✦ REVIVE A SUNNAH ⇨ "HELP YOUR FAMILY WITH HOUSEWORK" ✦

♥ Truly... Our Prophet Sallallahu Alaihi Wasallam was the best of mankind ever lived and Really the best example of mankind to be followed !!! ♥

Narrated Al-Aswad RadiyAllahu Anhu: That he asked 'Aisha RadiyAllahu Anha "What did the Prophet Sallallau Alaihi Wasallam use to do in his house?" She replied, "He used to keep himself busy serving his family and when it was the time for prayer he would go for it."

[Sahih Bukhari :: Volume 1 :: Book 11 :: Number 644]

Urdu Translation: Hazrat Al-Aswad RadiyAllahu Anhu ne kaha ke Maine Hazrat Aisha RadiyAllahu Anha se pucha ke Rasool Kareem Sallallahu Alaihi Wasallam Apne ghar mein kya kya karte the Aap ne Batlaya ke Huzoor Sallallahu Alaihi Wasallam Apne Ghar ke kaam kaaj Yani apne Ghar waaliyon ki khidmat kiya karte the, Aur Jab Namaz ka waqt hota to Foran (kaam kaaj chhod kar) Namaz k liye chale jate the.

[Urdu Ref :: Sahih Bukhari :: Vol.1 :: Hadith 676]

✦........♥ Insan ki Marhalah waar Takhleeq aur Medical Science ♥........✦

Hazrat Abdullah bin Mas’ud RadiyAllahu Anhu se Riwayat hai ke RasoolAllah Sallallahu Alaihi Wasallam ne Irshad Farmaya: "Tum mein se har Aik apni Maa ke pait mein 40 din tak Nutfah ki shakal mein rehta hai, phir utne hi roz tak Munjamid khoon ki shakal mein, phir utne hi roz tak lothde ki shakal mein rehta hai.

Is ke Baad Allah Subhanahu Wa Ta'ala Aik Farishta bhaijta hai aur use Chaar baton (ke likhne) ka hukum diya jata hai aur use kaha jata hai:

► Us ke Aml likh do (ye kya kya karega)
► Us ka Rizq likh do (Maldar hoga ya Ghareeb)
► Us ki umr likh do (use kab mout Aayegi)
► Aur ye bhi likhdo ke ye Naik bakht hoga ya bad bakht (Jannati hoga ya Jahannami) us ke baad us mein Rooh phoonk di jati hai."

[Urdu Ref :: Sahih Bukhari :: Vol.4 :: Hadith 3208]

●◗►  Insani takhleeq ke darj baala Marahil RasoolAllah Sallallahu Alaihi Wasallam ne 1400 saal hi Qabl bayan farmadiye the Jab ke Aaj ki Medical Science Jadeed Technology ki badolat in Marahil ke Aaiteraf par Majboor hai.

●═════════════════◄►═════════════════●

Narrated `Abdullah bin Mus'ud RadiyAllahu Anhu: Allah's Messenger (Sallallahu Alaihi Wasallam), the true and truly inspired said, "(The matter of the Creation of) a human being is put together in the womb of the mother in forty days, and then he becomes a clot of thick blood for a similar period, and then a piece of flesh for a similar period.

Then Allah sends an angel who is ordered to write four things. He is ordered to write down:

► His (i.e. the new creature's) deeds,
► His livelihood,
► His (date of) death,
► And whether he will be blessed or wretched (in religion). Then the soul is breathed into him.

[Sahih Bukhari :: Vol. 4 :: Book 54 :: Hadith 430]

●◗► Ghar, Office, ya Gadi Waghera mein Na’mahram ke sath Tanhayi mein na Baithe na mile In mein wo Tamam chizen Aajati hai Chahe College mein ho ya kisi Function mein ya Facebook par Chat bhi karna ho to is Hadees ko Bagour padhe aur Zahe Nasheen karle ye Aik Galati Aap ke Aakhirat ki Tabahi ka Zariya ban sakti hai.

