Aur Hum Woh Log Hain Jo Apni Har Azeez Cheez Ka Dikhawa Dunya Ke Samne Karte Phirte Hain Aur Phir Rona Rote Hain Apne Nuqsanaat Ka!
Sabaq Ye Hai Ke: Jahalat Sirf Anpadh Hone Ka Naam Nahin Balke Haq Ko Dekh Kar Inkar Karna Jahalat Hai.
(Apni Zindagi Ka Aik Bada Maqsad (Vision) Tai Karen Jo Insaniyat Ki Khidmat Aur Allah Ki Raza Par Mabni Ho).
Maahe Shawwal Ke 6 Roze .........✦Allah's Messenger (ﷺ) as saying: “He who observed the fast of Ramadan and then followed it with six (fasts) of Shawwal. it would be as if he fasted perpetually.”
Urdu Translation: RasoolAllah ﷺ Ne Irshad Farmaya: “Jis Ne Ramadan Al-Mubarak Ke Roze Rakhe Aur Is Ke Baad Mahe Shawwal Mein Che (6) Roze Rakhe To Use Saal Bhar Ke Rozon Ka Sawab Mile Ga.”
[Sahih Muslim :: Book 6 :: Hadith 2614, 1164]
Abuzar Ki Janib Se Tamam Chahne Walon ko Eid Mubarak
•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•
●◗► Allah Subhanahu Wa Ta'ala Ham Sab Ke Rozon, Taraweeh, Zikr o Tilawat Aur Tamam Ibadaat Ko Apni Bargaah Mein Qubool Farma Kar Hamen Baar Baar Ramadan Al-Mubarak Ki Bahaaren Aur Eid Ki Sacchi Khushiyan Naseeb Farmaye. (Aameen).
Eid Ki Mubarak Baad Dene Ka Tariqa ......✦Hazrat Wathla RadiyAllahu Anhu Farmate Hain Ke Main Ne Eid Ke Din Nabi Kareem ﷺ Se Mulaqat Ki Aur Main Ne Kaha: "Taqabbal Allaahu Minna Wa'minka' "Allah Ta’ala Hamare Aur Aap Ke Naik Aa’maal Qubool Farmaye."
Nabi Kareem ﷺ Ne Irshad Farmaya: "Han Han Zaroor! 'Taqabbal Allaahu Minna Wa'minka' Allah Paak Hamare Aur Aap Ke Naik Aa’maal Qubool Farmaye."
[Sunan Al-Kubra Al-Bayhaqi :: Hadith 6294]
Eid Ul-Fitr ki Sunnaten .....✿......✦❶ Subah Sawere (Namaze Fajr Se Qabl) Bedar Hona.
❷ Miswak Karna.
❸ Gusul Karna.
❹ Shariat Ke Hudud Mein Rehte Hue Zaib o Zeenat Ekhtiyar Karna.
❺ Khushbo Lagana.
❻ Eid Gaah Jane Se Pehle Koi Meethi Cheez Maslan Khajur Wagherah Khana.
❼ Jald az Jald Eid Gaah Pahonchna, Paidal Jana Aur Wapsi Par Dusra Rasta Ekhtiyar Karna.
❽ Agar Sadaqah Fitr Ada Na kiya Ho To Eid Gaah Jane Se Pehle Ada Karna.
❾ Eid Ki Namaz, Eid Gaah Mein Padhna.
➓ Raste Mein
اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد
"Allahu Akbar Allahu Akbar La ilaaha illallahu Wallahu Akbar, Allahu Akbar Walillahil Hamd!" Aahista Aawaz Mein Padhna.
Urdu Translation: RasoolAllah ﷺ Ne Farmaya: “Bad Nazri Se Allah Ta'ala Ki Panah Talab Karo, Bila Shuba Nazar Lagna Haq Hai.”
(Al-Silsila Sahiha: 3128, Al-Mustadrak alaa al-Sahihain Al-Hakim: 7497)
Urdu Translation: RasoolAllah ﷺ Ne Farmaya: "Allah Subhanahu Wa Ta'ala Ke Nazdeek Doston Mein Sab Se Behtareen Dost Woh Hai Jo Apne Doston Ka Khair Khawah Ho."
[Al-Adab Al-Mufrad :: Book 6 :: Hadith 115, 115]
Sajdah Tilawat Aur Us Ke Muqamat .........✦Hazrat Abdullah Bin Umar RadiyAllahu Anhuma Farmate Hain Ke RasoolAllah ﷺ Hamen Quran Sunate, Jab Aap ﷺ Kisi Sajde Ki Aayat Se Guzarte To “Allahu Akbar” Kehte Aur Sajdah Farmate Aur Aap ﷺ Ke Sath Ham Bhi Sajdah Karte. (Sunan Abi Dawud: 1413)
Quran Kareem Ki Aisi Aayaten Jin Ke Padhne Ya Sunne Se Sajdah Wajib Ho Jata Hai, Kul 14 Hain:
❶ Surah Al-A’raf, Aayat 206
❷ Surah Ar-Ra’d, Aayat 15
❸ Surah An-Nahl, Aayat 49,50
❹ Surah Bani Israil, Aayat 109
❺ Surah Maryam, Aayat 58
❻ Surah Al-Haj, Aayat 18
❼ Surah Al-Furqan, Aayat 60
❽ Surah An-Naml, Aayat 25-26
❾ Surah الم Sajdah, Aayat 15
➓ Surah Sad, Aayat 24
⓫ Surah Fussilat, Aayat 38
⓬ Surah An-Najm, Aayat 62
⓭ Surah Al-Inshiqaq, Aayat 20-21
⓮ Surah Al-Alaq, Aayat 19
●◗► Sajdah Tilawat Ka Tariqa: Qiblah Ru Khade Hokar Baghair Hath Uthaye AllahuAkbar Kehte Hue Sajdah Mein Jayen Aur Sajdah Ada Kar Ke Allahu Akbar Kehte Hue Uth Khade Ho, Na Tashahhud Mein Baithne Ki Zarurat Hai Aur Na Salam Pherne Ki, Sajdah Tilawat Baithe Baithe Bhi Kar Sakte Hain Lekin Khade Hokar Sajde Mein Jana Mustahab Hai.
The Messenger of Allah (ﷺ) used to recite the Qur'an to us. When he came upon the verse containing prostration, he would utter the takbir (Allah is most great) and we would prostrate ourselves along with him. (Sunan Abi Dawud: 1413)
Shabe Qadr Palene Ka Aasan Nuskha ........✦RasoolAllah ﷺ Ne Irshad Farmaya: "Shabe Qadr Ko Ramadan Al-Mubarak Ke Aakhir Ashre Ki Taaq Raaton Mein Talash Karo."
