✦.....♥ Deen-E-Islam Mein Namaz ka Itna Ehtemaam Kyun?? ♥.....✦

✿...:: Kyun ke….!! ::...✿

◈ Namaz ka Mominon par Aoqat (muqarrarh) mein Ada karna Farz hai. (Qur’an 4:103)
◈ Namaz be hayai aur Burayi se rokti hai. (Qur’an 29:45)
◈ Namaz Iman aur Kufr ke Darmiyan farq karne wali cheez hai. (Jami At-Tirmidhi :: 2618)
◈ Namaz Deen ka Sutoon hai. (Sunan An-Nasa’I :: 5001)
◈ Namaz ke bare mein Qayamt ke din sab se pehle Hisab hoga. (Jami At-Tirmidhi :: 413)
◈ Namaz Agar durust rahi to sare Aa’mal durust rahenge. (Jami At-Tirmidhi :: 413)
◈ Namaz Noor hai. (Sahih Muslim :: 223)
◈ Namaz Dunyawi pareshaniyo se rahat ka zariya hai. (Tibrani :: 6215)
◈ Namaz Allah se ham Kalam hone ka Sharf bakhashti hai. (Sahih Muslim :: 904)
◈ Namaz RasoolAllah Sallallahu Alaihi Wasallam ne Dunya se Rokhsat hote waqt Namaz ke Ehtemam ki Takidan wasiyat farmayi. (Musnad Ahmed :: 12190)

......................✿....... H A D E E S .......✿......................

✦ Islam Mein Shohar (Husband) par Biwi ke Huqooq ✦

Narrated Muawiyah al-Qushayri RadiyAllahu Anhu: I went to the Messenger of Allah Sallallahu Alaihi Wasallam and asked him: What do you command about our wives? He Sallallahu Alaihi Wasallam replied: Give them (to your wives) food what you have for yourself, and clothe them by which you clothe yourself, and do not beat them, and do not revile (insult) them.

[Sunan Abu Dawud :: Book 11 :: Hadith 2139]

Urdu Translation: Hazrat Muawiyah al-Qushayri RadiyAllahu Anhu se riwayat hai ke main RasoolAllah Sallallahu Alaihi Wasallam ki khidmat mein hazir hua aur pucha ke Hum par Biwiyon ke kya Huquq hain, Aap Sallallahu Alaihi Wasallam ne farmaya jo tum khud khate ho unko (apni biwiyon ko) bhi khilao aur Jaise (achche) kapde tum pahante ho unko bhi pahnao aur unko maaro nahi aur unko bura na kaho (yani unki insult na karo gaali na do).

[Urdu Ref :: Sunan Abu Dawud :: Vol.2 :: Hadith 377]

●◗► 1300 saal tak is Ummat ne Bagair Alarm wali ghadiyo aur bagair loudspeaker mein di hui Azan ke, Subah ko jaag kar Namaz Fajr ada ki hai, un ke Dil un ko jagaya karte the Jin mein Allah Tala ki Ita’at ka Jazba Mojizan hua karta tha.

✦ Jab Dil murdah hogaye to Namazi bhi sogaye, phir Na Alarm wali Ghadiyan kis kaam Aayen aur na hi Kano ko Phaadti Aawazon wale Loud Speaker.

◈➲ Jaag ja Momin is se pehle ke Mout tujhe sula de, Padhle Namaz is se pehle ke Teri Namaz padha de ◈➲

✦ REVIVE A SUNNAH ⇨ "WHEN SOMEONE DOES GOOD FOR YOU, THEN ASK ALLAH TO REWARD THEM" ✦

Usamah bin Zaid RadiyAllahu Anhu reported: The Messenger of Allah (Sallallahu Alaihi Wasallam) said: "Whoever some good was done to him, and he says:

جَزَاكَ اللَّهُ خَيْرًا

“Jazak’Allahu Khairan” 'May Allah reward you in goodness' then he has done the most that he can of praise."

[Jami at-Tirmidhi :: Vol. 4 :: Book 1 :: Hadith 2035]

Urdu Translation: Hazrat Usamah bin Zaid RadiyAllahu Anhu se riwayat hain ke RasoolAllah Sallallahu Alaihi Wasallam ne Irshad Farmaya: Jis shaks par Ehsan kiya gaya aur us ne Ehsan karne wale ko

جَزَاكَ اللَّهُ خَيْرًا

“Jazak’Allahu Khairan” (Allah Tala tum ko is ka behtar badla ata Farmayen) kaha to us ne (is dua ke zariye) puri Tareef ki aur shukriya ada kardiya.

