ada Kiya Karo Agarche Woh Zewar Hi Kyun Na Ho Is Liye Ke (Zewraat Aur Maal Ki Mohabbat Mein Giraftar Hokar Zakat Ki Adayegi Mein Kotahi Ki Waja Se) Qayamat Ke Din Tum Mein Aksariyat Jahannam Mein Hogi."
[Jami` at-Tirmidhi :: Vol. 2 :: Book 2 :: Hadith 635, 635]
✦....... Haq o Batil Ke Darmiyan Faisla Kun Moarka ......✦
“Allah Ta'ala Ne Jange Badr Ke Moqe Par Aisi Halat Mein Tumhari Madad Ki Thi Jab Tum Bilkul Be Saro Saman The, Lehaza (Sirf) Allah Ka Khof Dil Mein Rakho Ta Ke Tum Shukr Guzar Ban Sako.” (Surah Al-Imran:123)
Musalmanon Aur Mushrikeen e Makka Ke Darmiyan 17 Ramadan Al-Mubarak Sun 2 Hijri Ko Badr Nami Muqam Par Aik Faisla Kun Moarka Pesh Aaya Jis Mein Intehayi Be Saro Samani Ke Bawajood Allah Subhanahu Wa Ta’ala Ki Khaas Nusrat o Imdad Se Musalmanon ko Shandar Fateh Naseeb Hui.
✦ RasoolAllah ﷺ Ummat Ke Liye Aansu Bahate Rahe! ✦
“Hazrat Ali RadiyAllahu Anhu Irshad Farmate Hain Ke Ghazwa e Badr Ke Moqe Par Hazrat Miqdad RadiyAllahu Anhu Ke Alawah Ham Mein Se Koi Ghode Par Sawar Na Tha Aur Ham Sab Log (Raat Padao Ke Dauran) So Gaye Siwaye RasoolAllah ﷺ Ke, Jo Aik Darakht Ke Niche Namaz Padhte Rahe Aur Rote Rahe Yahan Tak Ke Subah Hogayi.” (Musnad Ahmad: 1023)
Abu Huraira (Allah be pleased with him) reported Allah's Messenger (ﷺ) as saying: "Every (good) deed of the son of Adam would be multiplied, a good deed receiving a tenfold to seven hundredfold reward. Allah, the Exalted and Majestic, has said: With the exception of fasting, for it is done for Me and I will give a reward for it, for one abandons his passion and food for My sake..."
Urdu Translation: RasoolAllah ﷺ Ne Irshad Farmaya: “Ibn Adam Ka Har Naik Aml 10 Guna Se 700 Guna Tak Badha Diya Jata Hai Allah Subhanahu Wa Ta'ala Farmate Hain: Siwaye Rozah Rakhne Ke! Kyun Ke Rozah Mere Liye Hai Aur Main Hi Is Ka Badla (Apni Shayane Shaan) Dunga, (Kyun Ke) Woh Apni Khuahishat Aur Khane Pine Ko Mere Liye Chhod Deta Hai.”
[Sahih Muslim :: Book 6 :: Hadith 2567, 1151]
Jo Aaqil o Baligh Musalman (Mard Ho Ya Aurat) Malik Ban Jaye:
❶ Sadhe Sath Tola (87.480 Gram) Sone (Gold) Ka…Ya
❷ Sadhe Bawan Tola (612.360 Gram) Chandi (Silver) Ka…Ya
❸ Sadhe Bawan Tola Chandi Ki Qeemat Ke Barabar Raqam (Currency) Ka (March 2025 Ke Rate Ke Mutabiq Taqriban 60,623/- Rupe Ka)…Ya
❹ Sadhe Bawan Tola Chandi Ki Qeemat Ke Barabar Maale Tijarat Ka (Maal Tijarat Se Muraad Woh Cheez Jise Aage Farokht Ki Niyyat Se Khareeda Ho Aur Ye Niyyat Abhi Tak Baqi Ho)…Ya
❺ Darje Bala Charon Amwale Zakat (Sona, Chandi, Currency, Maal Tijarat) Mein Se Kisi Do Ya Teen Ya Chaar Ke Majmuye Ka….Aur Woh Majmuah Sadhe Bawan Tola (612.360 Gram) Chandi Ki Qeemat Ke Barabar Pahonch Jaye…
To Aisa Shaks Sahibe Nisab Kehlaye ga Aur Jis Qamri Tareekh Ko Woh Sahibe Nisab Bana, Woh Tareekh Us Shaks Ke Zakat Ke Hisab Ki Tareekh Ke Taur Par Tai Ho Jaye gi Aur Agle Qamri Saal Ki Usi Tareekh Par Agar Ye Sahibe Nisab Raha To Is Par Amwale Zakat 2.5% Feesad Nikalna Farz Hoga, Neez Agar Sahibe Nisab Par Qarz Wagherah Ho To Amwale Zakat Ko Jama Kar Ke Qarz Ko Is Minha (Minus) Kiya Jaye, Is Ke Baad Bhi Agar Nisab Ke Baqadar Maal Baqi Bache To Zakat Farz Hogi Warna Nahin, Aur Agar Sahibe Nisab Ka Kisi Par Qarz Wagherah Ho Aur Qarz Ki Wusuli Ki Ummid Bhi Ho To Use Amwal Zakat Mein Shamil Karne Ke Baad Kul Maal Ki Zakat Nikali Jaye Aur Agar Qarz Ki Wusuli Ki Ummid Na Ho To Use Shamil Karne Ki Zarurat Nahin.