► Allah's Messenger (ﷺ) said: "Search for the Night of Qadr in the odd nights of the last ten days of Ramadan." (Sahih Bukhari: 2017)
Shabe Qadr Ka Ramadan Ke Aakhir Ashre Ki Taaq Raton Mein Hona Muta’yyan Hai Lehaza Agar Aakhir Ashre Ki Taaq Raton (21, 23, 25, 27, 29) Mein Se Har Har Raat Ko Darj Zail Aa’mal Kar Liye Jayen To Allah Ki zaat Se Bhar Pur Ummid Hai Ke Ham Shabe Qadr Ki Barkaat Aur Hazaar Mahinon Ki Ibadat ka Sawab Pa Sakenge.
❶ Isha Aur Fajr Ki Namaz Ba’Jamat Ada Kare, (Jis Ne Isha o Fajr Ba Jama’at Ada Ki To Use Puri Raat Ibadat Ka Sawab Milta Hai).
❷ Teesra Kalimah Aur Durood Shareef Ka Ehtemam Karen.
❸ Kam Az Kam Aik Parah Qur’an Majeed Ki Tilawat Karen.
❹ Kam Se Kam 2 Rakat Salaat at-Taubah Padhen.
❺ Apne Gunahon Par Roro Kar Allah Se Muafi Mangen.
Shabe Qadr Saal Ki Qeemti Tareen Raat! ......✦❶ Raat: 83 Saal Ki Ibadat Se Afzal
❶ Ghanta: 9 Saal Ki Ibadat Se Afzal
❶ Minute: 55 Din Ki Ibadat Se Afzal
❶ Second: 22 Ghanton Ki Ibadat Se Afzal
●◗► Lehaza Har Har Second Se Faidah Uthayyen! Aur Aakhri Ashre Ki Har Taaq Raat Mein Allah Ka Zikr, Quran Ki Tilawat, Astaghfar Ki Kasrat, Tahajjud, Allah Ka Zikr, Sadaqa Khairat Aur Khoob Duaon Ka Ehtemam Karen!
Aurton Ke Huqooq Ada Karen .....✿.....✦The Messenger of Allah (ﷺ) said: "O Allah, bear witness that I have issued a warning concerning (failure to fulfill) the rights of the two weak ones:
❶ Orphans and
❷ Women."
●══════════════◄►═════════════●
Urdu Translation: RasoolAllah ﷺ ne Irshad Farmaya: “Main Tum Logon Par Do Kamzoron Ke Huqooq (Ki Adayegi) Ke Bare Mein Sakhti Karta Hun:
❶ Yateem Ka Haq
❷ Aurat Ka Haq."
[Al-Mustadrak alaa al-Sahihain Al-Hakim: 211, [Sunan Ibn Majah: 3678]
Bahot si Khawateen Ramadan Mein Aur Bilkhusoos Aakhir Ashre Mien “Mahwari” Shuru Ho Jane Se Sakht Zahni Koft Ka Shikar Ho Jati Hain Aur Ye Soch Soch Kar Pareshan Hoti Hain Ke Ab Aakhir Ashre Ki Ibadaat, Taaq Raaton Aur Laylatul Qadr Ka Kya Bane Ga?
Aisi Tamam Khawateen Darj Zail ❸ Nukati Agende Pe Aml Paira Ho Kar Laylatul Qadr Samait Aakhri Ashre Ki Barkaat Se Istifadah Kar Sakti Hain:
❶ Niyyat Ki Durustgi: Khuloos Niyyat Ke Sath Ye Soche Ke Ye Sharyi Uzr Allah Ki Taraf Se Hai Aur Agar Ye Uzr Na Hota To Main Behtareen Andaz Mein Ibadat Mein Mashghool Ho Kar Apne Rab Ko Razi Karti, Is Acchi Niyyat Aur Irade Par Maqbool ibadaat Ka InshaAllah Ajr o Sawab Milega, Nabi Akram g Ne Ghazwah Tabuk Ke Moqe Par Irshad Farmaya Ke Kuch Log Madinah Mein Hamare Piche Rehgaye Hain Lekin Ham Kisi Bhi Ghati Ya Wadi Mein (Jihad Ke Liye) Chalen To Woh Sawab Mein Hamare Sath Hote Hain, Phir Aap g Ne Irshad Farmaya Ye Woh Log Hain Jo Uzr Ki Waja Se Hamare Sath Shareek Nahin Ho Sake. (Sahih Bukhari: 2839)
❷ Ibadaat Karne Waliyon Ke Sath Ta’awun: Aisi Khawateen Ibadaat, Taraweeh Aur Tahajjud Mein Masroof Ghar Ki Digar Khawateen Ke Sath Ta’awun Kar Ke Un Ki Ibadaat Ke Barabar Ajr o Sawab Hasil Kar Sakti Hain, Ye Ta’awun Un Ke Kaam Nimta Kar, Un Ke Liye Sahri o Iftari Tayyar Kar Ke, Un Ke Bacche Sambhal Kar Aur Digar Tariqon Se Kiya Ja Sakta Hai.
❸ Zikr Azkar Aur Duaon Mein Mashghuliyat: Napaki Ki Halat Mein Har Ibadat Mamnoo Nahin Hoti Balke Zikr Azkar Aur Duayen Mangi Ja Sakti Hain, Lehaza Aisi Tamam Khawateen Ibadaat Se Bilkul Kinarah Kashi Ekhtiyar Na Kare Balke Zikr Azkar, Durood Shareef, Shabe Qadr Ki Masnoon Dua Aur Digar Duaon Mein Mashghool Rehkar Aakhir Ashre, Taaq Raton Aur Shabe Qadr Ki Barkaat Hasil Karne Ki Koshish Karen.
Amr bin Al-Harith bin Al-Mustaliq narrated from the nephew of Zainab, the wife of Abdullah (Ibn Mas'ud) who said: "The Messenger of Allah (ﷺ) delivered a sermon to us, and said: 'O you women! Give charity, even if it is from your jewelry, for indeed you will make up most of the people of Hell on the Day of Judgment.'"
Urdu Translation: Hazrat Zainab RadiyAllahu Anha Farmati Hain Ke RasoolAllah ﷺ Ne Hamen Khutba Dete Hue Irshad Farmaya: "Aye Aurton Ki Jamat! Tum Zakat Ada Kiya Karo Agarche Woh Zewar Hi Kyun Na Ho Is Liye Ke (Zewraat Aur Maal Ki Mohabbat Mein Giraftar Hokar Zakat Ki Adayegi Mein Kotahi Ki Waja Se) Qayamat Ke Din Tum Mein Aksariyat Jahannam Mein Hogi."
[Jami` at-Tirmidhi :: Vol. 2 :: Book 2 :: Hadith 635, 635]
Urdu Translation: RasoolAllah ﷺ Ne Farmaya: “Agar Koi Shakhs Jhoot Bolna Aur Dagabazi Karna (Roze Rakh Kar Bhi) Na Chhode To Allah Ta’ala Ko Uski Koi Zarurat Nahin Ke Woh Apna Khana Peena Chhorde.”