[Urdu Ref :: Jami at-Tirmidhi :: Vol.1 :: Hadith 2101]

✦ REVIVE A SUNNAH ⇨ "HONOUR YOUR GUESTS" ✦

Narrated Abu Huraira RadiyAllahu Anhu: The Prophet (Sallallahu Alaihi Wasallam) said, "Whoever believes in Allah and the Last Day, should serve his guest generously.”

[Sahih Bukhari :: Vol. 8 :: Book 73 :: Hadith 160]

Urdu Translation: Hazrat Abu Huraira RadiyAllahu Anhu se Riwayat hai ke RasoolAllah Sallallahu Alaihi Wasallam ne Farmaya: "Jo shaks Allah par aur Aakhirat ke din par Iman rakhta ho use Apne Mehman ki Izzat karni chahiye."

[Urdu Ref :: Sahih Bukhari :: Vol.7 :: Hadith 6138]

●◗► Jab aap bacche ko chalna sikha rahe hote hain to use aik Jage khada kar dete hain aur aap thode se faasle par khud jakar baith jate hain.

✦ Baccha us waqt bahot dar raha hota hai, khud ko tanha mahsus kar raha hota hai, pareshani Mahsus kar raha hota hai, wo Jald az Jald aap tak pahochne ki koshish karta hai aur aap ki god tak pahochte hi aap ki bahon mein sama jata hai, Aur aap ko bhi ye baat Maloom hoti hai ke Agar bacche ko is marhale se na Guzara jaye to baccha kabhi chalna na sikh sake,

✦ Kabhi aisa bhi hota hai ke Baccha raaste mein Dagmaga jata hai aur girne ke qareeb hojata hai lekin Aap ki mustaqil tawajje ki wajah se wo gir nahi pata balke fouran aap use Sambhal lete hain aur dubara khada karlete hain.

► Bilkul isi tarah Jab Allah kisi bande ko apna Dost banana chah rahe hote hain to use pareshani mein mubtela kardete hain, wo pareshan hokar apne Mabood Haqiqi ki taraf lout ta hai, jo ke Mustaqil us ki taraf mutawajje hota hai, Raaste mein kayi Mawaqe aise bhi aate hain Jab Bandah apne aap ko tanha mahsus kar raha hota hai lekin dar haqiqat wo tanha nahi hota balke Allah ki tarbiyat mein hota hai.

✿ To bhool jayye is baat ko ke Aap Allah ki taraf badhne ki koshish mein girne lagen aur Allah aap ko na sambhale, Kyun ke Hadees ke mutabiq Jab Insan Allah ki taraf Mutawajje hota hai aur us ki taraf Qadam badhata hai to Allah us ki taraf Dogna Mutawajje hote hain.[Sahih Muslim :: Vol.6 :: Hadith 6830]

✦.............x Allah Tala ko Na Pasand Log x.............✦

❶ Fasad phailane wale. (Qur’an 5:64)
❷ Zulm karne wale. (Qur’an 3:140)
❸ Had se tajawuz karne wale. (Qur’an 2:190)
❹ Takabbur karne wale aur Shaikhi khor. (Qur’an 4:36)
❺ Israaf karne wale. (Qur’an 7:31)
❻ Khayant karne wale. (Qur’an 4:107)
❼ Bad Ahdi karne wale. (Qur’an 8:58)
❽ Ghamand karne wale. (Qur’an 16:23)
❾ Na shukri aur Gunah karne wale. (Qur’an 2:276)
➓ Itrane wale. (Qur’an 28:76)

◈➲ Israaf – Fuzool kharchi.
◈➲ Bad Ahdi – Dagabazi, Wada khilafi.

●◗► English Far Far Bolta hai Aap ka Baccha Mua’shera Moqam dega, Magar wo Ilm kyu na diya Jo Hamesha Jannat Mein Qayam Dega.