Quran Kareem Ki Surah At-Tawbah Aayat Number 60 Mein Darje Zail 8 Masarife Zakat Ka Zikr Maujood Hai:
❶ Fuqra
❷ Masakeen
❸ Aamileene Zakaat (Zakaat ikhatti Karne Par Ma’moor Amle Ke Wazayef Aur Tankhuahon Ki Mad Mein)
❹ (Wo Nao Muslim Jo Zarurat Mand Ho Aur Islam Par Unhen Sabit Qadam Rakhne Ke Liye Un Ki Dildari Maqsood Ho)
❺ Ghulam Ki Aazadi
❻ Maqrooz
❼ Allah Ke Raste Ka Mujahid
❽ Musafir
Note: Zakat Dete Waqt Dene Wale Ke Dil Mein Zakat Ki Niyyat Hona Kafi Hai, Zakat Wusool Karne Wale Ko Ye Batana Zaroori Nahin Ke Ye Zakaat Hai, Balke Hadya, Eidi Ya Kisi Aur Naam Se Bhi Zakat Di Ja Sakti Hai.
The Prophet (ﷺ) said, "The one who looks after a widow or a poor person is like a Mujahid (warrior) who fights for Allah's Cause, or like him who performs prayers all the night and fasts all the day."
Urdu Translation: Nabi Kareem ﷺ Ne Farmaya: "Bewaon Aur Miskeenon Ke Kaam Aane Wala Allah Ke Raste Mein Jihad Karne Wale Ke Barabar Hai, Ya Raat Bhar Ibadat Aur Din Ko Roze Rakhne Wale Ke Barabar Hai."
[Sahih Bukhari :: Vol. 7 :: Book 64 :: Hadith 265, 5353]
Ramadan Al-Mubarak Mein Jo Bakasrat Infaq Fi Sabilillah Ke Fazail Manqool Hain, Isi Tarah RasoolAllah ﷺ Ki Sakhawat Ke Waqiaat Aur Sakhawat Karne Ke Jo Fazail Warid Hue Hain, Ye Tamam Fazail, Sadqate Nafila, Atyaat Aur Hadaya Wagherah Se Mutalliq Hain, Zakat Ki Farziyat Aur Adayegi Ka Bunyadi Taur Par Ramadan Se Talluq Nahin.
Isi Tarah Zakat Yani 2.5% Ki Adayegi Sakhawat Nahin, Ye To Farz Hai Jise Bahre Surat Ada Karna Hai Khuah Ramadan Mein Ada Kare Ya Ramadan Ke Alawah, Sakhawat Ye Hai Ke Insan Zakat Ke Alawah Baqadre Istita'at Dil Khol Kar Insanon Par Aur Rahe Khuda Mein Kharch Kare Aur Sadqate Nafila, Atyaat Aur Hadaya Dene Ka Khoob Ehtemam Kare.