[Sahih Bukhari :: Vol. 3 :: Book 31 :: Hadith 127, 1903]
Hajat Mand Aur Sharyi Taur Par Mustahiqe Zakat Rishtedaron Ko Zakat Dena Na Sirf Ye Ke Jayez Hai Balke Is Mein Dohra Sawab Hai, Aik Sawab Zakat Ka Aur Dusra Sila Rehmi Ka, Bhai, Bahen, Bhatija, Bhatiji, Bhanja, Bhanji, Chacha, Phupi, Khala, Mamu, Saas, Sasur, Damad Wagherah Mein Se Jo Zarurat Mand Aur Mustahiq Zakat Hon, Unhen Zakat Di Ja Sakti Hai Aur Zakat Dete Waqt Ye Batana Bhi Zaroori Nahin Ke Ye Raqam Zakat Ki Hai.
Albatta Darj Zail Rishtedaron Ko Zakat Dena Jayez Nahin:
❶ Usool: Yani Jin Se Paida Hua Hai, Maa, Baap, Dada, Dadi, Nana, Nani Wagherah (Sauteli Maa Usool Mein Dakhil Nahin, Lehaza Use Zakat Dena Jayez Hai).
❷ Furoo: Yani Aulad, Beta, Beti, Pota, Poti, Nawasa, Nawasi Wagherah.
❸ Miya Biwi Aik Dusre Ko Zakat Nahin De Sakte, Talaq Ke Baad Bhi Jab Tak Iddat Nahin Guzar Jati Zakat Dena Jayez Nahin.
Jo Aaqil o Baligh Musalman (Mard Ho Ya Aurat) Malik Ban Jaye:
❶ Sadhe Sath Tola (87.480 Gram) Sone (Gold) Ka…Ya
❷ Sadhe Bawan Tola (612.360 Gram) Chandi (Silver) Ka…Ya
❸ Sadhe Bawan Tola Chandi Ki Qeemat Ke Barabar Raqam (Currency) Ka (March 2025 Ke Rate Ke Mutabiq Taqriban 1,80,646/- Rupe Ka)…Ya
❹ Sadhe Bawan Tola Chandi Ki Qeemat Ke Barabar Maale Tijarat Ka (Maal Tijarat Se Muraad Woh Cheez Jise Aage Farokht Ki Niyyat Se Khareeda Ho Aur Ye Niyyat Abhi Tak Baqi Ho)…Ya
❺ Darje Bala Charon Amwale Zakat (Sona, Chandi, Currency, Maal Tijarat) Mein Se Kisi Do Ya Teen Ya Chaar Ke Majmuye Ka….Aur Woh Majmuah Sadhe Bawan Tola (612.360 Gram) Chandi Ki Qeemat Ke Barabar Pahonch Jaye…
To Aisa Shaks Sahibe Nisab Kehlaye ga Aur Jis Qamri Tareekh Ko Woh Sahibe Nisab Bana, Woh Tareekh Us Shaks Ke Zakat Ke Hisab Ki Tareekh Ke Taur Par Tai Ho Jaye gi Aur Agle Qamri Saal Ki Usi Tareekh Par Agar Ye Sahibe Nisab Raha To Is Par Amwale Zakat 2.5% Feesad Nikalna Farz Hoga, Neez Agar Sahibe Nisab Par Qarz Wagherah Ho To Amwale Zakat Ko Jama Kar Ke Qarz Ko Is Minha (Minus) Kiya Jaye, Is Ke Baad Bhi Agar Nisab Ke Baqadar Maal Baqi Bache To Zakat Farz Hogi Warna Nahin, Aur Agar Sahibe Nisab Ka Kisi Par Qarz Wagherah Ho Aur Qarz Ki Wusuli Ki Ummid Bhi Ho To Use Amwal Zakat Mein Shamil Karne Ke Baad Kul Maal Ki Zakat Nikali Jaye Aur Agar Qarz Ki Wusuli Ki Ummid Na Ho To Use Shamil Karne Ki Zarurat Nahin.
Note: Sone Chandi Ki Qeemat Mein Rozana Kami Zyadati Hoti Hai Aap Jis Din Zakat Ada Karenge Us Din Qeemat Malum Kar Ke Zakat Nikalen.
Urdu Translation: RasoolAllah ﷺ Ne Farmaya: “Zamzam Ka Pani Jis Niyyat Se Piya Jaye Us Se Wahi Faidah Hasil Hota Hai.”
[Sunan Ibn Majah :: Vol. 4 :: Book 25 :: Hadith 3062, 3062]
Bacchon Ko Rozah Rakhne Ki Mashq Karwayyen! ....✦Narrated Ar-Rubi' bint Mu'awadh RadiyAllahu Anha: "The Prophet (ﷺ) sent a messenger to the village of the Ansar in the morning of the day of 'Ashura' (10th of Muharram) to announce: 'Whoever has eaten something should not eat but complete the fast, and whoever is observing the fast should complete it.' "She further said, "Since then we used to fast on that day regularly and also make our boys fast. We used to make toys of wool for the boys and if anyone of them cried for, he was given those toys till it was the time of the breaking of the fast."
Urdu Translation: Rubi’ Bint Mu’awadh RadiyAllahu Anha Farmati Hain Ke Ashura Ki Subah Aan Hazrat ﷺ Ne Ansar Ke Muhallon Mein Kehla Bheja Ke “Jis Ne Subah Ko Kha Pi Liya Ho Wo Din Ka Baqi Hissa (Rozah Daar Ki Tarah) Pura Kare Aur Jis Ne Kuch Khaya Piya Na Ho To Wo Roze Se Rahe.” Rubi’ RadiyAllahu Anha Farmati Hain Ke Phir Baad Mein Bhi Ham Us Din Rozah Rakhte Aur Apne Bacchon Se Bhi Rakhwate, Bacchon Ko Ham Oon Ka Khilona Dekar Behlaye Rakhte, Jab Koi Khane Ke Liye Rota To Wahi Khilona De Dete, Yahan Tak Ke Iftar Ka Waqt Ho Jata.
[Sahih Bukhari :: Vol. 3 :: Book 31 :: Hadith 181, 1960]
●◗► Bukhari Shareef Ke Sharah Hafiz Ibn Hajar Rahimahullah Farmate Hain: “Ye Hadees Bacchon Ko Roze Ki Mashq Karwane Ke Mashroo’ Hone Ki Wazeh Daleel Hai.” (Fath al Bari: Safah: 201:Juz. 4)
Urdu Translation: RasoolAllah ﷺ Ne Farmaya: “Jis Ne Ramadan Ki Raton Mein (Bedar Rehkar) Namaze Taraweeh Padhi Imaan Aur Sawab Ki Niyyat Ke Saath, Us Ke Pichle Tamam Gunaah Muaaf Ho Jayen Ge.”