Narrated Ibn 'Umar RadiyAllahu Anhu: The Prophet Sallallahu Alaihi Wasallam said, "Behold! A man is not alone with a woman but the third of them is Ash-Shaitan."

[Jami at-Tirmidhi :: Vol. 4 :: Book 7 :: Hadith 2165]

Urdu Translation: Hazrat Umar RadiyAllahu Anhu se Riwayat hai ke RasoolAllah Sallallahu Alaihi Wasallam ne Irshad Farmaya: Khabardar! Koi bhi Mard kisi Na’mahram Aourat ke sath har giz tanhayi mein na baithe is liye ke un donon ke sath Teesra shaitan hota hai.

[Urdu Ref :: Jami at-Tirmidhi :: Vol.2 :: Hadith 37]

✦......................♥ Dilchasp Qurani Malumat ♥......................✦

► Quran kareem mein 4 Masjidon ka Zikr hain: Masjid al-Haram, Masjid al- Aqsa, Masjide Quba, Masjide ziraar.

► Quran kareem mein 7 shahron ke Naam hain: Makka, Madina, Misr, Madyan, Hunain, Babul, Ayeka.

► Quran kareem mein 4 pahadon ke Naam hain: Toor, Jodi, Safa, Marwah.

► Quran kareem mein 4 dhaton ke Naam hain: Sona, Chaandi, Taanba, Loha

► Quran kareem mein 3 sabziyon ke Naam hain: Pyaaz, Lehsan, Kankdi.

► Quran kareem mein 3 darakhton ke Naam hain: Khajoor, Zaitoon, Beri.

► Quran kareem mein 6 phalon ke Naam hain: Anjeer, Zaitoon, Anaar, Kela, Tarkhajoor, Angoor.

► Quran kareem mein 4 parindon ke Naam hain: Hud hud, Kawwa, Teetar, Taddi.

► Quran kareem mein 10 Hashratul Arz ke Naam hain: Chyunti, Makkhi, Macchar, Makdi, Shahed ki Makkhi, Parwana, Jooon, Maindak, Saanp, Azdah.

► Quran kareem mein 13 Janwaron ke Naam hain: Hathi, Oont, Gaye, Dunba, Bakri, Bhaidya, Ghoda, Gdha, Khacchar, Bandar, Khinzeer, Kutta, Machli.

●◗► "Jin logon ne kaha: Hamara Rab Allah hai aur phir wo us par Sabit Qadam rahe Yaqinan un par farishte (ye kehte hue) utrenge ke na koi khof Dil mein lao aur na kisi baat ka Gham khao, aur khush hojao us Jannat ki Basharat se Jis ka tum se Wada kiya gaya hai. Ham dunya ki zindag mein bhi tumhare sathi the aur Aakhirat mein bhi Tumhare rahenge, wahan Jo kuch tum chahoge tumhen milega aur har wo cheez tumhari hogi jis ki tum Tamanna karoge. Ye sab kuch us zaat ki taraf se pehli pehli Meizbani hai jis ki bakhshish bhi bahot hai, Jis ki rehmat bhi kamil." (Qur’an 41:30,31,32)

✦..............♥ Sabit Qadam Rakhne Wale 7 Aa’mal ♥..............✦

❶ Gour o Tadabbur ke sath Quran Majeed ki Tilawat. (Qur’an 25:32)
❷ Sabeqa Anmbiya aur RasoolAllah Sallallahu Alaihi Wasallam ki Sirat Tayyaba ka Mutal’aa karna. (Qur’an 11:120)
❸ Quran o Hadees ki Nasihaton par Aml karna. (Qur’an 4:66)
❹ Allah Tala ke Deen ki khidmat karna. (Qur’an 47:7)
❺ Touheed aur Aamal saliha par Qayem rehna. (Qur’an 14:27)
❻ Kasrat se Allah ka Zikr karna. (Qur’an 8:45)
❼ Sabr aur Namaz ke zariye Allah se Madad hasil karna. (Qur’an 2:153)