♥ Apni Aoulad ko Deeni Taleem laazmi do kyun ke Agar Aap ki Aoulad Deendar Hogi to Deen Naslon tak Chalta rahega ♥ InshaAllah ♥

✿ Baccho ki acchi aur Deeni tarbiyat Waldain ki Ahem zimmedari hai, Jis Ghar mein Deen ki Taleem Aur Naik Waldain ho wo Ghar Tahzeeb aur Insaniyat ki University Hai.

✦........♥ Qahet Khushk Saali aur Aafat se Najat ke Asbab ♥........✦

❶ Basti ya shaher mein Iman aur Taqwe ki Fiza Qayem karna. (Qur’an 7:96)
❷ Gunaho se Bachna aur Naik Aa’mal karna. (Qur’an 30:41)
❸ Kasrat se Astaghfar karna. (Qur’an 71:12)
❹ Allah Subhanah Wa’tala ki di hui Nematon ka Sadqe dil se Shukr baja lana. (Qur’an 16:112)
❺ Aik dusre par rahem khana.(Sunan Abu Dawood :: 4943)
❻ Rishte daron ke sath Husn Sulook (sila rahmi) karna. (Sahih Bukhari :: 2067)
❼ Naap tol mein Insaaf se kaam lena. (Sunan Ibn Majah :: 4019)
❽ Sahebe Haisiyat logon ka sahih tariqe se zakat ada karna. (Sunan Ibn Majah :: 4019)
❾ Ro Ro kar Duayen Maangna. (Musnad Ahmad :: 11149)
➓ Sadaqah dena. (Baihiqi :: 3351)

......................✿....... H A D E E S .......✿......................

Humaid bin 'Abd al-Rahman quoted his mother RadiyAllahu Anha as saying: The Prophet (Sallallahu Alaihi Wasallam) said: He who forged in order to put things right between two persons did not lie.

[Sunan Abu Dawood :: Book 42 :: Hadith 4902]

Urdu Translation: Hazrat Humaid bin 'Abd al-Rahman apni Walidah RadiyAllahu Anha se Riwayat karte hain ke Nabi Kareem Sallallahu Alaihi Wasallam ne Irshad Farmaya ke Jo Shaks (2) Do Afrad ke Darmiyan Sulah karane ke liye Az Khud koi baat karde to us ne Jhoot nahi bola (Yani use Jhoot bolne ka koi Gunah nahi hoga).

[Urdu Ref :: Sunan Abu Dawood :: Vol.3 :: Hadith 1488]

✦..........x Cigarette Noshi ke Marhale Waar Noqsanaat x..........✦

★...:: 15 ta 20 saal ki Umr Tak ::...★

◈ Shoqiya pi jati hai
◈ Bure doston aur Buri sohbat ka sabab banti hai
◈ Mua’shre mein buri Nigah se daikha jata hai.

★...:: 30 saal ki Umr Tak ::...★

◈ Pokhta Aadat aur Wabaale Jaan ban jati hai

★...:: 40 saal ki Umr Tak ::...★

◈ Insani ragon mein Khoon ki rawani Matassir karti hai
◈ Phaipdon ko kharab kar deti hai
◈ Saans phulne lagti hai
◈ Diabetes ke khatrat bdh jate hain
◈ Bhook ko khatam kar deti hai
◈ Daant pile hojate hain
◈ Sahet aur Jismani taqat par Manfi Asrat khul kar samne Aajate hain.

★...:: 50 Saal ki Umr Tak ::...★

◈ Damma aur saans ka Marz Mustaqil la’haq hojata hai
◈ Phaipdon ka Cancer aur Dil ke dore ke Khatre badh jate hain
◈ Jis mein Nicotine ki Wafar Meqdar Aa’sabi aur Dimagi bimariyon ka Sabab banti hai.

★.....:: Marne ke Baad ::.....★

◈ Aik bada sa sarmaya Fuzool cheez par Zaye karne ke Jurm mein pakad hogi.
◈ Sahet ki Nemat apne haton se barbaad karne ke Jurm mein Baaz purs hogi.