[Sahih Bukhari :: Vol. 3 :: Book 32 :: Hadith 227, 2009]
Rozah Ki Farziyat Aur Rukhsat .............✦“Rozah Har Us Baligh Musalman Par Farz Hai Jo Rozah Rakhne Ki Qudrat Rakhta Ho.” (Surah Al-Baqarah:183)
“Roze Mein Musafir, Mareez, Haiz o Nifas Mein Mubtela, Hamela Aur Doodh Pilane Wali Khawateen Ko Rukhsat Hai Ke Baad Mein Rozon Ki Ginti Puri Karlen.”(Surah Al-Baqarah:184)
Note: Bacchon Par Rozah Farz Nahin Lekin Sahaba Karam Aadat Dalne Ke Liye Bacchon Ko Rozah Rakhwaya Karte The. (Sahih Bukhari:1960)
Wazeh Rahe: “Roze Ki Halat Mein Wuzu Karte Hue Naak Mein Zyadah Zor Se Pani Nahin Chadhana Chahiye.” (Jami at-Tirmidhi:788)
Ramadan Ka Mubarak Mahina Saya Fugan Hai! ....✦ "The Messenger of Allah ﷺ said: 'There has come to you Ramadan, a blessed month, which Allah, the Mighty and Sublime, has enjoined you to fast. In it the gates of heavens are opened and the gates of Hell are closed, and every devil is chained up. In it Allah has a night which is better than a thousand months; whoever is deprived of its goodness is indeed deprived."'
Urdu Translation: RasoolAllah ﷺ Ne Irshad Farmaya: “Tum Par Ramadan Ka Mubarak Mahina Aaya Hai Jis Mein Allah Ta’ala Ne Roze Farz Kiye Hain, Is Mahine Mein Aasman (Yani Jannat) Ke Darwaze Khol Diye Jate Hain, Jahannam Ke Darwaze Band Kar Diye Jate Hain Aur Sarkash Shayateen Qaid Kardiye Jate Hain, Is Mein Allah Ki Taraf Se Aik Raat (Shabe Qadr) Hai Jo Hazar Mahinon Se Behtar Hai, Jo Is Raat Ki Khair o Bhalayi Se Mahroom Raha Wo Haqiqat Mein Bada Mahroom Hai.”
[Sunan an-Nasa'i :: Vol. 3 :: Book 22 :: Hadith 2108, 2106]
“Ramadan Mein Dakhil Hone Se Qabl Taubah Ka Ehtemam Karen, Dua Ka Ehtemam Farmayyen Ke Ya Allah Mujhe Is Mahine Ko Hasil Karne Wala Bana, Chand Dekhne Ka Ehtemam Karen, Niyyat Ye Karlen Ke Apne Auqaat Ki Hifazat Karni Hai.”
Urdu Translation: RasoolAllah ﷺ Ne Irshad Farmaya: “Jo Shakhs Aik Din Mein 100 Martaba Kahe Us Ke Gunah Samandar Ki Jhag Ke Barabar Bhi Hon To Muaaf Ho Jate Hain 'Subhan Allah wa bihamdihi,' Paak Hai Allah Apni Khubiyon Samait.”
[Sahih Bukhari :: Vol. 8 :: Book 75 :: Hadith 414, 6405]
Nabi Akram ﷺ Ne Irshad Farmaya: Bani Israil Ke Baadshahon Mein Se Aik Baadshah Ne Aik Shaks Ko Pakad Kar (4 Buraiyon Mein Se) Aik Burayi Ko Ekthiyar Karne Ka Hukum Diya Aur Inkar Ki Surat Mein Qatal Karne Ki Dhamki Di, (Woh 4 Buraiyan Ye Thin):
❶ Woh Shaks Sharab Pile
❷ Ya Kisi Insan Ko Qatal Karde
❸ Ya Kisi Aurat Ke Sath Zina karle
❹ Ya Khinzeer Ka Gosht Khale
Us Shaks Ne (In Buraiyon Mein Se Sharab Ko Nisbatan Halka Samjha Aur Jaan Bachane Ke Liye) Sharab Pine Ko Ekhtiyar Kar Liya, Jab Us Ne Sharab Pili To Us Ke Baad Baqiya Buraiyon Ke Irtekab Mein Koi Rukawat Baqi Na Rahi (Chunanche Us Ne Qatal Ka Irtekab Bhi Kiya, Khinzeer Ka Gosht Bhi Khaya, Aur Aurat Ke Sath Muh Bhi Kala Kar Liya).
[Al-Mustadrak alaa al-Sahihain Al-Hakim: 7236, Sahih al-Albaani Fi al-Silsilah al-Saheehah: 2695]
●════════════════◄►═══════════════●
Abdullah bin Amr Al-Aas narrated that the Messenger of Allah (ﷺ) said: “One of the kings of the Bani Israil arrested someone and put before him certain choices.
He could ❶ Drink wine, ❷ Kill an infant, ❸ Commit adultery or ❹ Eat pork.
But if he rejected all of these then he must be prepared to be put to death. He (thought wine was the least harmful and) chose wine. Hence, when he drank wine, none of the other things remained forbidden to him (in his eyes and he did them all).”
[Al-Mustadrak alaa al-Sahihain Al-Hakim: 7236, Sahih al-Albaani Fi al-Silsilah al-Saheehah: 2695]
Urdu Translation: RasoolAllah ﷺ Ne Irshad Farmaya: “Apne Gharon Ko Qabristan Na Banao, Jis Ghar Mein Surah Baqarah Padhi Jaye Us Ghar Mein Shaitan Dakhil Nahin Ho Sakta.”
[Jami` at-Tirmidhi :: Vol. 5 :: Book 42 :: Hadith 2877, 2877]
Urdu Translation: RasoolAllah ﷺ Ne Farmaya: “Tum Mein Se Koi Hargiz Aisa Na Kare Ke Apne Ghusul Khane (Hammam) Mein Pehle Peshaab Kare Phir Us Mein Ghusul Ya Wuzu Kare Aksar Waswase Isi Se Paida Hote Hain.”
[Sunan Abu Dawud :: Book 1 :: Hadith 27, 27]
Zindagi Chaar Din Ki Hai, Mohabbaten Baanten, Saath Kuch Nahin Le Kar Jana Hai, Bas Hamare Acche Aamaal Hi Saath Jayenge.”
Shayad Rizq Is Ki Wajah Se Milta Hai! ..........✦"There were two brothers during the time of the Messenger of Allah (ﷺ). One of them used to come to the prophet (ﷺ), and the other had some business. The businessman among them complained to the Prophet (ﷺ) about his brother, so he (ﷺ) said: 'Perhaps you are provided for because of him.'"
Urdu Translation: Aik Bhai Ne Nabi ﷺ Ke Paas Aakar RasoolAllah ﷺ Ke Paas Baithne Wale Apne Bhai Ke Kaam Na Karne Ki Shikayat Ki To Aap ﷺ Ne Farmaya: Mumkin Hai Tujhe Isi Ki Wajah Se Hi Rizq Milta Ho.
[Jami` at-Tirmidhi :: Vol. 4 :: Book 10 :: Hadith 2345, 2345]
Urdu Translation: RasoolAllah ﷺ Ne Farmaya: “Aik Dusre Ko Bura Bhala Kehne Wale Jo Kuch Bhi Kehte Hain Us Ka Wabal Pahel Karne Wale Par Hai Jab Tak Mazloom Had Se Tajawuz Na Kare.”
