●◗► Insani Mua’ashre mein Mohabbat o Mawaddat, Ijtimaiyat aur ham Aahangi ki targeeb Jitni Deen-e-Islam aur Paighambare Islam ﷺ ne di hai Dunya ke kisi aur Deen ne nahi di ✿ Nabi Akram ﷺ ne Irshad Farmaya: "Jab tum Mein se koi Apne Bhai se Mohabbat kare to use Chahiye ke wo Apne bhai ko batade (Yani Mohabbat ke Talluq ka izhar kare).” " (Jami` at-Tirmidhi: 2392)
The Messenger of Allah ﷺ said: "When one of you loves his brother,then let him inform him of it." (Jami` at-Tirmidhi :: 2392)
●◗► Izhare Mohabbat se Islam mana Nahin karta Albatta Na’Mahram Mard o Aurat ke darmiyan Na jayez Mohabbat, Ikhtelat aur Be hayayi ko Haram qarar deta hai, Insan ko Chahiye ke wo Biwi Bacchon, Waldain aur Bahen Bhaiyyon se Toot kar Mohabbat kare aur is ka Munasib Andaz mein izhar bhi kare, Izhare Mohabbat ka khaas Tariqah ya Tareekh tai karna Jaise 14 February ko Valentines day manana bhi Yahood o Nasara ki Naqqali aur Mushabahat ki wajah se Mamnoo hai.
Anas RadiyAllahu narrated: "The Prophet (ﷺ) would get cupped in his jugular veins and his upper back. And he would get cupped on the seventeenth (of the month), (or) the nineteenth, and (or) the twenty first."
[Jami` at-Tirmidhi :: Vol. 4 :: Book 2 :: Hadith 2051]
Urdu Translation: Sayyidna Anas RadiyAllahu Anhu Farmate hain ke RasoolAllah ﷺ (Chand ki) 17, 19 aur 21 Tareeq ko Gardan ki Ragon aur Kandhon ke Darmiyan Sengi (Hijamah) lagwaya karte the.
[Urdu Ref :: Jami` at-Tirmidhi :: Vol. 1 :: Hadith 2122, 2051]
●═════════════════◄►════════════════●
► Hijamah Ke Hairat Angez Tibbi Fawayed: ◄
Jism ke 70% Bimariyan khoon ki kami, Khoon ki Rukawat ya Khoon mein Fasid mawad ki Waja se hoti hain, is liye Hijamah se Darj zail Fawayed hasil hote hain:
● Jism ki Ahem aur badi Sharyanon (Arteries) ki Safayi aur overhauling ho jati hai.
● Jism se Zahrile aur Fasid maddon ka Akhraj hota hai.
● Dimag, Aasab, Yaad dasht, aur Hasi Aa’za (Eye, Ear, Nose, Skin, Tongue, Taste) ko Toqiyat Pahochti hai.
● Quwwat Mudafi’at (Immune System) badhti hai jis se Bimariyon se ladne ki Taqat mein Izafa hota hai.
● Nafsiyati Amraz (Psychological Disease) jaise Dimagi Tanao, Zahni dabao, Ghabrahat aur Bechaini door karne ka Sabab hai.
► Apne Naam Nihad Mahboob ke Naam ◄
“Han ye sach hai ke mujhe tum se Mohabbat hai, Ye bhi sach hai k main Tumhari chahat hun, Par meri zindagi mein Chahaton ki kami to Nahin, Rishte aur bhi hain aik Sirf tumhin to nahi, Apni Zaat ke us pehlu se Milwaon tumhein? Main kya hun, Kaisi hun, Batlaou Tumhein...???
♥ Apni Maa ki Tarbiyat hun Main, Izzat hun apne Walid ki, Maan hun apne bhai ka, Nishan hun apni Bahnon ki parchai ka, To bahek Jaou ye kabhi Mumkin hi nahi, Ke Dil wo sab bhi to Rakhte hain, Aik tumhi to Nahi.
"The Prophet (ﷺ) prohibited plucking gray hair. And he said: "It is the Muslim's light.'"
[Jami` at-Tirmidhi :: Vol. 5 :: Book 41 :: Hadith 2821]
Urdu Translation: “RasoolAllah ﷺ ne Sufed baal Ukhedne se Mana Farmaya aur Irshad Farmaya ke Sufed Baal Momin ka Noor hai.”