⇨ "And spend in the Cause of Allah (i.e. Jihad of all kinds, etc.) and do not throw yourselves into destruction (by not spending your wealth in the Cause of Allah), and do good. Truly, Allah loves Al-Muhsinun (the good-doers)". (Qur'an 2:195)

✦...........♥ Insani Dil kya hai..?? Qur’an ki Roshni Mein ♥...........✦

❶ Iman ka Maskan (Makaan) (Qur’an 5:41) Taqwa, Parhaizgari (Qur’an 49:3) Aur khofe khuda ka Markaz Quloob hain. (Qur’an 22:32)

❷ Nifaq ki Jaga (Qur’an 9:8) Shak aur Hichkichahat ka Moqam bhi Qalb hote hain. (Qur’an 9:45)

❸ Ruhani Amraz ki Jaden Quloob mein hi hoti hain. (Qur’an 2:10)

❹ Ye Quloob hain jo Narm pad jate hain (Qur'an 39:23) Sakht hokar patthar jaise hojate hain. (Qur’an 2:74)

❺ Qalb ka kaam Samajhna aur Istedlal karna hota hai (Qur’an 7:179) Quloob Andhe bhi hojate hain. (Qur’an 22:46)

❻ Ye Dil hi hain jo Itminan o Sukoon ka Moqam hote hain. (Qur’an 13:28)

❼ Aazmayeshon ke muqable ki Taqat bhi Qalb mein hoti hai (Qur’an 64:11)

❽ Narmi aur Rahem ke Jazbat (Qur’an 57:27) aur Bradrana Mohabbat bhi Qalb mein hoti hai. (8:63)

❾ Gaiz o Gussa ka sar chashma (Qur’an 9:15) Pachtawe aur Afsos ke Ehsasaat bhi Qalb mein hote hain. (Qur’an 3:156)

➓ Agar Dil durust aur Mahfooz (yani Qalb saleem) raha to Qayamat ke din kamyabi ki 100% Zamanat hai. (Qur’an 26:89)

✦..........♥ Mohabbat Ho to Aisi Ho..!! SubhanAllah ♥..........✦

✿ Hujjaj Bin Yusuf ke darbaar mein aik Aourat Aayi jis ka Khuawind, Beta aur Bhai Hujjaj ki Qaid mein the aur Hujjaj in sab ko Sazaye Mout dene ka Faisla kar chuka tha.

✿ Hujjaj ne us Aourat se kaha teeno mein se aik ko Bacha lo to wo Aourat Boli Mere Bhai ko Chhordo, Hujjaj bola tum ne apne Khuawind ko na bachaya aur na hi Bete ko is ki wajeh kya hai?

♥ To wo Aourat boli Nikah doosre ke sath hoga to Khuawind mil jayega, Beta phir Paida hojayega Magar Bhai ko na Bachaya to ♥ Bhai phir Nahi milega ♥

◈➲ Hujjaj Bin Yusuf ne ye suna to teeno ko Aazad kardiya Agar Allah Tala ne Aap ko ♥ Bahen ♥ jaisi Nemat de Rakhi hai to us ki Qadar kare ◈➲

......................✿....... H A D E E S .......✿......................

✦ Har Bimari ka Ilaj Moujood Hai, Allah Tala ne koi Aisi Bimari nahi utaari Jis ki dawa bhi Naazil na ki ho ✦

Narrated Abu Huraira RadiyAllahu Anhu: The Prophet (Sallallahu Alaihi Wasallam) said, "There is no disease that Allah has created, except that He also has created its treatment."

[Sahih Bukhari :: Vol. 7 :: Book 71 :: Hadith 582]

Urdu Translation: Hazrat Abu Huraira RadiyAllahu Anhu se riwayat hai ke Nabi kareem Sallallahu Alaihi Wasallam ne Farmaya Allah Tala ne koi Aisi Bimari nahi utaari Jis ki dawa bhi Naazil na ki ho.

[Urdu Ref :: Sahih Bukhari :: Vol. 7 :: Hadith 5678]

●◗► 50 logon ka aik Group aik Seminar Attend kar raha tha Mic par aik sahab khitab kar rahe the, Achank khitab karne wale sahab ruk gaye aur Unhone soncha kuch Group Activity (khail tamasha) shuru kiya jaye, Unhone kuch Gubare (Balloons) mangwaye aur 50 logon ko gubare de diye, unhe kaha ke in Gubaron ko phulao aur Marker se Apna naam likho, sab ne aisa hi kiya Gubare phula kar Marker se un par apna apna Naam likh diya gaya, Speaker sahab ne sab se gubare jama kiye aur aik kamre mein rakh diye, Ab kamre mein 50 Gubare the,

