Allah Ta'ala Ham Sab Ko Quran Kareem Ki Zyadah Se Zyadah Tilawat Karne Ki Toufeeq Ata Farmaye. Aameen

💔 Apnon Ki Khabren Jab Ghairon Ki Zubani Sunne Ko Milen To Samajh Jayyen, Rishton Mein Daraden Pad Chuki Hain 💔

►► Australia Ke Jangalat Mein Aag Bhadkane Ka Sabab ◄◄
✦....♥  Aur Rasool Allah (ﷺ) Ka Farmane Aalishan ♥....✦

Australia Ke Jangalaat Mein Bhadakti Aag Se Guzashta Chand Dinon Mein Khateer Jani o Maali Nuqsan Hua, Taqriban 48 Crore Janwar Halak Aur 30 Lakh Ekad Raqba Jal Kar Rakh Ho Gaya, 2018 Aur 2019-20 Ki Tahqiqat Ke Mutabiq Sciencedan Ka Kehna Hai Ke Aag Bhadkane Ka Bunyadi Sabab “Cheel” Hai Jo Danista Taur Par Aag Phailane Ka Sabab Banti Hai, Ye Jalti Hui Chingari Ko Muh Mein Daba Kar Dusri Jhadiyon Mein Phenk Deti Hai, Cheel Apni Rowait Mein Hayel Hone Wale Tamam Paodon Aur Jhadiyon Ko Jalane Ki Koshish Karti Hai. 

Qurban Jaye Sacchon Ke Sardar Hazrat Muhammad ﷺ Ke Aaj Se 1400 Saal Qabl Ke Farmane Aalishan Ki Sadaqat Par Ke Aap ﷺ Ne Cheel Ki Zarar Rasaa Aur Shareer Fitrat Ki Waja Se Use Marne Ka Hukum Diya.

Aap ﷺ Ne Irshad Farmaya:  “5 Mauzi Janwar Hain, Jinhen Hudoode Haram Mein Bhi Mara Ja Sakta Hai (To Hudoode Haram Se Bahar To Batareeq Aaula Un Ka Marna Jayez Hoga): ❶ Chuha ❷ Bicchu ❸ Cheel ❹ Kawwa ❺ Aur Kaat Lene Wala Kutta. (Sahih Bukhari: 3314)

●◗► Bure Logon Ki Sohbat Ka Nuqsan! Hazrat Bashar Hafi Rahimahullah Farmate Hain: Bure Logon Ki Sohbat Naik Logon Se “Badgumani” Paida Karti Hai…

► Badgumani: Kisi Ke Bare Mein Koi Bura Khayal Ya Buri Raye Qayem Karna.

✦.............► Biwi Ke Huqooq ◄.............✦

Narrated Mu'awiyah al-Qushayri: Mu'awiyah asked: Messenger of Allah (ﷺ), what is the right of the wife of one of us over him? He (ﷺ) replied: That you should give her food when you eat, clothe her when you clothe yourself, do not strike her on the face, do not revile her or separate yourself from her except in the house."

Urdu Translation: Hazrat Mu’awiyah al-Qushayri Farmate Hain Ke Main Ne Arz Kiya: Ya RasoolAllah (ﷺ)! Biwi Ke Khawind Par Kya Huqooq Hai?  Aap  (ﷺ) Ne Farmaya: “Jab Tum Khao To Use Bhi Khilao Aur Jab Pahno To Use Bhi Pahnao, Us Ke Chehre Par Na Maro, Na Use Bura Bhala Kaho Aur Batore Tambeei Agar Us Se Alahedgi Ekhtiyar Karni Ho To Ghar Hi Mein Alahedgi Ekhtiyar Karo.”

[Sunan Abi Dawud :: Book 11 :: Hadith 2137, 2142]

✦.........► Shohar Ki Ijazat Ke Baghair Hadya Dena! ◄.........✦

The Prophet (ﷺ) said: "It is not permissible for a woman to present a gift (from her husband's property) except with the permission of her husband."

Urdu Translation: RasoolAllah (ﷺ) Ne Irshad Farmaya: “Kisi Aurat Ke Liye Jayez Nahin Ke Wo Apne Shohar Ki Ijazat Ke Baghair Koi Hadya De.”

[ Sunan Abi Dawud :: Book 23 :: Hadith 3540, 3547]

Maghfirat Ka Parwana Aap Bhi Hasil Kar Sakte Hain!

Shamsi Saal Ke Aaghaz Par Ahem Paigham!