“Rozah Har Us Baligh Musalman Par Farz Hai Jo Rozah Rakhne Ki Qudrat Rakhta Ho.” (Surah Al-Baqarah:183)
“Roze Mein Musafir, Mareez, Haiz o Nifas Mein Mubtela, Hamela Aur Doodh Pilane Wali Khawateen Ko Rukhsat Hai Ke Baad Mein Rozon Ki Ginti Puri Karlen.”(Surah Al-Baqarah:184)
Note: Bacchon Par Rozah Farz Nahin Lekin Sahaba Karam Aadat Dalne Ke Liye Bacchon Ko Rozah Rakhwaya Karte The. (Sahih Bukhari:1960)
Wazeh Rahe: “Roze Ki Halat Mein Wuzu Karte Hue Naak Mein Zyadah Zor Se Pani Nahin Chadhana Chahiye.” (Jami at-Tirmidhi:788)
Qur’an Paak Mein Allah Ta'ala Ka Irshad Hai: “Aye Iman Walo! Tum Par Roze Farz Kar Diye Gaye Hain Jis Tarah Tum Se Pehle Logon Par Farz Kiye Gaye The, Taa Ke Tumhare Andar Taqwa Paida Ho.” (Quran, Surah-Al Baqarah:183)
●◗► Roze Ka Maqsad Taqwa o Parhezgari Ka Husool Hai, Roze Mein Chunke Nafs Par Sakhti Ki Jati Hai Aur Khane Pine Ki Halal Chizon Se Bhi Rok Diya Jata Hai To Is Se Apni Khuahishat Par Qaboo Pane Ki Mashq Hoti Hai, Jis Se Zabte Nafs (Nafs Par Qabu) Aur Haram Se Bachne Par Quwwat Hasil Hoti Hai Aur Yahi Zabte Nafs Aur Khuahishat Par Qabu Woh Bunyadi Cheez Hai, Jis Ke Zariye Aadmi Gunahon Se Rukta Hai.
'Abdullah RadiyAllahu Anhu reported Allah's Messenger (ﷺ) as saying: “What a wretched person is he amongst them who says: I have forgotten such and such a verse. (He should instead of using this expression say): I have been made to forget it. Try to remember the Qur'an for it is more apt to escape from men's minds than a hobbled camel.”
Urdu Translation: Nabi Akram ﷺ Ne Irshad Farmaya: “Bahot Bura Hai Kisi Ka Ye Kehna Ke Main Fulan Fulan Aayat Bhool Gaya (Wo Bhoola Nahin) Balke Use Bhula Diya Gaya, Quran Majeed Ko Sunte Sunate Raha Karo Kyun Ke Logon Ke Sinon Se Nikal Jane Mein Wo Rassi Se Bandhe Hue Janwaron Se Bhi Zyadah Taiz Hai.”
[Sahih Muslim :: Book 4 :: Hadith 1724, 790]
"The Messenger of Allah ﷺ said: 'There has come to you Ramadan, a blessed month, which Allah, the Mighty and Sublime, has enjoined you to fast. In it the gates of heavens are opened and the gates of Hell are closed, and every devil is chained up. In it Allah has a night which is better than a thousand months; whoever is deprived of its goodness is indeed deprived."'
Urdu Translation: RasoolAllah ﷺ Ne Irshad Farmaya: “Tum Par Ramadan Ka Mubarak Mahina Aaya Hai Jis Mein Allah Ta’ala Ne Roze Farz Kiye Hain, Is Mahine Mein Aasman (Yani Jannat) Ke Darwaze Khol Diye Jate Hain, Jahannam Ke Darwaze Band Kar Diye Jate Hain Aur Sarkash Shayateen Qaid Kardiye Jate Hain, Is Mein Allah Ki Taraf Se Aik Raat (Shabe Qadr) Hai Jo Hazar Mahinon Se Behtar Hai, Jo Is Raat Ki Khair o Bhalayi Se Mahroom Raha Wo Haqiqat Mein Bada Mahroom Hai.”
[Sunan an-Nasa'i :: Vol. 3 :: Book 22 :: Hadith 2108, 2106]
Urdu Translation: RasoolAllah ﷺ Ne Farmaya:“Jab Tum Raat Ko Apne Bistar Par Sone Ke Liye Jao To Ayat Al-Kursi Padh Liya Karo, Phir Subah Tak Allah Ta’ala Ki Taraf Se Tumhari Hifazat Karne Wala Aik Farishta Muqarrar Ho Jaye Ga Aur Shaitan Tumhare Paas Bhi Na Aa Sakega.”