[Sahih Muslim :: Book 32 :: Hadith 6263, 2587]
Urdu Translation: RasoolAllah ﷺ Ne Farmaya: “Bahot Jald Logon Par Aisa Waqt Aayega Jis Mein Har Taraf Dhoka Hi Dhoka Hoga..”
[Sunan Ibn Majah :: Vol. 5 :: Book 36 :: Hadith 4036, 4036]
Watne Azeez INDIA se Mohabbat! ............✦●◗► Insan Jis Khitte, Mulk, Shaher Ya Ilaqe Mein Rehta Hai Us Jage Se Unsiyat, Qalbi Lagao Aur Mohabbat o Ulfat Ka Paida Ho Jana Aik Fitri Cheez Hai, Diyanat Aur Amanat Ka Taqaza Bhi Yahi Hai Ke Insan Jahan Rahe Wahan Ki Khair Khuahi, Taraqqi Aur Falah o Bahbood Ki Koshishon Mein Laga Rahe.
✿ RasoolAllah (ﷺ) Jab Makkah Mukarramah Se Hijrat Farma Kar Nikle To Sawari Par Sawar Ho Kar Baar Baar Piche Mud Kar Dekhte Aur Farmate: "(Aye Makkah!) Allah Ki Qasam Tu Allah Ta’ala Ki Behtareen Aur Mahboob Tareen Zameen Hai, Agar Mujhe Yaha Se Na Nikala Jata To Main Tujhe Chhor Kar Na Jata." (Sunan Ibn Majah: 3108)
✿ Baad Aza Jab RasoolAllah (ﷺ) Hijrat Farma Kar Madinah Tayyabah Pohnche Aur Madinah Munawwarah Ko Apna Mustaqil Watan Bana Liya To Ye Dua Mangi: "Aye Allah! Jis Tarah Makkah Mukarramah Ki Mohabbat Tu Ne Hamen Ata Ki Thi Isi Tarah Madinah Munawwarah Ki Mohabbat Bhi Hamen Ata Farma, Ya Us Se Bhi Zyadah Hamen Madinah Ki Mohabbat Ata Farma, Aur Yahan Ki Aab o Hawa Sahet Baksh Banade Aur Hamare Sa’a Aur Mud (Ghalla Naapne Ke 2 Paimane) Mein Barkat Ata Farma Aur Madinah Ke Wabayi Bukhar Ko Juhfa (Naami Muqam) Mein Muntaqil Karde." (Sahih Muslim: 1376)
Apne Mulk Aur Watan Se Mohabbat Karen Aur Apni Zaat Se Mulk o Watan ko Faidah Pohnchane Ki Koshish Karen
●══════════════════◄►═════════════════●
Abu Salamah bin ‘Abdur-Rahman bin ‘Awf narrated that ‘Abdullah bin ‘Adiy bin Hamra’ said to him: “I saw the Messenger of Allah (ﷺ) , when he was on his she-camel, standing in Al-Hazwarah* saying: ‘By Allah, you are the best land of Allah, and the dearest of the land of Allah to me. By Allah, had I not been expelled from you I would never have left.’” *A place in Makkah."
[Sunan Ibn Majah :: Vol. 4 :: Book 25 :: Hadith 3108]
'A'isha (Allah be pleased with her) reported: When we came to Medina, and it was an unhealthy, uncogenial place, Abu Bakr fell sick and Bilal also fell sick; and when Allah's Messenger (ﷺ) saw the illness of his Companions he said: O Allah, make Medina as congenial to us as you made Mecca congenial or more than that; make it conducive to health, and bleesus in its sa' and in its mudd, and transfer its fever to al-juhfa."
[Sahih Muslim :: Book 7 :: Hadith 3178, 1376]
Masayel Mein Ghiri Zindagi Ka Raaz! ......✦The Messenger of Allah (ﷺ) said: "Trials will not cease afflicting the believing man and the believing woman in their self, children, and wealth, until they meet Allah without having any sin."
Urdu Translation: Nabi Akram (ﷺ) Ne Irshad Farmaya: “Momin Mard o Aurat Par Aazmayishen (Aur Musibaten) Aati Rehti Hain, Kabhi Us Ki Zaat Par, To Kabhi Aulad Par Aur Kabhi Maal Par (Aur Har Aazmayish Par Sabr Ke Natije Us Ke Gunah Dhulte Rehte Hain), Yahan Tak Ke Jab Woh (Mar Kar) Allah Ta’ala Se Mulaqat Karta Hai To Gunahon Se Bilkul Saaf Ho Jata Hai.”
[Jami` at-Tirmidhi :: Vol. 4 :: Book 10 :: Hadith 2399]
The Prophet (ﷺ) came to Medina and saw the Jews fasting on the day of Ashura. He asked them about that. They replied, "This is a good day, the day on which Allah rescued Bani Israel from their enemy. So, Moses fasted this day." The Prophet (ﷺ) said, "We have more claim over Moses than you." So, the Prophet fasted on that day and ordered (the Muslims) to fast (on that day).
Urdu Translation: Hazrat Ibn Abbas RadiyAllahu Anhuma Se Riwayat Hai Ke RasoolAllah ﷺ Jab Madinah Munawwarah Tashreef Laye To Aap ﷺ Ne Yahudiyon Ko Dekha Ke Wo Ashura (10 Muharram) Ka Rozah Rakhte Hain, Aap ﷺ Ne Un se Is Ka Sabab Daryaft Farmaya To Unhon Ne Bataya: “Ye Aik Ba Barkat Din Hai, Is Din Allah Ta’ala Ne Bani Israel Ko Un Ke Dushman (Firaun) Se Najat Dilayi Thi, Is Liye Musa Alaihis Salam Ne Is Din Rozah Rakha Tha.” Aap ﷺ Ne Irshad Farmaya: “Ham Musa Alaihis Salam Ke (Is Aml Ko Ekhtiyar Karne Mein) Tum Se Zyadah Haqdar Hain, Chunanche Aap ﷺ Ne Is Din Rozah Rakha Aur Sahaba RadiyAllahu Anhum Ko Bhi Is Ka Hukum Diya.”
[Sahih al-Bukhari :: Vol. 3 :: Book 31 :: Hadith 222, 2004]
9 aur 10 Muharramul Haram Ka Rozah .......✦Jab RasoolAllah ﷺ ne Yaume Ashura ka Rozah Rakha Aur Musalmanon Ko Bhi Is Ka Hukum Diya To Sahaba Ne Arz Kiya Ke Ya RasoolAllah! Yahood o Nasara Bhi Is Din Ki Bahot Tazeem Karte Hain, Aap ﷺ Ne Irshad Farmaya: Jab Agla Saal Aayega To Ham (Yahood o Nasara Ki Mushabihat Se Bachne Ke Liye) In'sha'Allah Nawe (9) Tareekh Ka Rozah Bhi Rakhenge, Hazrat Ibn Abbas Farmate Hain Ke Agla Saal Aane Se Pehle Hi RasoolAllah ﷺ Dunya Se Tashreef Le Gaye. [Sahih Muslim: 1134]
●◗► Note: Yaume Ashura Ke Roze Ke Sath 9 Ya 11 Tareekh Ka Rozah Rakhna Afzal Aur Behtar Hai, Lekin Agr Kisi Ne Sirf Ashura Ka Rozah Rakha To Bhi Harj Ki Baat Nahin, Neez Hadise Baala Se Ye Bhi Pata Chala Ke Musalmano Ko Har Moqe Par Yahood o Nasara Ki Mushabihat Se Bachna Chahiye.