●◗► "Ab batao ke tum Apne Parwardigar ki kon konsi Naimaton ko Jhutlaoge?." (Qur’an 55:13)

●◗► Aap ka Camera zyada se zyadah 15 Megapixels hoga Jab ke Aap ki Aankh 576 Megapixels hai, Ya Allah main Teri har di hui Naimat se Razi hun ♥ Alhamdulillah ♥

✦..................♥ Khush Rehna Sikhen ♥..................✦

●◗► Sabr, Shukr aur Qina’at aik Aainak hai, Agar Aap ye Aainak lagalen to Dunya badi Khoobsurat Nazar Aayegi aur Aap hamesha khush o Khurram Rahenge, Accha ya Bura waqt guzar jata hai, Hosle ke sath sabr o shukr karte hue waqt Guzaren.

◈ Qina’at - Thodi cheez par khush rehna, Jo mil jaye us par Razi rehna.

✦ Nabi Kareem Sallallahu Alaihi Wasallam ♥ ki Nazar mein “Maa” “Baap” ka Moqam ✦

RasoolAllah Sallallahu Alaihi Wasallam ne Irshad Farmaya: "Apni Maa ki khidmat ko lazim pakdo, kyun ke Maa ke Qadmon tale Jannat hai."

[Urdu Ref :: Sunan an-Nasai :: Vol.2 :: Hadith 1016]

RasoolAllah Sallallahu Alaihi Wasallam ne Irshad Farmaya: "Baap Jannat ke (darwazo mein se behtareen) darmiyani Darwazah hai, Ab tumhen Ekhtiyar hai Khuwah (Na’farmani aur Dil dukha kar) us darwaze ko Zaye kardo ya (Farmanbardari aur khidmat kar ke) us Darwazeh ki hifazat karo."

[Urdu Ref :: Sunan Ibn Majah :: Vol.3 :: Hadith 544]

●═════════════════◄►═════════════════●

It was narrated from Mu'awiyah bin Jahimah As-Sulami, that Jahimah came to the Prophet (Sallallahu Alaihi Wasallam) and said: "O Messenger of Allah! I want to go out and fight (in Jihad) and I have come to ask your advice." He (Sallallahu Alaihi Wasallam) said: "Do you have a mother?" He said: "Yes." He (Sallallahu Alaihi Wasallam) said: "Then stay with her, for Paradise is beneath her feet."

[Sunan an-Nasai :: Vol 1 :: Book 25 :: Hadith 3106]

Abu Darda RadiyAllahu Anhu heard the Prophet (Sallallahu Alaihi Wasallam) say that: "The father is the middle door of Paradise (i.e. the best way to Paradise), so it is up to you whether you take advantage of it or not."

[Sunan Ibn Majah :: Vol. 5 :: Book 33 :: Hadith 3663]

✦..................♥ Itminan-e-Qalb ke 10 Asbab ♥..................✦

❶ Allah ki Wahdaniyat par pokhta yaqeen Rakhna.
❷ Acchi ya Buri Taqdeer par Razi rehna.
❸ RasoolAllah Sallallahu Alaihi Wasallam ki Shifa’at ki Ummid Rakhna.
❹ Farayez aur Wajibat ki pabandi karna.
❺ Duao ki kasrat karna.
❻ Har qism ke gunah bil khusoos Zulm se bachna.
❼ Mushtaba (Jis mein Shak ho) chizon se door rehna.
❽ Tilawate Quran Masnoon Duaon aur Zikr o Azkar ka Ehtemam karna.
❾ Makhlooqe Khuda ki Khidmat karna.
➓ Naik logon ki sohbat mein baithna.