[Sahih al-Bukhari :: Vol. 6 :: Book 61 :: Hadith 530, 5010]
Urdu Translation: RasoolAllah ﷺ Ne Farmaya: “Khairaat Ko Mat Rok Warna Tera Rizq Bhi Rok Diya Jayega.”
[Sahih Bukhari :: Vol. 2 :: Book 24 :: Hadith 513, 1433]
Narrated Umm Salamah, Ummul Mu'minin RadiyAllahu Anha: The Prophet (ﷺ) said: A woman whose husband has died must not wear clothes dyed with safflower (usfur) or with red ochre (mishq) and ornaments. She must not apply henna and collyrium.
Urdu Translation: Ummul Mu'minin Hazrat Umm Salmah RadiyAllahu Anha Farmati Hain Ke RasoolAllah ﷺ Ne Irshad Farmaya: “Bewah Aurat (Daurane Iddat) Rangeen Kapde Nahin Pehnegi, Na Zard Na Geru (Surkh Mitti) Se Range Hue, Isi Tarah Woh Na Zewraat Istemal Karegi Aur Na Mehndi Aur Surma Lagaye Gi.”
[Sunan Abi Dawud :: Book 12 :: Hadith 2297, 2304]
●◗► Shariat-e-Mutahrah Mein Bewah Aurat Par Shohar Ki Wafat Ki Iddat Lazim Hai, Shohar Ke Inteqal Ke Waqt Agar Biwi Hamela Ho To Delivery Hone Tak Iddat Rahegi, Jaisa Ke Quran Kareem Mein Irshade Ta’ala Hai: Hamela Aurton Ki Iddat Un Ke Waza Hamal (Yani Baccha Janne) Tak Hai. (Surah At-Talaq: 4) Hamal Na Hone Ki Surat Mein Shohar Ke Inteqal Ki Iddat 4 Maah Aur 10 Din Hai Jaisa Ke Allah Ta’ala Ne Irshad Farmaya: “Tum Mein Se Jo Log Faut Ho Jayen Aur Biwiyan Chhod Jayen To Woh Aurten Apne Aap Ko Chaar Maah Aur Dus Din Iddat Mein Rakhen.” (Surah Al-Baqarah: 234)
Narrated Humaid bin Nafi`: Zainab bint Abu Salama told me these three narrations: Zainab (RadiyAllahu Anha) said: I went to Um Habiba, the wife of the Prophet (ﷺ) when her father, Abu- Sufyan bin Herb had died. Um ,Habiba asked for a perfume which contained yellow scent (Khaluq) or some other scent, and she first perfumed one of the girls with it and then rubbed her cheeks with it and said, "By Allah, I am not in need of perfume, but I have heard Allah's Messenger (ﷺ) saying,
'It is not lawful for a lady who believes in Allah and the Last Day to mourn for a dead person for more than three days unless he is her husband for whom she should mourn for four months and ten days.'"
●════════════════◄►═══════════════●
Urdu Translation: Hazrat Zainab RadiyAllahu Anha Farmati Hain Ke Main RasoolAllah ﷺ Ki Zojah Mutahrah Umm Habiba RadiyAllahu Anha Ke Paas Un Ke Walid Abu Sufyan RadiyAllahu Anhu Ke Inteqal Ke Waqt Gayi, Umm Habiba RadiyAllahu Anha Ne Khushbu Mangwayi Jis Mein Khuluq (Khushbu) Ki Zardi Ya Kisi Aur Cheez Ki Milawat Thi, Phir Woh Khushboo Aik Khadima Ne Unhen Lagayi Aur Ummul Mu'minin Ne Khud Apne Rukhsaron Par Use Lagaya, Us Ke Baad Farmaya Ke Allah Ki Qasam! Mujhe Khusboo Ke Istemal Ki Koi Khuahesh Nahin Thi Lekin Main Ne RasoolAllah ﷺ Ko Ye Irshad Farmate Hue Suna Hai:
“Jo Bhi Aurat Allah Aur Aakhirat Ke Din Par Iman Rakhti Ho, Us Ke Liye Jayez Nahin Hai Ke Woh Teen Din Se Zyadah Kisi Ka Sog Manaye, Siwaye Shohar Ke Ke Us Ka Sog 4 Mahine Aur 10 Din Hai.”