●════════════════◄►═══════════════●
Ibn 'Abbas RadiyAllahu Anhu reported that when the Messenger of Allah (ﷺ) fasted on the day of 'Ashura and commanded that it should he observed as a fast, they (his Companions) said to him: Messenger of Allah, it is a day which the Jews and Christians hold in high esteem. Thereupon the Messenger of Allah (ﷺ) said: When the next year comes, God willing, we would observe fast on the 9th But the Messenger of Allah (ﷺ) died before the advent of the next year."
[Sahih Muslim :: Book 6 :: Hadith 2528, 1134]
Urdu Translation: RasoolAllah ﷺ Ne Farmaya: “3 Cheezen Qasdan Aur Iraade Se Ki Jayen To Bhi Haqeeqi (Shumaar Hoti) Hain, Aur Hansi Mazaaq Mein Ki Jayen To Bhi Haqeeqi (Shumaar Hoti) Hain: Nikah, Talaq Aur Rujoo.”
[Sunan Ibn Majah :: Vol. 3 :: Book 10 :: Hadith 2039, 2039]
Tashreeh: Matlab Ye Hai Ke Agar Kisi Ne Hansi Mazaq Mein Nikah Kiya Ya isi Tarah Hansi Mazaq Mein Biwi Ko Talaq Di Ya Mutalqa Biwi Se Hansi Mazaq Mein Ruju Ki To Shari’at Mein Ye Sab Chizen Waqe Aur Mu’tabar Hongi Yahan Yani Nikah Munaqid Ho Jayega, Talaq Pad Jayegi Aur Raj’at Ho Jayegi Is Ki Waja Ye Hai Ke Ye 3 Chizen Islami Shari’at Mein Itni Nazuk Aur Ghair Mamuli Ahmiyat Ki Hamil Hain Ke In Ke Bare Mein Hansi Mazaq Ki Gunjaish Hi Nahin Rakhi Gayi Hai In Ke Bare Mein Jo Kuch Aadmi Ki Zuban Se Niklega Us Ko Haqiqat Aur Sanjidah Baat Hi Samjha Jayega, Dusre Lafzon Mein Ye Samajhna Chahiye Ke Islami Shari’at Mein Ye Maidan Hi Hansi Mazaq Ka Nahin Hai.
Urdu Translation: RasoolAllah ﷺ Ne Farmaya: “Jis Se Aa’maal Ka Tafseeli Hisab Maang Liya Gaya, Woh Halaak Ho Gaya.”
[Sahih Bukhari: 4939, Jami` at-Tirmidhi: 3337]
⇨ “Har Kaam Ka Aik Muqarrar Waqt Hai.” (Quran, Surah Al-Qamar:3) Sabr Karo, Aur Yaqeen Rakho, Tumhara Waqt Bhi Aayega, Allah Har Cheez Ko Behtareen Waqt Par Ata Karta Hai.
Izzat Aur Zillat Ke Faisle Bandon Ke Hath Mein Rakhe Jate To Koi Shak Nahin Ke Insan Ruswa Kar Diya Jata, Ye To Allah Ke Muamlat Hain, Allah Rabbul Izzat Jis Ko Chahe Aasman Ki Bulandiyon Pe Pohnchade Aur Jise Chahe Zameen Pe La Ke Patak De.
Ilmi Majlis Ki Janib Se Tamam Chahne Walon Ko Eid Mubarak
•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*¸.•*´¨`*•.¸
●◗► Allah Ta’ala Ham Sab Ki Qurbani Aur Hajje Baitullah Samait Digar Tamam Ibadaat Apni Bargaah Rehmat Mein Qubool Farma Kar Hamen Deene Mateen Ke Liye Har Tarah Ki Qurbani Dene Ka Jazba Ibrahimi Ata Farmaye. (Aameen)
تَقَبَّلَ اللّهُ مِنَّا وَ مِنْكُمْ
'Taqabbal Allaahu Minna Wa'minka' Allah paak Hamare aur Aap ke Naik Aa’maal Qubool Farmaye."
★•.•´¯`•.•★
A A M E E N ★•.•´¯`•.•★اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد
●◗► "Allahu Akbar Allahu Akbar La ilaaha illallahu Wallahu Akbar, Allahu Akbar Walillahil Hamd!"
Hajj Ke 5 Ayyam 4 Aur 5 Din .............✦(11,12 Dhul Hijjah): (India Mein 10,11 Dhul Hijjah)
Hujjaj Karam Hajj Ke Chaothe Aur Panchwen Din Mina Mein Qiyam Kar Ke Tarteeb Waar Teenon Jamrat Ki Rami Karenge, Pehle Jamrah Ula (Chote Alamati Shaitan) Par Kankariyan Marenge, Phir Jamrah Wusta Par Aur Phir Jamrah Aqabah (Bade Alamati Shaitan) Par Kankariyan Marenge, Aur Agar Koi Haji 10 Dhul Hijjah (Hajj Ke Teesre Din) Qurbani, Halaq, Tawaf Ziyarat Aur Hajj Ki Sayi Na Kar Saka To Wo Hajj Ke Panchwen Din (12 Dhul Hijjah) Ke Ghuroob Aaftab Tak Kar Sakta Hai, Agar Haji 12 Dhul Hijjah Ko Ghuroob Aftab Ke Baad Mina Mein Taher Gaye Aur Subah Sadiq Wahin Ho Gayi To Agle Din 13 Dhul Hijjah Ki Rami Jamrat Bhi Wajib Ho Jayegi Aur Is Ke Sath Hi Hajj Ke Afaal o Manasik Mukammal Ho Jayenge Sirf Tawafe Wida Reh Jayega Jise Wapsi Se Qabl Kisi Bhi Waqt Karna Lazim Hoga.
●◗► Allah Subhanahu Wa Ta'ala Safar Hajj Ke Shuruaat Qubool Farmaye Aur Tamam Aazmeene Hajj Ko Apne Hifz o Aman Mein Rakhe. (Aameen)
Eid Al-Adha Ke Aadaab .......✦❶ Subah Sawere(Namaze Fajr Se Qabl) Bedar Hona.
❷ Miswak Karna.
❸ Ghusul Karna.
❹ Shari’at Ki Hudood Mein Rahte Hue Zaib o Zeenat Ekhtiyar Karna
❺ Khushbo Lagana.
❻ Eid Ki Namaz, Eidgah Mein Padhna.