🌺 Aap Saal Badalta Dekh Rahe Hain Ham Ne Saal Bhar Logon Ko Badalte Dekha Hai 🌺

●◗► Ya Rabbal Alameen! Tamaam Aalame Islam Ko Har Qism Ki Sazishon, Khana Jangi, Maslaki Taassub Aur Dakhili Inteshar o Ifteraq Se Mahfuz Farma, Musalmano Ki Janon, Malon, Izzaton Aur Islami Mumalik Aur Un Ke Bashindon Ki Hifazat Farma, Bil Khusoos Watne Azeez Hindustan Ko Amn o Istehkam Aur Taraqqi o Kamrani Naseeb Farma.

Ya Allah Ya Arhamar Rahimeen! Musalman Be Basi Aur Lachari Ke Aalam Mein Hain, Koi Un Ka Yaar o Madadgar Aur Khair Khuah Nahin, Ya Allah! Un Ijtemayi Gunahon Ko Muaaf Farma Jin Ki Nahusat Se Musalman Aap Ki Madad o Nusrat Aur Difa o Hisar Se Mahroom Hain Aur Musalmanon Ke Zawal Ko Yahin Par Rok Kar Musalmanon Ko Urooj o Bulandi Naseeb Farma. Ya Allah! Is “Saale Nao” Ko Musalmanon Ke Liye “Ummide Nao” Banade. Aameen Ya Rabbal Alameen

✦.........► Naya Saal Manane Ka Tariqa ◄........✦

●◗►  Alhamdulillah Main Musalman Hun, Main Isaiyyon, Yahudiyon Aur Secular Wala Deen Logon Ke Tarz Par Aatish Bazi, Ghul Gubarah, Mausiqi, Naach Gane, Patakhe, Firing Aur Digar Allah Ke Narazgi Wale Aamal Kar Ke Naye Saal Ki Khushi Nahin Manata, Han Itna Zaroor Hai Ke Main Apne Aur Poori Ummat Ke Gunahon Par Tauba Karta Hun Aur Rabbul Alameen Se Dua Karta Hun Ke Wo 2020 Ko Islam Aur Musalmano Ki Sarbulandi Ka Saal Banade Aur 2019 Mein Jo Dil Kharash Manazir Hame Dekhne Ko Mile Jaise Kashmir, Assam, Delhi, U.P Aur Digar Shahron Mein Un Se Hamesha Ke Liye Hamen Mahfzooz Farmaden. Aameen

✦....► New Year Night Ki Taqareeb Ka Boycott Kijiye ◄....✦

⇨ "(Rehman ke Bande Wo Hain) Jo Jhoot Aur Batil Kamon Mein Shareek Nahin Hote Aur Jab Behudah Kamon Ke Paas Se Guzarte Hain To (Daman Bachate Hue) Nihayat Waqar Aur Sharafat Ke Sath Guzar Jate Hain." (Qur’an Surah Al-Furqan: 72)

⇨ "And those who do not witness falsehood, and if they pass by some evil play or evil talk, they pass by it with dignity." (Qur’an 25:72)

💔 Mamuli Mamuli Baton Ko Dil Mein Rihayesh Na Den Kyun Ke Agar Ye Dil Ke Makeen Ban Jayen To Bade Bade Rishte "Musafir" Ban Jate Hain 💔

► Maut Ki Tayyari Ka Moqa Hath Se Nikla Ja Raha Hai! ◄

Allah's Messenger (ﷺ) said: "The hour shall not be established until time is constricted, and the year is like a month, a month is like the week, and the week is like the day, and the day is like the hour, and the hour is like the flare of the fire."

[Jami at-Tirmidhi :: Vol. 4 :: Book 10 :: Hadith 2332]

Urdu Translation: RasoolAllah ﷺ Ne Irshad Farmaya: "Qayamat Us Waqt Tak Qayem Nahin Hogi Jab Tak Zamana Aapas Mein Bahot Qareeb Na Ho Jaye (Yani Shab o Roz Ki Gardish Bahot Taiz Na Ho Jaye), Chunanche Saal Mahine Ke Barabar, Mahina Hafte Ke Barabar, Hafta Dinon ke Barabar Aur Din Ghante Ke Barabar Ho Jayega, Aur Ghante Ka Dauraniya Bus Itna Hi Reh Jayega Ke Jitni Dair Mein Aag Ka Sho’la Aikdum Bhadak Kar Bujh Jata Hai."

[Urdu Ref :: Jami at-Tirmidhi :: Vol. 2 :: Hadith 213, 2332]