[Sahih al-Bukhari :: Vol. 7 :: Book 63 :: Hadith 251, 5334]
“Aaj Kal Ke Bahot Se Motivational Speaker Aap Ko Apni Zaat Se Mohabbat Aur Self Care Ke Naam Par Khud Gharzi Sikha Rahe Hain Jab Ke Hamara Deen Hamen Eesaar, Qurbani, Aajizi o Inkisaari, Bardasht Aur Darguzar Ki Taleem Deta Hai Aur Yahi Sifaat Azal Hi Se Aala Insani Iqdar Gardane Jate Hain, Pus Hamen Chahiye Ke Un Khubiyon Ko Apnayen Na Ke Khud Gharz o Be Parwah Ho Kar Rishton Ko Pamaal Karen”.
It is narrated on the authority of Jabir that Nu'man b. Qaufal came to the Prophet (ﷺ) and said: "Would I enter Paradise if I say the obligatory prayers and deny myself that which is forbidden and treat that as lawful what has been made permissible (by the Shari'ah)? The Prophet (ﷺ) replied in the affirmative."
Urdu Translation: Hazrat Nu'man bin Qauqal RadiyAllahu Anhu RasoolAllah ﷺ Ki Khidmat Mein Hazir Hue Aur Arz Kiya: Ya RasoolAllah ﷺ! Agar Main Farz Namazen Padhta Rahun Aur Haram Ko Haram Aur Halal Ko Halal Jaanlun To Kya Main Jannat Mein Dakhil Ho Jaunga? Aap ﷺ Ne Irshad Farmaya: “Han”.
[Sahih Muslim :: Book 1 :: Hadith 15, 15]
Irshad Farmaya Ke Ham Samajhte Hain Ke Karobar Karna Dunya Hai, Karobar Karna Dunya Nahin, Karobar Mein Rab Ko Bhool Jana Ye Dunya Hai, Maulana Room Rahimahullah Farmate Hain Ke Dunya Rab Se Ghafil Hone Ka Naam Hai Aur Deen Rab Ko Yaad Rakhne Ka Naam Hai. (Malfooz: Maulana Mufti Muhammad Hasan Sahab)
The Prophet (ﷺ) said: "Beware of suspicion, for suspicion is the worst of false tales;
Urdu Translation: RasoolAllah ﷺ Ne Farmaya: “Badgumani Se Bachte Raho Kyun Ke Badgumani Ki Baten Aksar Jhuti Hoti Hain...”
(Yahan Guman Se Murad Woh Be Bunyad Khayalat Aur Shak Hain Jo Insan Dusron Ke Bare Mein Dil Mein Paida Karta Hai Baghair Kisi Wazeh Daleel Ya Haqiqat Ke).”
[Sahih al-Bukhar :: Vol. 8 :: Book 73 :: Hadith 90, 6064]
The Prophet (ﷺ) said, "Not to wish to be the like of except the like of two (persons): a man whom Allah has given the knowledge of the Qur'an and he recites it during the hours of the night and the hours of the day; and a man whom Allah has given wealth and he spends it (in Allah's Cause) during the hours of the night and during the hours of the day."
Urdu Translation: Nabi Akram ﷺ Ne Irshad Farmaya: Rashk Ke Qabil Do Hi Aadmi Hain: "Woh Jise Allah Ne Quran Ki Nemat Di Aur Woh Shab o Roz Us Ki Tilawat Mein Mashghool Rehta Ho, Woh Jise Allah Ne Maal Diya Ho Aur Woh Use Raat Din (Allah Ki Raah Mein) Kharch Karta Rehta Ho."
[Sahih al-Bukhari :: Vol. 9 :: Book 93 :: Hadith 620, 7529]
Urdu Transaltion: RasoolAllah ﷺ Ne Irshad Farmaya: “Aadmi Ke Islam Ki Khubi Aur Us Ke Kamaal Mein Ye Bhi Dakhil Hai Ke Woh Fuzool Aur Ghair Mufeed Kamon Aur Baton Se Bacha Rahe.”
[Jami` at-Tirmidhi :: Vol. 4 :: Book 10 :: Hadith 2317, 2317]
●◗► Jo Aadmi Ye Chahta Hai Ke Use Kamaal Iman Hasil Ho Aur Us Ke Islam Ke Husn Mein Koi Dagh Aur Dhabba Na Ho To Use Chahiye Ke Khule Gunahon Aur Bad Akhlaqiyon Ke Alawah Tamam Fuzool Aur Ghair Mufeed Kamon Aur Baton Se Apne Ko Bachaye Rakhe Aur Apni Tamam Tar Khudadaad Salahiyyaton Ko Bus Un Hi Kamon Mein Lagaye Jin Mein Khair Aur Munfi’at Ka Koi Pahlu Ho.