❼ Jald Az Jald Eidgah Pahonchna, Paidal Jana Aur Wapsi Par Dusra Rasta EkhtiyarKarna
❽ Raaste Mein
اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد
"Allahu Akbar Allahu Akbar La ilaaha illallahu Wallahu Akbar, Allahu Akbar Walillahil Hamd!" Ba’aawaze Buland Padhna.
❾ Eid Ki Namaz Se Pehle Kuch Na Khana.
➓ Qurbani Ke Mubarak Gosht Se Khane Ki Ibteda Karna.
► Batil Taqaton Se Izhare Nafrat Ki Alamat ◄
●◗► “Rami” Darasal Aik Yaad Gaari Ibadat Hai Jise Shaitani Aur Batil Taqaton Se Izhare Nafrat Ke Liye Is Ummat Mein Baqi Rakha Gaya Hai, Is Ibadat Ke Piche Aik Yaad Gaar Waqia Hai, Jis Ka Zikr Quran o Hadees Mein Maujood Hai, Aik Hadees Mein Hazrat Ibn Abbas RadiyAllahu Anhuma Farmate Hain Ke Nabi Akram ﷺ Ne Irshad Farmaya:
“Jab Hazrat Ibraheem Alaihis Salam Hukm Ilahi (Bete Ki Qurbani) Ki Tameel Ke Liye Chale To Shaitan Jamrah Aqabah Ke Nazdeek Un Ke Samne Aaya, To Unhon Ne Use Sath (7) Kankariyan Marin, Yahan Tak Ke Woh Zameen Mein Dhas Gaya. Phir Dusre Jamrah Ke Paas Shaitan Un Ke Samne Aaya To Unhon Ne Dobara Use Sath Kankariyan Marin, Yahan Tak Ke Woh Zameen Mein Dhas Gaya. Phir Teesre Jamrah Ke Paas Shaitan Samne Aaya To Unhon Ne (Teesri Martaba) Use Sath Kankariyan Marin, Yahan Tak Ke Woh Zameen Mein Ja Dhasa.
Hazrat Ibn Abbas RadiyAllahu Anhuma Ne Farmaya Ke Shaitan Ko Patthar Marne Ki Karwayi Darasal Hazrat Ibraheem Alaihis Salam Ki Itteba Hai.
[Al-Mustadrak alaa al-Sahihain Al-Hakim : 1713]
●═══════════════◄►══════════════●
Al Bayhaqy reported in his Sunan on the authority of Ibn `Abbas (may Allah be pleased with him) who said: "When Abraham started the rites, Satan came to him at Jamratul-`Aqabah, then he threw him with seven pebbles until he sank into the earth. Then he blocked his way at the second Jamrah, and he threw him with seven pebbles until he sank into earth. Then he blocked his way at the third Jamrah, then he threw him with seven pebbles until he sank into earth."
Ibn `Abbas RadiyAllahu Anhu said: "You stone Satan, and follow the religion of your father (Abraham)."
[Reported by Al Hakim in Al Mustadrak, and graded it as authentic, and said: According to the conditions set by Al Bukhari and Muslim without mentioning it in their books of authentic Hadiths] Sunan Al Bayhaqy (5/153).Al Mustadrak (1/466).[Al-Mustadrak alaa al-Sahihain Al-Hakim : 1713]
Teesra Din (10 Dhul Hijjah): (India Mein 9 Dhul Hijjah)
Aaj Manasik Hajj Ki Adayegi Ka Teesra Ahem Tareen Din Hai, Hujjaj Karam Muzdalifah Mein Namaz Fajr Awwal Waqt Mein Padhne Ke Baad Tulu Aftab Tak Wuqufe Muzdalifah Karenge Aur Zikr o Dua Aur Tasbihat Mein Mashghool Rahenge, Tulu Aaftab Ke Waqt Mina Ki Taraf Rawana Ho Jayenge Aur Muzdalifah Se Hi Apne Sath Taqriban 70 Kankariyan Bhi Le Lenge, Mina Pahonch Kar Jamrah Aqabah (Bade Alamati Shaitan) Par Kankariyan Marenge, Pehli Kankari Marte Hi Talbiya Padhna Band Kar Denge, Is Ke Baad Hajj Ki Qurbani Karenge Aur Phir Sir Mundhwa Kar Ya Baal Chote Karwa Kar Ehram Ki Beshtar Pabandiyon Se Aazad Ho Jayenge, Is Din Agar Moqa Muyyasar Aasaka To Hujjaj Karam Makkah Mukarramah Pahoch Kar Tawaf Ziyarat Aur Sayi Bhi Kar Lenge.
●◗► Allah Subhanahu Wa Ta'ala Safar Hajj Ke Shuruaat Qubool Farmaye Aur Tamam Aazmeene Hajj Ko Apne Hifz o Aman Mein Rakhe. (Aameen)
06 June 2025 Baroz Jumah, Arafah Ka Rozah ......✦The Prophet ﷺ said: "Fast the Day of Arafah, for indeed I anticipate that Allah will forgive (the sins) of the year after it, and the year before it."
Urdu Translation: RasoolAllah ﷺ Ne Irshad Farmaya: “Mujhe Allah Ta’ala Ki Zaat Par Pokhta Yaqeen Hai Ke Yaum Arafah (9 Dhul Hijjah) Ke Roze Ke Badle Guzishta Saal Aur Aayindah Saal Ke Gunah Muaaf Farma Dega.”
[Jami` at-Tirmidhi :: Vol. 2, Book 3 :: Hadith 749, 749]
Arafah Rehmat o Maghfirat Ka Thathen Marta Samandar ..✦'A'isha (Allah be pleased with her) reported Allah's Messenger (ﷺ) as saying: “There is no day when God sets free more servants from Hell than the Day of 'Arafah. He draws near, then praises them to the angels, saying: What do these want?.”
Urdu Translation: Hazrat Aisha RadiyAllahu Anha Se Riwayat Hai Ke RasoolAllah ﷺ Ne Irshad Farmaya: “Allah Subhanahu Wa Ta'ala Arafah Ke Din Jis Qadar Logon Ko Jahannam Se Aazad Farmate Hain Itne Kisi Aur Din Aazad Nahin Farmate, Bila Shuba Allah Subhanahu Wa Ta'ala Is Din Apni Rehmat o Maghfirat Ke Sath Bandon Ke Intehayi Qareeb Ho Jate Hain Aur Phir Farishton Ke Samne (Hujjaj Karam) Par Fakhr Karte Hue Farmate Hain: "Mere Ye Bande Kya Chahte Hain?".