[Urdu Ref :: Jami` at-Tirmidhi :: Vol. 2 :: Hadith 725, 2821]
✦........► (Abortion) Bahot Bada Gunah ◄........✦
⇨ Irshade Khudawandi Hai: “Aur apni Aulad ko Muflisi ke Khof se Qatl na karo ham Unhen bhi Rizq denge aur Tumhen bhi, Yaqeen jano ke Un ko Qatl karna Badi bhari Galti hai.” (Qur’an, Surah Bani-Israel: 31)
⇨ "And kill not your children for fear of poverty. We provide for them and for you. Surely, the killing of them is a great sin." (Qur’an, Surah Bani-Israel: 31)
Aik Martaba aik Maidaan mein Barish ke liye Dua ki Jaani thi Sab log us Maidan me Jama hone lage Aik “Baccha” Maidan me Chatri le kar dakhil huwa, Sab use dekh kar Hairan hue aik Shaksh ne pucha “Beta!! Ye Chatri kyun Laye ho?”
⇨ Bacche ne Ma’sumiyat se Jawab diya “Jis Khuda se Mangne Aaye ho, Kya us par Itna bhi Yaqeen Nahi?.”
●◗► Chust Libas Pahenne ke Tibbi, Mua’ashrati aur Mazhabi, Har tarah ke Nuqsanat hain, Aik bada Nuqsan ye bhi hai ke Jab chust Pant aur T-shirt pahen kar Namaz ada ki jati hai to Basa Auqat Ruku aur Sajdah ki Adayegi ke waqt Kamar ki Janib se Pant niche ki Janib sarak Jati hai aur Satar zahir ho jati hai, Namaz ke Dauran Satar zahir ho jane ki Surat mein na Sirf apni Namaz kharab hoti hai Balke digar Namaziyon ko bhi Shadeed koft aur Zahni Azyat ka Samna karna Padta hai.
► Is liye Hamesha Aisa Dheela Dhala aur Muhazzab Libas Pehnen Jise pahen kar Jism ke Nasheb o Faraz Ayan (zahir) na hon.
Allah's Messenger (ﷺ) said, "When the Jews greet anyone of you they say: 'Sam'Alaika (death be upon you); so you should say; 'Wa 'Alaika (and upon you).'"
[Sahih al-Bukhari :: Vol. 9 :: Book 84 :: Hadith 62, 6928]
Urdu Translation: Nabi Akram ﷺ ne Farmaya: “Yahudi log Jab tum mein se kisi ko Salam karte hain to (Dhoka dete hue Assalam Alaik ke bajaye) Sam Alaika (Tum par halakat ho) kehte hain, Lehaza tum Jawab mein ‘Alaika’ (tum par bhi) kaha karo.”
[Urdu Ref :: Sahih Bukhari :: Vol. 8 :: Hadith 6928]
●◗► Musalman ka Haq hai ke use Pure Waqar aur Saliqe ke sath Assalam Alaikum kaha jaye, Aaj bahot se Sacche Musalman bhi be khayali, La ilmi aur Jald bazi Mein Assalam Alaikum ke bajaye “Sam ‘Alaikum” keh jate hain jo Durust Nahin.
'Anas RadiyAllahu Anhu narrated: "The Messenger of Allah (ﷺ) would often say: Ya Muqallibal-qulub, thabbit qalbi 'ala dinik ('O Changer of the Hearts! Strengthen my heart upon Your Religion.)'
So I said: 'O Prophet of Allah! We believe in you and what you have come with, but do you fear for us?' He ﷺ said: 'Yes. Indeed the hearts are between two Fingers of Allah's Fingers, He changes them as He wills.'"
[Jami at-Tirmidhi :: Vol. 4 :: Book 6 :: Hadith 2140]
Urdu Translation: Hazrat Anas RadiyAllahu Anhu Farmate hain ke RasoolAllah ﷺ Ba kasrat ye Dua manga karte the: (Ya Muqallibal-qulub, thabbit qalbi 'ala dinik) “Aye Dilon ko Pherne wale! Mere dil ko Apne Deen par Qayem rakh.”
(Hazrat Anas RadiyAllahu Anhu Farmate hain) Main ne Arz kiya: Ya RasoolAllah! Ham aap par aur Aap ki layi hui Hidayat par Iman le aaye, kya Ab bhi aap ko Hamare bhatakne ka Andesha hai ? Aap ﷺ ne Irshad Farmaya: “Dil, Rahman ki do Ungliyon ke Darmiyan hai, Wo Jaise chahta hai use Pherta rahta hai.”
[Urdu Ref :: Jami at-Tirmidhi :: Vol. 2 :: Hadith 10, 2140]
" يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ "
No comments:
Post a Comment