The Prophet (ﷺ) said: "If a large amount of anything causes intoxication, a small amount of it is prohibited."
Urdu Translation: RasoolAllah ﷺ Ne Irshad Farmaya: “Jo Cheez Zyadah Miqdar Mein Nasha Deti Hai Us Ki Thodi Miqdar Ka Istemal Bhi Haram Hai.”
[Sunan Abi Dawud :: Book 26 :: Hadith 3673, 3681]
Mujhe Samajh Mein Nahin Aata Ke Is Gunah Ki Muafi Ki Kya Shakal Hogi? Is Liye Ke Is Gunah Ki Muaafi Kis Se Mange? Agar Us Bacche Se Mange To Woh Na Baligh Baccha Muaaf Karne Ka Ahel Nahin Hai, Is Liye Ke Agar Na Baligh Baccha Muaaf Bhi Karde To Shar’an Us Ki Muafi Ka Aitbaar Nahin Is Muafi Ka Koi Rasta Samajh Mein Nahin Aata, Itna Khatarnak Gunah Hai, Is Liye Ustad Aur Maa Baap Ko Chahiye Ke Woh Bacche Ko Is Tarah Na Maren Ke Us Se Zakhm Ho Jaye Ya Nishan Pad Jaye, Albatta Zarurat Ke Tahet Jahan Marna Naa Guzeer Ho Jaye, Sirf Us Waqt Marne Ki Ijazat Di Gayi Hai. (Mufti Taqi Usmani Sahab, Islahi Khutbat)
Urdu Translation: Hazrat Mu'awiyah RadiyAllahu Anhu Farmate Hain Ke Main Ne Ibn Amir Se Kaha Baith Jayen, Kyun Ke Main Ne RasoolAllah ﷺ Ko Farmate Hue Suna Ke Jo Shakhs Apne Ehteraam Mein Logon Ke Khade Hone Ko Pasand Kare To Woh Apna Thikana Jahannam Mein Banale!
[Sunan Abi Dawud :: Book 42 :: Hadith 5210, 5229]
The Messenger of Allah (ﷺ) said: “There is no worshiper who says, in the morning of every day, and the evening of every night:
‘In the Name of Allah, who with His Name, nothing in the earth or the heavens can cause harm, and He is the Hearing, the Knowing (Bismillāh, alladhi lā yaḍurru ma`a ismihi shai'un fil-arḍi wa lā fis-samā', wa huwas-Samī`ul `Alīm)’ – three times, (except that) nothing shall harm him.”
●════════════════◄►═══════════════●
Urdu Translation: RasoolAllah ﷺ Ne Farmaya: "Jo Shakhs Subah o Sham Teen Teen Martaba Ye Padhega, To Use Koi Cheez Nuqsan Nahin Pohncha Sakegi:
(Bismillāh, alladhi lā yaḍurru ma`a ismihi shai'un fil-arḍi wa lā fis-samā', wa huwas-Samī`ul `Alīm)’
Tarjuma: Allah Ke Naam Se Jis Ke Naam Ki Barkat Se Zameen o Aasman Ki Koi Cheez Nuqsan Nahin Pohncha Sakti Aur Wahi Sunta Hai (Har Aik Ki Dua) Aur Janta Hai (Har Aik Ki Pareshani).
[Jami` at-Tirmidhi :: Vol. 6 :: Book 45 :: Hadith 3388, 3388]
بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ
“Aur Dastoor Ke Mutabiq Aurton Ke Bhi Mardon Par Usi Tarah Huqooq Hain Jaise Mardon Ke Aurton Par, Albatta Mardon Ko Un Par Fazilat Hai. (Tafseer Ibn Kaseer, Surah Al-Baqarah: 228)
Urdu Translation: RasoolAllah ﷺ Aik Sahab Ke Paas Se Guzre, Woh Apni Raan Khole Hue The, RasoolAllah ﷺ Ne Un Se Farmaya: “Apni Raan Dhanp Lo! Kyun Ke Ye Satar (Chupane Wale Aaza) Mein Shamil Hai.”