✦..................x Safar Aur Haadesat x..................✦

●◗► Safar Mein Insan Hadesat se do char ho sakta hai Lehaza Dourane safar Allah Tala se khair o Aafiyat ki Duayen mangen, Mousiqi aur Lahu o La’ab se bachen.

 :( Kahi Aisa na ho ke Aap Gunah mein Mashgool hon aur Mout Aap ko Aa pakde :(

✦...................♥ Sacchi Tobah ka Amli Tariqa ♥...................✦

❶ Gunah par Nadamat ho, sacche Dil se toba karen aur Aainda na karne ka pakka Iradah karen.
❷ Gunah ke sath sath Gunah ke Asbab aur Gunah ke raste bhi Chhorden.
❸ Gunah ka khayal bhi Dil mein na layen.
❹ Bure logon ko Chord kar Naik logon ki sohbat Ekhtiyar karen.
❺ Agar kisi ki Haq talfi ki ho to zubani toba kafi nahi balke Haq daar ya us ke wursa ko Haq ada karen.
❻ Agar kisi ko Takleef pohchayi ho to Toba o Astaghfar ke sath sath us bande se bhi Muaafi mangen.
❼ Agar Farz Roze reh gaye hon to zubani toba kafi nahi balke Rozon ka hisab laga kar Qaza roze rakhna shuru karden.
❽ Agar Farz Namaze rehgayi ho to zubani Toba kafi nahi balke Namaze shumar kar ke Qaza padhna shuru karden.
❾ Haj Farz ho jane ke baad Ada nahi kiya to Zubani toba kafi nahi balke Haj ada karne ki koshish karen.
➓ Zakat aur Maali Ibadaat mein kotahi hogayi ho to zubani toba kafi nahi balke Guzashta salon ki zakat ka hisab laga kar Adayegi karen.

✦...........♥ Main Bint-e-Hawwa Hun, Hath ka Khilona Nahi ♥...........✦

●◗► Har ladki Aasan nahi hoti Mister, Main ghar se Taleem hasil karne Aati hun, Pyaar Mohabbat ke khail khailne nahi!

Ladki ka ye sard lehja kisi taiz churi ki tarah ladke ke Jism mein utar gaya, Muslimah ladki ke is Aik Jumle ne us ki rooh tak ko jhinjod kar rakhdiya, wo Ladki jo College ke ladko se dari dari aur sehmi si rahti thi Aaj Gusse mein kisi Shairni ki Manind lag rahi thi.

◈➲ Aik gairat mand ladki ki Haisiyat se mujhe Gair mard ki Mohabbat nahi balke sirf Izzat aur Ehteram chahiye wahi Ehteram jo Aap dusron se apni bahen ke liye chahte hain ◈➲  Aaj ke baad mera raasta rokne se pehle Ghar mein Moujood apni Bahen ka zaroor soch lena ke Agar koi Aawarah us ke sath aisa kare to aap ka Radde Aml kya hoga.

► Itna keh kar ladki ne apni Nazren jhukaye Aage badh gayi aur wo Ladka jaise Zameen mein Gir gaya ho.

......................✿....... H A D E E S .......✿......................

✦ Tamam Halal kiye Gaye Kamon mein se Allah Tala ke Nazdeek sab se Na Pasandidah Cheez Talaq hai ✦

It was Narrated from 'Abdullah bin 'Umar RadiyAllahu Anhu that: The Messenger of Allah Sallallahu Alaihi Wasallam said: "The most hated of permissible things to Allah is divorce. "

[Sunan Ibn Majah :: Vol. 3 :: Book 10 :: Hadith 2018]

Urdu Translation: Hazrat Abdullah bin Umar RadiyAllahu Anhu se Riwayat hai ke RasoolAllah Sallallahu Alaihi Wasallam ne Irshad Farmaya Halal kiye gaye kamon mein se Allah Azza'wa'jal ko sab se Zyadah Na pasand (cheez) Talaq hai.

[Urdu Ref :: Sunan Ibn Majah :: Vol.2 :: Hadith 175]