✦ Speaker sahab ne 50 logo ko kehdiya ke kamre mein ghus jao aur apne apne Naam ka gubara dhoondo, Ab kamre mein Hujoom sa lag gaya har koi apne Gubare ki Talash mein tha lekin kisi ko Kamyabi nahi ho rahi thi, Log aik dusre mein takrate phir rahe the,

✦ Speaker sahab ki Aawaz kamre mein Gunji: Apne naam ke gubare nahi mil rahe.? Yun karo Aap ke hath jo bhi Gubara lagta hai us par likha naam pukaro jis ka Gubarah hai use pohchado, aisa hi kiya gaya aur 5min mein sab ko apne apne Naam ka gubara mil gaya.

◈➲ Ab Speaker Sahab ne Kaha: ♥ “Doston yahi hamari zindagi ka haal hai ham khushiyon ki talash mein darbadar phirte hain lekin khushiyan nahi milti Ham ye kyun nahi samajhte ke hamari khushiya dusron ki khushiyon mein shamil hai Jaise hi dusre ko khushiya denge hame hamare hisse ki khushiya mil Jayengi.” ♥ ◈➲

✦............♥ Aaise Raha karo ke karen Log Aarzu ♥............✦
✦.........♥ Aaisa chalan chalo ke Zamana Misaal De ♥.........✦

●◗► Apne Akhlaq o Aa'mal ki khoobsurti ko Duniya ke samne layye ta ke wo Jaan saken ke aap kitne shandar Deen ke Numayende hain, Apne kirdar ko itna Buland karo ke log Rashk se kahe ke Ummati aise hain to NABI kaise honge (Sallallahu Alaihi Wasallam).

Narrated Anas RadiyAllahu Anhu: The Prophet (Sallallahu Alaihi Wasallam) said "None of you will have faith till he loves me more than his father, his children and all mankind."

[Sahih Bukhari :: Vol. 1 :: Book 2 :: Hadith 15]

Urdu Translation: Hazart Anas RadiyAllahu Anhu se riwayat hai ke RasoolAllah Sallallahu Alaihi Wasallam ne Farmaya tum mein se koi shaksh Imaan wala nahi hoga Jab tak us ke walid aur uski Aoulad aur Tamam logo se zyada us ke Dil mein meri Mohabbat na ho jaye.

[Urdu Ref :: Sahih Bukhari :: Vol.1 :: Hadith 15]

••► Rashk - Ye Aarzu ke jo Cheez dusre ko Hasil hai wo Mujhe bhi Miljaye.

✦.......x Kuch chizon ki Shikayat Kabhi Na karo x.......✦

► Apni qismat ki.
► Aoulad ke samne apne badon ki.
► Apna zati makan hote huwe makan ki tangi ki.
► Bhool kar bhi apne Maa Baap aur ustad ki.
► Gair ke samne apne dost ki.
► Biwi ke samne un ke ghar walon ki.
► Rokhsat karne ke baad apne mehman ki.

......................✿....... H A D E E S .......✿......................

Abu Sa'eed Al-Khudri RadiyAllahu Anhu narrated that : The Messenger of Allah Sallallahu Alaihi Wasallam said: "Whoever has three daughters, or three sisters, or two daughters, or two sisters and he keeps good company with them and fears Allah regarding them, then Paradise is for him.

[Jami At-Tirmidhi :: Vol. 4 :: Book 1 :: Hadith 1916]

Urdu Translation: Hazrat Abu Sa’eed Al-Khudri RadiyAllahu Anhu se Riwayat hain ke RasoolAllah Sallallahu Alaihi Wasallam ne Irshad Farmaya: Jis shaks ki Teen betiyan ya Teen bahnen hon ya Do betiyan ya Do bahnen hon aur wo un ke sath Accha Salook kare aur un ke Huqooq ke bare mein Allah Tala se Darta rahe to us ke liye Jannat hai.