[Sahih Muslim :: Book 7 :: Hadith 3126, 1348]
Deene Islam Aur Nematon Ki Takmeel Ka Din! .....✦Narrated 'Umar bin Al-Khattab RadiyAllahu Anhu: Once a Jew said to me, "O the chief of believers! There is a verse in your Holy Book Which is read by all of you (Muslims), and had it been revealed to us, we would have taken that day (on which it was revealed as a day of celebration." 'Umar bin Al-Khattab asked, "Which is that verse?" The Jew replied, "This day I have perfected your religion For you, completed My favor upon you, And have chosen for you Islam as your religion." (5:3) 'Umar replied,"No doubt, we know when and where this verse was revealed to the Prophet. It was Friday and the Prophet (ﷺ) was standing at 'Arafat (i.e. the Day of Hajj)"
Urdu Translation: Hazrat Umar Bin Khattab RadiyAllahu Anhu Farmate Hain Ke Aik Yahudi Ne Un Se Kaha Ke Aye Ameer ul Mu'mineen! Aap Ki Kitab (Quran) Mein Aik Aayat Hai Jise Aap Log Padhte Hain, Agar Woh Aayat Ham Yahudiyon Par Nazil Hoti To Ham Us (Ke Nuzool Ke) Din Ko Eid Ka Din Bana Lete, Aap Ne Pucha Woh Konsi Aayat Hai? Us Ne Jawab Diya (Surah Al-Ma’idah Ki Aayat) Tarjuma: “Aaj Main Ne Tumhare Deen Ko Mukammal Kar Diya Aur Apni Nemat Tum Par Tamam Kardi Aur Tumhare Liye Deen Islam Pasand Kiya.” Hazrat Umar RadiyAllahu Anhu Ne Farmaya Ke Ham Us Din Aur Us Muqam Ko (Khoob) Jante Hain Jab Ye Aayat RasoolAllah ﷺ Par Nazil Hui, Woh Jumah Ka Din Tha Aur Aap ﷺ Maidane Arafat Mein Khade Hue The.
[Sahih Al-Bukhari :: Vol. 1 :: Book 2 :: Hadith 44, 45]
Hajj Ke 5 Ayyam Dusra Din ..........✦(9 Dhul Hijjah): (India Mein 8 Dhul Hijjah)
Aaj Ka Din Ayyam Hajj Ka Sab Se Ahem Aur Masroof Tareen Din Hai, Aaj Subah Talbiya Padhte Hue Hujjaj Karam Mina Se Arafat Ke Liye Rawana Ho Jayenge, Maidane Arafat Mein Zawal Ke Baad Hajj Ka Rukn Aazam “Wuqufe Arafah” Ada Karenge, Is Dauran Zohar Aur Asr Ki Namazen Ikatthi Ada Ki Jayengi, Namazon Ke Alawah Ghuroob Aaftab Tak Jitna Waqt Bachega, Hujjaj Karam Qibla Rukh Ho Kar Khoob Aahwazari Aur Duayen Mangenge Aur Ghuroob Aftab Ke Baad Talbiya Padhte Hue “Muzdalifah” Ki Janib Rawana Ho Jayen, Muzdalifah Pahonch Kar Maghrib Aur Isha Ki Namazen Isha Ke Waqt Mein Ikatthi Ada Karenge Aur Aaj Ki Raat Muzdalifah Mein Guzarenge, Muzdalifah Mein Namaze Fajr Awwal Waqt Mein Ada Kar Ke Qibla Rukh Ho Kar Duaon Aur Zikr o Azkar Mein Mashghool Ho Jayenge, Is Aml Ko “Wuqoofe Muzdalifah” Kaha Jata Hai.
●◗► Allah Subhanahu Wa Ta'ala Apni Mansha Ke Mutabiq Hujjaj Karam Ko Manasike Hajj Ada Karne Ki Toufeeq Marhamat Farmaye. (Aameen)
Hajj Ke 5 Ayyam Pehla Din ..........✦(8 Dhul Hijjah): (India Mein 7 Dhul Hijjah)
Aaj Hazaron Aazmeene Hajj Makkah Mukarramah Se Mina Pahonch Rahe Hain Jahan Wo Panch Namazen: Zohar, Asr, Maghrib, Isha Aur 9 Dhul Hijjah Ki Fajr Ada Karenge, Mina Mein Ye Panchon Namazen Ada Karna Aur Aaj Ki Raat Mina Mein Guzarna Hajj Ki Sunnat Hai, Lehaza Agar Kisi Wajah Se Mina Pahochne Mein Kuch Takheer Ho Jaye Ya Mina Na Pahonch Saken To Hujjaje Karam Par Koi Dum Wagherah Lazim Nahin, Lekin Qasdan Aisa Karna Munasib Nahin, Kyun Ke Sunnat Chhodne Se Hajj Ka Sawab Kam Ho Jata Hai.
●◗► Allah Subhanahu Wa Ta'ala Safar Hajj ki Shuruaat Qubool Farmaye Aur Tamam Aazmeene Hajj Ko Apne Hifz o Aman Mein Rakhe. (Aameen)
TAKBEERATE TASHREEQ .........✦اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد
"Hazrat Ali RadiyAllahu Anhu Arafah (9 Dhul Hijjah) Ke Din Namaz Fajr Se Ayyam Tashreeq Ke Aakhri Din (13 Dhul Hijjah) ki Namaz Asr Tak Takbeere Tashreeq Padhte The."
[Musannaf Ibn Abi Shaybah :: Hadith 5631]
●◗► 9 Dhul Hijjah Ki Fajr Se 13 Dhul Hijjah Ki Asr Tak Har Farz Namaz Ke Baad Ba Jama’at Ya Tanha Namaz Padhne Wale Mard Par Aik Martaba Buland Aawaz Se Aur Aurat Par Aik Martaba Aahista Aawaz Se Ye Takbeer Padhna Wajib Hai.
Khawateen, 9 Dhul Hijjah Ki Fajr Se 13 Dhul Hijjah Ki Asr Tak Har Farz Namaz Ke Baad Aahista Aawaz Se Aik Martaba Takbeerat Tashreeq Padhen Gi.
Ashrah Dhul-Hijjah .........✦❶ Takbeer o Tahleel - اللہ اکبر اللہ اکبر لا الہ الا اللہ
❷ Taubah o Astaghfar
❸ Tahajjud Aur Duayen
❹ Rozah - (Pehle Ashre ke 9 din, Bilkhusu 9 Dhul Hijjah Yaum Arafah ka Rozah)
❺ Takbirate Tashreeq - (9 ki Fajr ta 13 ki Asr Tak)
اللہ اکبر اللہ اکبر لا الہ الا اللہ واللہ اکبر اللہ اکبر وللہ الحمد
❻ Qurbani - (10 Ta 12 Dhul Hijjah)
Urdu Translation: RasoolAllah ﷺ Ne Farmaya: “Allah Ta'ala Ke Nazdeek Dhul Hijjah Ke Dus Dinon Se Afzal Koi Din Nahin Aur Na Hi Allah Ke Han Kisi Din Ka Aml In Dus Dinon Ke Aml Se Zyadah Mahboob Hai.”
⇨ "Indeed We have created man, and We know whatever thoughts his inner self develops,.. (Qur'an 50:16)
⇨ Irshade Bari Ta’ala Hai: “Aur Haqiqat Ye Hai Ke Ham Ne Insan Ko Paida Kiya Hai Aur Us Ke Dil Mein Jo Khayalaat Aate Hain, Un (Tak) Se Ham Khoob Waqif Hain.” (Quran, Surah Qaf:16)
No comments:
Post a Comment