[Jami` at-Tirmidhi :: Vol. 5 :: Book 41 :: Hadith 2798, 2798]
Aaj Kal Ghutnon Se Upar Tak Ki Shorts Pahen Kar Ghumne Phirne, Khel Kood Karne Aur Bike o Gadi Chalane Ka Riwaj Aam Hota Ja Raha Hai, Ye Bade Gunah Ki Baat Aur Be Hayai Ka Kaam Hai, RasoolAllah g Ne Is Ki Sakhti Se Mumana’at Farmayi Hai, Acchi Tarah Ye Masla Samajh Len Ke “Satar” Jism Ke Un Aaza Ko Kaha Jata Hai Jin Ka Chupana “Farz” Hai, Mard Ka “Satar” Naaf Ke Muttasil Niche Se Lekar Ghutne Ke Niche Tak Hai, Ghutne “Satar” Mein Shamil Hain.
Kamyabi Ke Liye Zaroori Nahin Ke Aap Ka Naam Ho Aur Tareekh Mein Aap Ka Tazkirah Kiya Jaye, Bahot Se Anbiyae Karam Aise Bhi Guzre Hain Jin Ka Tazkirah Allah Subhanahu Wa Ta’ala Ne Nahin Farmaya Halan Ke Woh Dunya o Aakhirat Mein Aala Darje Ke Kamyab Hain, Irshade Khudawandi Hai:
“Aur Bahot Se Rasool Aise Hain Jin Ke Waqiaat Ham Ne Aap Ko Nahin Sunaye." (Surah An-Nisa:164)
Lehaza Apne Tazkere Aur Naam Ki Parwah Kiye Baghair Kaam Kiye Jayen, Allah Subhanahu Wa Ta’ala Bade Qadardan Hain, Woh Aap Ke Kaam Aur Mehnat Ko Dekh Rahe Hain.
Urdu Translation: RasoolAllah ﷺ Ne Irshad Farmaya: “Allah Ta’ala Aise Shaks Par Rahem Farmaye Jo Bechte Waqt, Khareedte Waqt Aur Apne Haq Ka Mutalba Karte Waqt Narmi Se Kaam Leta Hai.”
[Sahih Bukhari :: Vol. 3 :: Book 34 :: Hadith 290, 2076]
Urdu Translation: RasoolAllah ﷺ Ne Farmaya: “Sirf Teen Jagah Par Jhoot Jayiz Aur Halal Hai Aik Ye Ke Aadmi Apni Biwi Se Baat Kare Ta Ke Us Ko Razi Karle, Dusra Jang Mein Jhoot Bolna Aur Teesra Logon Ke Darmiyan Sulah (Mail Jol, Dosti o Mohabbat) Karane Ke Liye Jhoot Bolna.”
[Jami` Tirmidhi :: Vol. 4 :: Book 1 :: Hadith 1939, 1939]
●════════════════◄►═══════════════●
❶ Jang Mein Dushman Par Roab tari (Dar Paida) Karne Ke Liye Jhoot Bolna Masalan: Ye Kehna Ke Hamare Tadaad Itni Hai Ya Ye Kehna Ke Hamari Foj Aarahi Hai.
❷ Logon Mein Sulah Karwane Ke Liye Jhoot Bolna: Yani Do Naraz Logon Ki Sulah Karwane Ke Liye Ye Kehna Ke Woh Tumhen Bahot Accha Samajhta Hai Aur Tum Se Muafi Mang Kar Tumse Sulah Karna Chahta Hai.
❸ Khawind Ka Apni Biwi Ko Razi Karne Ke Liye Jhoot Bolna: Yani Biwi Ban’sawar Kar Khawind Se Puche Ke Main Kaisi Lag Rahi Hun To Chahe Woh Khawind Ko Acchi Na Bhi Lag Rahi Ho Lekin Woh Jhoot Bolde Ke Tum Bahot Khoobsurat Aur Bahot Acchi Lag Rahi Ho.
Urdu Translation: Nabi Kareem ﷺ Ne Sood Khane Wale Par, Sood Dene Wale Par, Soodi Muamlat Likhne Wale Par, Sood Ki Gawahi Dene Walon Par La’nat Farmayi Hai, Aur Farmaya Ke Ye Sab Log Gunah Mein Barabar Hain.”
[Sahih Muslim :: Book 10 :: Hadith 3881, 1598]