[Urdu Ref :: Jami At-Tirmidhi :: Vol.1 :: Hadith 1975]

✦.................♥ Roz Marrah Mamulaat ♥.................✦

✿ Roz Marrah Mamulaat Mein ye Ahem Chizen Zaroor Shamil Karen ✿

√  Paanch waqt Namaz
√  Tilawate Quran Majid
√  Durood Sharif
√  Subah o Sham ki Masnun Duayen aur Azkar
√  Sadaqah (Agarche 1 Rupiya hi ho)
√  Afu o Darguzar
√  Aadha ghanta chahel Qadmi
√  Job aur Gharelu kamon ki umdah tariqe se Adayegi
√  Gibat, Jhoot aur Ladayi Jhagde se Guraiz
√  Tamam Musalmano ke liye Dua.

••••► Karenge na Sab InshaAllah :) JazakAllahu Khair.

==> Feel Free To Tag/Share - Surely,الله Will Give The Reward For Spreading Righteousness.

Share this as Sadqa-E-Jariya (everlasting charity). if someone acts on any of this information, you will be benefited too INSHAALLAH.

✦ REVIVE A SUNNAH ⇨ "Eating Together" ✦

Narrated Wahshi ibn Harb RadiyAllahu Anhu: The Companions of the Prophet (Sallallahu Alaihi Wasallam) said: ‘O Messenger of Allah (Sallallahu Alaihi Wasallam) we eat but we are not satisfied. ► He said: Perhaps you eat separately. They replied: Yes. ► He (Sallallahu Aliahi Wasallm) said: If you gather together at your food and mention Allah's name, you will be blessed in it.

[Sunan Abu Dawood :: Book 27 :: Hadith 3755]

Urdu Translation: Hazrat Wahshi bin Harb RadiyAllahu Anhu riwayat karte hain ke Aik Martaba Huzoor Sallallahu Alaihi Waallam ke Sahaba ne Farmaya ke: Ya RasoolAllah Sallallahu Alaihi Wasallam ham khana to khate hain lekin Sair nahi hote. ► Aap ne Farmaya ke Shayad tum Alag Alag khate ho, Unhone kaha Ji Han. ► Aap Sallallahu Alaihi Wasallam ne Farmaya ke Apne khane par Jama hojaya karo aur khane ke waqt Allah ka Naam liya karo Allah Tala tumhare khane mein Barkat daaldega.

[Urdu Ref :: Sunan Abu Dawood :: Vol.3 :: Hadith 364]

✦.....:( Aisi Na’shukri ke Rab ke Huzoor sir jhukane ki Fursat Nahi Tujhe :(.....✦

✿ Aik Noujawan Jab aik Hospital mein apne Dost ki Timaardari ke liye gaya to usi Hospital mein hi lambe Arse se chalne phirne se Mazoor, sirf sir ko hila sakne ki Quwwat rakhne wale Maflooj apne Mohalle ke us Buzurg ke Bistar par bhi gaya ta ke un ki Timardari kar sake, Haal Ahwal aur khair khairyat puchne ke baad us ne Buzurg se pucha Baba ji: is Mazuri aur Apahiji mein yaqinan aap ke dil mein koi Khuahesh to zaroor hogi.

► Noujawan ka khayal tha baba kahenge ke beta meri khuahesh hai main Tandurust hojao, Chalu phiru, Bhagu doudu aur Dunya dekhu.

► Magar buzurg ne kaha, Beta meri Umr 50 saal se zayda hai, Mere 5 Bacche hain, main sath saal se is charpayi ka hua pada hun, mujhe na hi chalne ki khuahesh hai aur na hi apne Baccho se milne ki koi hasrat aur na hi Main logon ki tarah roz marrah ki Aam zindagi guzaarna chahta hun, Noujawan ne Hairat se buzurg ki taraf daikha aur pucha, to phir Aap kya chahte hain?

♥ Buzurg ne kaha: Bus main is maathe ko zameen par tikana chahta hun, Meri itni si khuahesh hai ke us Rab ko waise hi sajdah karu jaise dusre log karte hain ♥

●◗► Nematon mein ghire, Khushiyo mein Magan, Bimariyon Zakhmo aur Dawayyon se Mahfooz phir bhi Aisi Na’shukri ke Rab ke Huzoor sir jhukane ki Fursat na ho, Ham Itne Zalim to nahi. Allah paak hamari Kothayyon ko Muaaf Farmaden aur Neki ki Toufeeq aur Sidhe raaste par Chalne ki hidayat de Aameen.